urn:nl-mpi-tools-elan-eaf:b3237e6f-3bb1-4b9a-8d28-07e1431aa7c0
273
report
{Error en pronunciación. Debió decir "ka4na(3)=en4}
¿Sa1a3 na3ni(4)=un4?
¿Sa1a3 kwi1ya(1)=on4?
¿Sa1a3 na3ni4 ñu3u2=un4?
Sa1a3 nã3nỹũ4
Sa1a3 kwi1ỹõ4
Sa1a3 nã3nĩ4 ñũ3ũ24
¿Sa1a3 nã3nỹũ4?
¿Sa1a3 kwi1ỹõ4?
¿Sa1a3 nã3nĩ4 ñũ3ũ24?
Martín Severiamo Germán
Rey Castillo García + Martín Severiamo Germán
Rey Castillo García + Martín Severiamo Germán
Rey Castillo García + Martín Severiamo Germán
Yo'4o4 i4yo2 kwen4tu2 xa'1a4 na1, na1 nda'4bi2 ni1-xi'1i1 si'3i4 ni1-ndo1o3 yu3ba4=na3,
na1 kan4 ndi4, ndi13-ki'3in3=ra2 i3nga2 ña'3a4 tan3, tan3 yu14bi4 tiem4pu2 ki1bi4 ni1-ju3na'3a(2)=e2 ba1xi3=a2 ndi4 yu14bi4 na3a4 ba43.
Ko14o3 ñu'1u3 ko14o3 yo1o4 ko14o3 yu14bi4 na3a4 ba42 i4yo2 na1 nda'4bi2
tan3 na1 kan4 ku4u4=na2, ye'4e1 ba3 ndi4, ndi4 ba143 ye'4e1 [...] sa3kan4 ku4ni2 ti4 ba(3)=e2, i4yo(2)=a2 ko4ndo3 ñu3u42 ba3 tan3 ndi4
i3kan4 ni1-xi'1i1 si'3i4=na2 tan3 i3kan4 ni1-ndo1o3=na2 i3kan4 ndi13-ki'3in3=ra2 i3nga2 ña'3a4 tan3 ka4chi2=an4 so'3o3 ji'4in4=ra2 ndi4
ya1kan3, ndi3-ki'3in(3)=un4 na1 ka1a3 tan3 ku'1un1 nda1ka(3)=on4=na2 nda1 ma'14ñu3 ku'1u1 na4 ku'1un1=na1 tan3 ka3xi4 ndi3ka'3a3=na2 ndi4 na4 ndi'3i3 xa'1a4=na2 ka4chi2 ña'3a4 ndi13-ki'3in3=ra2 tan3 i4yo2 na1 se'1e(3)=an4 tan3
i4yo2 ta'3an2 ndu3xi4 ja1na(1)=en4 ja'4ni2(4)=an4=ri4 tan3 ta1kwi42 nda3yu4 ta4xi(3)=an4 xi4xi3 na1kwa4chi3 ña1a4 ku4u4=na2 na1 nda'4bi2 tan3
tan3 se'1e3 mi3i(4)=an4 ndi4 ku3ñu2 ta4an2(4)=en4 xi4xi3 na1 kan4, xi4xi3=na2 ta1kwi42 nda3yu4 tan3
tan42 i4xa(3)=en4 ji'4in4 i3na2 i4xa(3)=en4 ji'4in4 na1kwa4chi3 ndi4 ta1kwi42 nda3yu4 ba3 ta4xi(3)=an4 xi4xi3 na1 kan4
ya1 kan4 ba42 ta'1nda1chi3ñu3 nu14u3=ra2 na4 ku'1un1=ra1 ku'1un1 nda1ka3=ra2 se'1e3=ra2 ma'14ñu3 ku'1u1 xu13xa3 i3kan4 ka3xi4 ña'3a4 ndi3ka'3a3
i3kan4 ni1-ka3chi2 ta1 ya3ni2=ra1 ta1 che4e13 ji'4in4 ta1 i4xa3 lu3u3 ndi4 ya3ni2 na4 kwa'1an1 yo4o4 tan3
ndi3-kwi3so(3)=on4 ya1a4 ña1a4, ya1a4 ña1a4 ta3an(4)=on4 *bolsa** tan3 ku'1un(1)=a1 ji'4in(4)=o4 ndi4 mi4i4 ja1 ta'1nda1 chi3ñu3 nu14u(3)=e4 ku'1un(1)=o4 tan3
tan3 i3kan4 ba42 ndi4 ya1 ña1a4 ko3ndo3 *seña** mi4i4 ba42 ku'1un1 yo4o4 ka4chi2, ka4chi2=ra1 ji'4in4 ya3ni2=ra1
i3kan4 ndu13-xi'3na3 yu3ba4=na2 kwa'1an1=na1 tan3 i3kan4 ndi4kun2=ra1, ndi4kun2 na1kwa4chi3 kwa'1an1=na1 sa3kan4 kwa'1an1=na1 sa3kan4 kwa'1a4 ja'1an1=ra1
ba143 ko4nde3e4 ta'3an2 [i3ni2]=ra1 ja'1a4 se'1e3=ra2 ndi4 sa3kan4 ka4a4 tan3, ku4ni2=an4 ndi4 na1 ku'1un1 ndi'3i3 xa'1a4 ku4u4=na2 ka3xi4 ndi3ka'3a3=na3,
ya1kan3, tan3 ni14-..., na1 ña1a4 ndi4 ni14-ja3xi4 ndi3ka'3a3 na1 ña1a4 ndi4
kwa'1a4 ja'1an1=na1 ni1-ka'1an1, xa1a1 ba3=na2 mi4i4 ba42 ka4chi2 yu3ba4=na2 xa1a1=na1 i3kan4 ka4chi2 yu3ba4=na2 ji'4in4=na2 ndi4
*hijo** bi3tin3 ndi4 kwa'4an2=ndo4 xa1a1=ndo4 nda1 mi4i4 ke4ta3 nu14u3 i3chi4 yo'4o4, yo'4o4 tan3 kwa'1an1 i3chi4 yo'4o4 tan3 i3chi4 yo'4o4 ku'1un1=yu1 tan3 i3chi4 yo'4o4 ku'1un1=ndo4 tan3 sa3kan4 ndi4 nda1 mi4i4 ke4ta3 nu14u3 i3chi4 kan4 nda1 i3kan4
an4 yu'1u1 nda4tu(3)=2 ndo'4o1 an4, an4 ndo'4o1 nda4tu3=ndo4 yu'1u1 ndi4 ña1a4 xa1a1=yu1 nda3-ki3ta'4an4 yo4o4 ka4chi2=ra1 ji'4in4 se'1e3=ra3,
i3kan4 tin3, i4xa3 su3u3=ra2 ndi4 su3tun4 ja'1an1=ra1 tan3 i3kan4 nda13-ndi3ko4=ra2 tan3, tan3 na1kwa4chi3 kan4 ndi4 ni1-ke3ta3=na2 kwa'1an1=na1 tan3 ja1,
ja1 lu3u3 ja1 lu3u3 ya1a4 chi4nde3e3=na2 i3chi4 kwa'1an1=na1 a1chi1 i1yo3 nda3ndo4so24 nu14u3=na2 mi4i4 kwa'1an1=na1 mi4i4 ni1-ki3xa3a4=na2 ni1-ki'1bi3=na2 kwa'1an1=na1 sa3kan4
i3chi4, sa1a3ka4ni24 i3chi4 su3tun4 su3tun4 tan3 chi4nde3e3=na2 ya1a4 kwa'1an1=na1
kwa'1an1=na1 ndi4 ma'14ñu3 ku'1u1 xu13xa3 ña1a4 i4yo2 i3chi4 ta4xin24 ta4xin24 ka4a4 tan3 ni3 ko14o3 ni1bi4 ko14o3 xi4ka3 tan3
mi4i4 i4yo2 ki3ti4 ba'14a4 ba42 tan3, tan3 i3kan4 kwa'1an1=na1 na1 kwa'1an1 ndi'3i3 xa'1a4 ku4u4=na3, tan3 na1 kan4 ni14-ndi'3i3 xa'1a4 na1 kan4 ndi4
yu3ba4 yo4o4 ta1 kan4 ku4u4 ta1 chi13-nde3e4=ra2=na1 a1chi1 ndi4 na1 ba'1a3 jo13ndo3 na1 kan4 na1, ko14o3 ji4ni2 yo3o3 na1 ku4u4=na2 ndi4 na1 ba'1a3 jo13ndo3=na3.
I3kan4 mi4i4 kwa'1an1 ni1-ndi'3i3 ya1a4 tan3 ni1-ke3ta3=na2, ña1a4 jo13nde3e3=na2 nde4e4=na2 nda4tu3=na2 ko14o3 yu3ba4=na2 ni4-xa1a1
nda13-ndi3ko4=na2 ki13xa2a2=na1 ndi4 ja1 ñu3u42 kwe4nda2 ñu3u42 ki13xa2a2=na1
ni1-ki3xa2a2=na1 ndi4 i3kan4 ni1-.., nda13-ku3na4=na2 ye'14e4 tan3 i3kan4 ni1-...,
nda13-ndu3ku4=na2 mi4i4 ndi4chi2 ki1si3 i3kan4 ni1-xi3xi3=na2 nda3yu4 ja13xi4=na2 ña'1a3 nda143 ta1kwi42 nda3yu4 ndo13ko3o4=na3.
Nda13ku'1un3 i3ni2 na1 kan4 ba4a24 ba4a24 nda13-ye'3e2 ya1 kwe4nda2 ya1 in4ki14tu3 kan4 ndi4 ba4a24 ba4a24 ye'4e1 ko14o3 ñu'3u2 ko14o3 i4yo2 ndi4 ba4a24 ba4a24 ye'4e1 ka4a4 tan3
nda13ku'1un3 i3ni2 na1 kan4 ndi4 na1 ña1a4 nde4e4 ki4xin1 i3kan4 ni1-ka3chi2=ra1 ndi4, bi3tin3 ndi4 na1 kwa'1an1 ku3u2 ku4u4=na2 tan3 ni14-ja'1an1=na1 bi3tin3 ndi4
kwa'4an2 nda1ka(3)=on4=na2 yu'3u4 ti1su'4u4, ba'1a3 ti1su'4u4 na4 ka1ti3in3=ri4=na2 ka3xi4=ri4=na2 na4 ndi'3i3 xa'1a4=na2 ka4chi2=an4 kan4
ndi13-kwi3so3 tu3ku3 se'1e3=ra2, ndi13-kwi3so3=ra2 se'1e3=ra2 kwa'1an1 na1 kan4 yu'3u4 ti1su'4u4, i3kan4 ndi4
ni1-xa1a1=na1 i3kan4 ndi4 ba143 ni4-xa1a1=na1 kan4 tan3 na1 ku3u2 ku4u4 na1 kan4 ndi4
tan42 ni1-ndo'3o3=na2 mi4i4 ja'1an1=na1 kan4 ndi4 na1 [...] sa3kan4 tu3 mi4i4 ba42 ta1xi4=na2 kwa'1an1=na1 kan4 ndi4 na1 kwa'1an1 ndi'3i3 xa'1a4 ku4u4=na2 ka3xi4 ti1su'4u4=na2 [...] ti4 ka3xi4 ku4u4=ri4
ni14-ja3xi4 ti4 kan4 tan3 ndi4 nda4a2 bi4 i4yo2, i4yo2 *pan** i3kan4 xi13ko4 ti4 kan4 yu3chi4 tan3
chi13nde3e3 po3ndo42=ri4=a2 mi4i4 ba42 nu14u3 tu3tu2 mi4i4 ba42 ni1-xa1a1=ri4 ji'4in(4)=a2 tan3 na1 kan4 ndi4 na1 ni1-i3xa(3)=e2 ma1ni4 xi13xi3 yu3chi4 *pan** ku4u4 na1 kan4 ni1-xi3xi3=na2,
i3kan4 ni1-ndi'1i3 i3ni2=na1 nde4e4=na2 i3kan4 nda13-ndi3ko4=na2 kwa'1an1=na1, ni1-xa1a1=na1 ndi4 a1su3 nda3yu4 i4yo2 tu3ku3 ba3 xi4xi3=na2 i4yo2=ni42 ndu3xi4 ja1na1 ña4 ko4ndo3 si'3i4 nda'4bi2=na1 kan4
tan3 ku4ni2=an4 na1 ndi'3i3 xa'1a4 ku4u4=na2, ni14-..., mi4i4 ja'1an1=na1 kan4 ndi4 ni14-ja3xi4 ki3ti4 xa'1a4=na2 ndi4 na1 i13xa(3)=e2 ma1ni4 ku4u4=na2, i3kan4 ni1-ke3e3=na2 ja'1an1=na1
i3kan4 ni1-xa1a1=na1, bi3tin3 ndi4 mi4i4 ñu'4u4 kwa'1a4 ji1ndi1ki4 i3kan4 ku'1un1 nda1ka(3)=on4=na3,
na4 ndi'3i3 xa'1a4=na2 i3kan4 si4-ki'1bi3=ri4 ndi3ki4 ka'3a4=na2 na4 ku3u2=na1 a1chi1 ko14o3 chiu3un3 a3sa(3)=2 na1 ka1a3 ndi4 se'1e3=2 i4yo2 tan3
ku14ni2[=yu1] a3sa3 ma1ni4=2 se'1e(3)=on4 ka4chi2=an4 so'3o3 ji'4in4 ta1 ni1-ndi3-ki'3in(3)=an4 i4ndu'3u4 ji'4in(4)=an4 tan3 ndi3sa3a4=e2 tan3 ku13nde3e4 i3ni2=ra1 ndi4
ndi13-kwi3so3=ra2 se'1e3=ra2 ja'1an1 nda1ka3=ra(2)=e2 ma'14ñu3 ji1ndi1ki4 mi4i4 ñu'4u4 kwa'1a4=ri4 i3kan4
ni1-xa1a1=na1 i3kan4 tan3 ma4su2 ji1ndi1ki4 kan4 ndi4 nda143 *lechin** kan4 ni1-ko'3ni4=na2 ni1-xi'3i3=na2 tin3 xi1yo3=na2 kan4
i3kan4 ni1-..., kwa'1an1 ni1-ku3-ñu3u42 tan3 xa143 ni1-nda3-ndi3ko4=na2 nda13-xa2a2=na1 be'3e3 tan3 na1 ña1a4 ndi4 ba143 xi4xi3=na2 ndi4 ña'1a3 ba3 xi4xi3 na1 ña1a4
ni1-xi'1i1 i3in3 tiu1un4 ni1-kwa'3a3 *mule** xi13xi3=na3,
ña1a4 ndi4 ku3ñu2 ja13xi4=na2 tan3 ya'3a4 ni1-ndo1o3 ba(3)=e2 kan4, ya1 kan4 ndo13to3=na2 ni1ki4tu3 ndi4 i3kan4ka4chi2=an4 ji'4in4=ra2 ndi4 bi3tin3 ndi4
na1 ni14-xi'1i1 ku4u4=na2 mi4i4 ja'1an1=na1 ndi4 bi3tin3 ndi4 kwa'4an2 nda1ka(3)=on4=na3, mi1ni32 ku'1un1 ta3an(4)=on4 na1 ka1a3 na4, mi4i4 i4ta3ka3a3 ta1kwi42 kan4 na4 ta3an(4)=on4=na2 na4 ko1yo3=na2 mi1ni32 kan4 tan3 ku3u2=na1 ka4chi2=an4
ji'4in4 ta1 i4ndu'3u4 ji'4in(4)=an4, i3kan4 ndi13-kwi3so3=ra2 se'1e3=ra2 tan3 ni14-ko3nde3e4 i3ni2=ra1 ta3an4=ra2 se'1e3=ra2 mi4i4 i4ta3ka3a3 ta1kwi42 tan3 ku'1un(1)=a1 ko1yo3=a2 mi1ni32 ndi4
mi4i4 nda1a1 ta1kwi42 i3kan4, i3kan4 ni1-ta3an4=ra2 se'1e3=ra2 yu'3u4 na3ma2 i3kan4 chi4tu4=a3,
i3kan4 ni1-[ki3] xa2a2 ña4 ta4u3ni2, ña4 ko4ndo3 ña4 ta4u3ni2 ñu'3u4 ni1-ki3xa2a(2)=en4
[...] i3kan4 ni1-nda3-xa2a2=ra1 ndi4 i3kan4 ni14-nda3-ndi3ko4 ka1=na1 ku1nu'1u4=na2 be'3e3 ndi4 i3kan4 ni1-ndo1o3 ba3=na3,
ni1-xa1a(1)=en4 tan3 ni1-si14-ki'1bi(3)=an4 nu14u3 *vestido**=an4
nda13-nde1e3 na1kwa4chi3 ndi4 nda1 u1bi1 na1kwa4chi3 nda13-nde1e3 nu14u3 tio1to(1)=an4 kwa'1an1=na1 ndi13-kwi3so(3)=an4=na2 kwa1nu'1u4=na2 ji'4in(4)=an4 ndi4
nda13-xa2a2=en4 tan3 i3kan4 ni1-ti3in(3)=an4 nu4tio4o4=na2 ku4u4=na2 na1 i4ta4 kwa4a4=na3,
i3kan4 ja143 ni1-nda3-xa2a2=na1, i3kan4 ja143 ni1-..., i3kan4, ndi13-ki'3in(3)=an4 kwa'1an(1)=en4
ndi4, ka4chi2=an4 ji'4in4=na2 ndi4, se'1e3 yu'1u1 ndo1o3=ndo4 na4 ku'1un1 nda1ka3=2 is1ta4 ku3xi3 yu3ba4=ndo4 ndi4 i4so3ko2 yu3ba4=ndo4 ka4chi2=an4 so'3o3
kwa4a4 sa4ka2 na1 ña1a4 ni1-ndo1o3=na3, i3kan4 ndi13-ki'3in(3)=an4 kwa'1an(1)=en4 ja143 ni1-xa1a(1)=en4 yu'3u4 i1ta3
nda'4yu1=an4 ka4na1=en4,ka4chi2=an4 ka4na(3)=en4 i3su2 ndi4 "xi'1nda4 xi'1nda4", ka4chi2=an4 so'3o3 ka4na(3)=en4 i3su2, i3kan4 ni1-ki3xa2a2 ba3 ti4 ña1a4
i3kan4 ni1-ke3e(3)=an4 ni1-xi'14ni(3)=an4 ya3yu3 kwe4nda2 ja'1a4 si'1in(3)=an4 ndi4 ña4 ka13ku3 se'1e3 ban4 kwi14i3 ku3-si1i4 i3ni2 i3su2 ku3ni2=ri4=ña4 ndi4 ña4 ka13ku3 se'1e3 ban4
ndi4 bi3tin3 ndi4 ba1xi3 nu4mi24=ni42[=yu1] nda1ka3=2 is1ta4 ku3xi(3)=un4 ndi4 se'1e(3)=o4 ndi4 ka13ku3=na3, u1bi1 bi4 na1kwa4chi3 sa14-ka3ku(3)=2 ya1 kan4 ndi4
nu4tio4o4 ta13an4=2=na1 tan3 i3kan4 ba1xi3=2 nu4mi24=ni42 ba1xi3=2 ka4chi2=an4 so'3o3 i3kan4 ndi'13i3 xi13xi3 i3su2 tan3 ndi13-ki'3in3=ri4 kwa'1an1=ri4
i3kan4 ni1-..., ni1-ki3xa2a(2)=en4, nda13-xa2a2=en4 ndi4 ja1 mbo3la3 ja1 mbo3la3 ka1chi4 nu14u3 ndu3ku2
ya1 ko4ndo3 yu'1ba1 ti1ndi'4ba2 kan4 ndi4 sa14-ka3ka3=na(2)=e2 nu14u3 ndu3ku2 ndi4 xi1ndu'1ba1 ba3 nda13ndo3o(3)=a2 kan4 i13xa3=na3.
Ji14ni2 bi4=na2 ndi4 kwa4a4=ni42=na1 ñu'4u4=na2 nu4tio4o4 ndi4 na1 i4so3ko2 ku4u4=na2 kwa4a4=na2, ka4chi2=an4 ji'4in4=na2 ndi4, se'1e3 yu'1u1 an4 ji14ni2=ndo4 yo3o3 ku4u4 na1 ni1-ki3xi3 i13xa3=na(2)=e2 chi1tun3 ji'4in(4)=2 i13xa3=ni42=na1,
sa14-ka3ka3=na2 yu'1ba1 ka1a3 sa14-ka3ka3=na2 chi13nde3e3=na2 ka1chi4 ka1a3 nu14u3 ndu3ku2 ka1a3
ba'1a3 na4 na1 ja1 ba'1a3 ku4u4=ndo4 i4yo2 tu'1un3=ndo4 ka'1an1=ndo4 ji'4in(4)=2 tan3 ndo'4o1 ndi4 na1 i4ta4 ku4u4 ndo'4o1 ka4chi2=an4 so'3o3 ji'4in4 se'1e(3)=an4 ndi13-kwi3so(3)=an4=na2, i3kan4,
ji14ni2 na1 kan4 na1 kwa4a4=ni42 ku4u4 na1 ña1a4 chi4tu4=na3, i3kan4 ja143 ni1-ndi3-ki'3in(3)=an4, i3kan4 ndi13ko3 tu3ku(3)=an4 tan3,
i3kan4 ndi13-ki'3in3 tu3ku(3)=an4 kwa'1an1 tu3ku(3)=an4, i3kan4 ka4chi2, ndi4 nu4mi24=ni42 ku3xi(3)=un4..., ki13xa2a(2)=en4 nda'4yu1=an4 nu14u3 i3su2 ndi4 na4 xa1a1=ri4
ndi4 nda143 u1bi1 ti4 u1bi1 u1ni1 nda'1yu(1)=an4 tan3 ki13xa2a2 ti4 kan4, nu4mi24 ku3xi(3)=un4 ndi4 na4 ku'1un1=yu1 ndi4 i4so3ko2=yu1 ndi4 ko14o3 i4yo2 xo3kwe4nda2 se'1e(3)=o4 ni1-ndo1o3=na2 ñu'4u4=na2 nu4tio4o4 ka4chi2=an4
i3kan4 ni1-ke3ta(3)=en4 kwa'1an(1)=en4 nu4mi24 xi13xi3 ti4 kan4 tan3 ni1-ke3ta(3)=en4 kwa'1an(1)=en4 nda13-xa2a2=en4 ndi4 a1su3 tan42 ka4a4 ka4a4 ndi4 ba143 kwi4i4 ku3ni2=an4 yo3o3 ku4u4 na1 sa4ka4 ya1 ko4ndo3 xi1ndu'1ba1 kan4 ndi4
i4yo2=ni4(2)=a2 ko4ndo3 yu'1ba1 ña1a4 xi1ka3 ndi'3i(3)=a2 nu14u3 ndu3ku2
ka4chi2=an4 so'3o3 ji'4in4 se'1e(3)=an4 ndi4, "i4..., se'1e3 yu'1u1 an4 na1 ji4ni2 ku4u4=ndo4 yo3o3 ku4u4 na1 ni1-i3xa3 sa3kan4 ji'4in4, ji'4in(4)=2 ndi4 nda3tu'4un4=ndo4 ji'4in(4)=2
ndo'4o1 ndi4 na1 ko14o3 tu'1un3 ku4u4=ndo4 na1 i4ta4 ku4u4 ndo'4o1 tan3 ka4a(4)=e2 ku4u4=ni42 sa3kan4 ka4chi2=an4, tan3 ndi4 na1 ña1a4 ndi4 na1 kwa4a4=ni42 ku4u4 na1 ña1a4 ñu'4u4=na2 nu4tio4o4 chi4tu4=na3.
Sa3kan4 ndi'3i3 ji'4in(4)=a2 sa3kan4 ndi'3i3 ku4u(4)=a2 xi4ka(3)=en4 nda1 kwa'3a2 ndi4 ni1-ju3ta'3an2=en4=na2 ndi4 su14u3 ni1bi4 ba1xi3 ndi4 mi3i4 ba3=na2 ku4u4=na2 i4xa3=na2 sa4-ka3ka3=na(3)=e3.
An4 na1 ja1 ba'1a3 ku4u4=ndo4 se'1e3 yu'1u1, bi3tin3 ndi4 ja'4an1 nda1ka3=2 is1ta4 ku3xi3 yu3ba4=ndo4 tan3 bi3tin3 ndi4
su14u3 ni1bi4 ba1xi3 bi4 i4xa3 sa3kan4 ndi4 mi3i4 ba3=ndo4 ku4u4 na1 i4xa3 sa3kan4, bi3tin3 ndi4
ku'1un1 ndu3ku4=ndo4 ña1 yu3ku4 ku3xi(3)=o4, bi3tin3 ndi4 yo'4o4 ti3in(3)=2 ku13xi2
yo'4o4 ti3in(3)=2 ndu3ba4 sa3kan4 ndi4 ku'1un1=ndo4 ndu3ku4=ndo4 ya1 ku3xi(3)=o4 ndi4 na1 ja1 ba'1a3 ku4u4=ndo4 na1 ja1 ba'1a3 ku'1un1 ku'1u1 ku4u4=ndo4 tan3 nde4e4=ndo4 sa3kan4 ka4chi2=an4 so'3o3 ji'4in4=na3.
Ji14ni2=an4 na4 ja1 ba'1a3=na2 ya1 kan4 ndi4 ni1-ti3in(3)=an4 ku13xi2 i3kan4 ni1-ti3in(3)=an4 ndu3ba4 u1bi1=run4 ni1-ti3in(3)=an4 ta13xi(3)=an4, ti3in(3)=an4 ndu3ba4 ta13xi(3)=an4 nda'3a4=na3.
Tan3 ya1 ko4ndo3, ya1 ko4ndo3 ya1, ke13e3=na2 kwa'1an1=na1 ku'1u1 i3kan4 xa143 ni1-..., xa143 ni1-ki'3in3=na2 kwa'1an1=na1 tin3
xa143 xi1na'1ñu1 ti4 sa3a2 xi4to3=na2 ka4ni3=na2 ndu3ba4 tan3 xi'4i1=ri4 ba1xi3=ri4 xa1 nu3mi3=ri4
i3kan4 kwa'1an1=na1 sa3kan4 kwa'1an1=na1 sa3kan4 ju13ta'3an2=na1 ku3kun42 i3kan4 ndi4 ka4chi2 ku3kun42 ji'4in4=na2 ndi4
ko1to1 ka'14ni4=ndo4 yu'1u1 ndi4 si'3i4=ndo4 ndi4 su14u3 ndi3xa3 bi4 ña1,
ta1a3 bi4 ku4u4 yu3ba4=ndo4 ndi4 i3su2 ba3 nda4sa(3)=en4 ko4ndo3 yu3ba4=ndo4 so'3o3 ka'4an2=en4 tan3, tan3 ki4xa2a2 yu3ba4=ndo4 tan3
na4 ku4ni2 ku3ni3=ndo4 tan3 ku'1un1=ndo4 sa3kan4 ndi4 ka'1an1=ndo4 sa3kan4 tan3 sa3kan4 ki3xa2a2 yu3ba4=ndo4 nu14u3=ndo4 ka4chi2, ka4chi2 ku3kun42 so'3o3 ji'4in4=na3.
Ba'1a3 na4tu2 kan4 ndi4 ka'1an(1)=on4 tan3 ku3ni2=ndu1 sa1a3 ka'4an2 si'3i4=ndu3, i3kan4 ndi4 ja143 ka'4an2 ku3kun42 ndi4
ka'14ni4=ndo4 yu'1u1 na4 ka'1an(1)=e1 ji'4in4=ndo4 ndi4 so'3o3 ka'4an2=en4, i3kan4 xa143 ndi13-ki'3in(3)=an4 kwa'1an(1)=en4
i3kan4 ndi13-ki'3in3=na2 kwa'1an1=na1 ndi4 ni1-ka'1an1 ku3kun42 ndi4 xi'1nda4 xi'1nda4 ka3chi2=ndo4 sa3kan4 nda'1yu1=ndo4 kwi3ta3=ndo4 sa3kan4 ki3xa2a2 ba3 ti4 ña1a4
i3su2 nu14u3=ndo4, i3kan4 ki13xa3a4=na2 ki13xa2a2=na1 yu'3u4 i1ta3, i3kan4 xa143 ni1-..., xa143 nda'4yu1=na1 ndi4ta3=na3, u1bi1 u1ni1 nda'1yu1=na1 tan3 ni1-ki3xa2a2 ti4 ña1a4
ji1na'1ñu1 ti4=ri4 ka13ni3=na2 tan3 kwa'1an1, kwa'1an1=ri4 ñu'3u4 tan3 i3kan4 ni1-ta3ba4=na2 ku3ñu2 ni1-ta3ba4=na2,
i3kan4 nda13-ka3ya2=na1 yo3ko2 nda13-ka3ya2=na1 ti1mi3i4 ba3 nda13-ka3ya2=na1 ndi3sa4ku4u4 nu14u3 ti4 xa1tu1 ni1-ta3an4=na2 ti1xin3 i3su2 kan4 nda13ka'4ma3=na2 mi4i4 ta13ba4=na2 ku3ñu2 kan4 tan3
i3kan4 ni1-ki'3in3=na(2)=e2 mi4i4 ba42 ja'13ni4=na(2)=e2 kan4 tan3 ka13ndi3chi2=na(1)=e1 su3tun4 i3kan4 ni1-ke3e3=na2 kwa1nu'1u4=na3.
Ki13xa2a2=na1 ji'4in4 ku3ñu2 ndi4 ke13-ba'1a3=ni42=na1 ji'4in4 ku3ñu2 ki13xa2a2 sa3a2 ki13xa2a2 ji'4in4=na3, i3kan4 ki13xa2a2 ña4 ta4..., ni1-ki3xa2a2=na1 nda13-kwa'1a3=na(2)=e2 nda'3a4 si'3i4=na2 i3kan4 ka4chi2=na1 ndi4
bi3tin3 ndi4 *mamá** ndi4 ja4-chi'1yo(4)=on4 ku3ñu2 ku3xi(3)=o4 ndi4 ke13-ba'1a3=ndu2 ji'4in4 ku3ñu2, ku3ñu2 ki13xa2a2 ji'4in4=ndu3.
Sa14-kwa3chi(3)=an4 ku3ñu2 ja143 ka13ndo3so(4)=an4=e2 nu'3u2 ndo4so14=a2, si4so1=ni4(2)=a2 ña1a4 ndo4so14=a2 nu'3u2 chi13ka2=en4 ya'3a4 nu14u(3)=a3,
i3kan4 ni1-ya'1a3 tu1ni4i2 nda'4yu1=ri4, nda'4yu1=ni42 ti4 ña1a4 ndi4 ni1-ya'1a3=ri4 kwa'1an1=ri4
na1kwa4chi3 ba'1a3 na4 su14u3 yu3ba4=ndo4 ni4-ja'3ni4=ndo4 ndi4 ka1a3 ni1-ya'1a3 ta1 *efe** nda'4yu1=ra1 ndi4 yu3ba4=ndo4 ja'13ni4=ndo4 ka4chi2=ra1
na3na3 be4la2, su14u3 yu3ba4=ndu2 ni4-ja'3ni4=ndu2 ndi4 i3su2 ba3 ja'13ni4=ndu2 ka4chi2 na1kwa4chi3 ka'4an2=na1, ba'1a3 na4 su14u3 yu3ba4=ndo4 ni4-ja'3ni4=ndo4
nda1 ndi4kwe1ta3 xi3ko2 ndi4 i3i4 i3i4 ni3 ku4ni2=yu1 ka4chi2 ña4 ta4u3ni2 ka'4an2=en4 i4ndu'3u(4)=an4
i3kan4, ba143 ni4-ja'3ni4 ndu'1u1 yu3ba4=ndu2 ndi4 i3su2 ba3 ja'13ni4 ndu'1u1 ka4chi2=na1 ka'4an2=na1 ji'4in4 si'3i4=na3.
I3kan4 ni1-chi3ka2=en4 nda3yu4 tan3 ni1-ki'3in(3)=an4 kwa'1an(1)=en4 i3kan4 ja143 ni1-..., ni1-xa1a(1)=en4 nda'4bi2 kan4
ja143 ni1-ke3e3 ba3 i3su2 mi4i4 ba42 ni1-ki3xi3=ri4 mi4i4 ndi4chi2=ri4 kan4 tan3 ni1-ki3xa2a2=ri4 mi4i4 ndi4chi2=ri4, u1bi1 u1ni1 ni1-nda'1yu(1)=an4 ni1-ki3xa2a2=ri4
tan3 nda4a(2)=e2 ba42 ku4u4 ndi4 ni1-ki3xa2a2 tu(3)=un4 su3tun4 tan3 ba143 [...] ki4xi3 tu(3)=un4 ndi4 tan3 a1su3 a1su3 ka4ni(3)=un4 nda'3a(4)=on4 ndi4chi2=un4 ka4chi2=an4
i3kan4 ni1-ke3e(3)=an4 ka13tu(4)=an4 nu14u3 i3su2 ja143 ni1-ke3ta3 ba3 ti1mi3i4 tin3 yo3ko2 tin3 ni1-ka3ni3=ri4, ni3na3 ti4 xa1tu1 ba3 ni1-ta3an4=na2 ti1xin3 *cueru** kan4 ndo13ko3o4=na2 ya3bi2 mi4i4 ke3e3 ti4 ña1a4
ka13ni3=ri4 ña4 ta4u3ni2, ndi4ta3=na2 ndi4 kwa4a4=na2 ndi4
nda1 ta'3bi4 la3pa3 na3na3 be4la2 nda1 ta'3bi4 la3pa3 be4la2 ka4chi2=na1 so'3o3 xi4ku4tu2(4)=an4 ndi4 ka4ni3 ti4 ña1a4 ndi4 ya14tin3 ni1-tu3u(4)=an4 kwa'1an(1)=en4 ni1nu1
i3kan4 nda13-xa2a2=en4 ka4chi2=an4, ndo'4o1 ndi4 su14u3 na1 ba'1a3 ku4u4 ndo'4o1 ndi4 yu3ba4=ndo4 ja'13ni4=ndo4 ko3to3=ndo4 mi4i4 ku'1un1=ndo4 ndi4 su14u3=na2, i13xa3 ndo'4o1 sa3kan4
bi3tin3 ndi4 ku14nde3e3 ka1=ndo4 be'3e(3)=2 ndi4 ya1 yo'4o4 ndi4 be'3e3 ba'1a3 be'3e3 ya3a3 ku4u4 be'3e3 yu'1u1, ña1a4 ko3to3=ndo4 mi4i4 ku'1un1=ndo4
ka4chi2=an4 ta13xi(4)=an4=na2 kwa'1an1=na1, i3kan4 ni1-ke3e3 na1 kan4 kwa'1an1=na1 tan3 i3kan4 ja143 ni1-...,
ndi4 ni14-ja'1an1 na1 kan4 ndi1kun1 ku'1un1=na1 ke3e3=na2 ku'1un1=na1 ndi4 i3kan4 ni1-xa1a1=na1 ndu13ku4=na2 ke13e3=na2 ja'1an1=na1 xa14ku'1u1 ja'13nda2=na1 i3tun4 si'1in1 ba3 ja'13nda2=na1 nda1ba32
ja'13nda2=na1 yo'3o4 tu'13un3=na2 i3ta2 ka13ya2=na1 na'3a4 ko3nde3e3 ji1ni4=a3.
I3kan4 nu4mi24 i13xa3=na2 chi3ñu3 ndi4 na1 ba'1a3 ku4u4 mi3i4 ba3 na1 ña1a4 ja143 ni1-..., ka4chi2=ra1 ji'4in4 ya3ni2=ra1 ndi4 ya3ni2, na4 kwa'1an1 yo4o4 tan3
ko1to1 ko14to(3)=on4 ja1ta(4)=on4 a1chi1 ndi4 na4tu2 ni1-ji3to(3)=on4 ja1ta(4)=on4 ndi4 tan42 i4yo(2)=a2 ka1a3 ndi4 ja1 kwe4nda2=on4 ku4u4 ndi'3i3 ba(3)=e2 na4tu2 ni1-ji3to(3)=on4 ja1ta(4)=on4 ka4chi2 ta1 ko4ndo3 ta1 che4e13 ji'4in4 ya3ni2=ra1 ta1 ko4ndo3 ta1 ja4 lu3u3
ba'1a3 ya3ni2 na4 ku'1un(1)=o4, xa143 ndi13-ki'3in3=na2 yo'3o4 ni1-nda3-tu3u4=na(2)=e2 tan3 ta13xi3=na2 nu14u(3)=a2 i3chi4 tan3 i3ta2 ndi4 yu3kun2 ja13ta3=na(2)=e2 tan3 i3tun4 ndi4 jwe13ta3 tu3un3 ndi'3i3=run4
xa143 ndi13-ki'3in3=na2, xa4ñu1=na1 kwa'1an1=na1 ni1-ki'3in3=na2 *pasu** kwa'1an1=na1, kwa'1an1=na1 xa1a1=na1 nda143 lu3u3 tan3 nda3-xa2a2=na1 be'3e3 si4so1 tan3 ka4yu3 kwa'1an1=na1 ndi4 i1yo3=lu3 ku4u4 kwa'1an1=na1
tan3 ndi4, tan3 na4chu3 ba42 ndi4 ka4chi2 ya3ni2=o4 ndi4 ko14to(3)=e4 ja1ta(4)=e4 tan3 bi3tin3 ndi4na4 ko3to(3)=e4 ja1ta(4)=e4 tan3 na4chu3 ba42 ndi4 yo3o3 ku4u(4)=a2 ba1xi3 ndi4 si4so1=ni42 tan3, ta4xin24 tu3 kwa'1an1 tu(3)=e4 tan3,
tan3 bi3tin3 ndi4 si4so1=ni42 ba1xi(3)=o4 ka4chi2 ya3ni2=ra1 ta1 i4xa3 lu3u3, i3kan4
ba'1a3 ya3ni2, ña1a4 ko3to(3)=on4 ndi4 ni1-ka'1an(1)=e1 ji'4in(4)=un4 ji13ni3 so'1o3 ba(3)=2 ka'4an2=on4, xo14kwi1in1=ra1 ji13to3=ra2 ndi4
i3ta2 ndi4 nda1 ka4yu3 nda13-ko3nde3e3 ba'1a3 i3ta2 nda13-ko3nde3e3 po3ndo4(2)=a2 tan42 i4yo(2)=a2 i13xa3=na2 ji'4in(4)=a2 sa3kan4 i13xa3=na2 ji'4in(4)=a2 i3tun4 nda1 [...] nda13-ko3nde3e3 ba'1a3=run4
bi3tin3 ndi4 ña1a4 ndi3-kwi3ko(4)=on4=run4 a1chi1 ndi4 ndi14-kwi3ko4=2=run4 ji'4in(4)=un4 a1chi1 ndi4 ya1 ki'4bi(3)=un4 ba42 ña1a4, ja1 ni1-ka'1an(1)=e1 ndi4 ko14to(3)=on4 ja1ta(4)=on4 tan3 bi3tin3 ndi4 i13xa(3)=on4 sa3kan4 ndi4 ña1a4 kwe4nda2=on4 ku4u4 ndi'3i(3)=a2 ndi3-kwi3ko(4)=on4=a3
ja143 ni1-xi1ka3=ra2 ndi13-kwi3ko4=ra(2)=e2 ndi4 tu3ku3 tan3 tu3ku3 i3chi4 xi1ka3=ra2 ndi13-kwi3ko4=ra(2)=e2 u'14bi1 ndi4-kwi3ko4=ra(2)=e2 ku4u4=ra2 ta1 ba'1a3 ta'3an2 ta1 ña1a4 nu4mi24 ni1-ki3xa2a2=ra1
tan3 ya3ni2=ra1 ta1 che4e13 kan4 ndi4 nda13sa3 ba'1a3=ra2 mi4i4 ku3-ndi3chi2 be'3e3 tin3 ja143 ni1-ja3ta3=na2 ñu'3u4 ja13ta3=na2 ta1 ña1a4 ndi4 ta1 ja4ta3=ni42 ñu'3u4 ku4u4 ta1 ña1a4
ja1 ti13in3=na2 be'3e3 tin3 i3kan4, ja143 ni1-xi1nu3 be'3e3 kan4
i3kan4 nu4mi24 ni1-ti3in3=na(2)=e2 xi1nu3=a2 tin3 i3kan4 ki13xa2a(2)=en4 ta4u3ni2 ka4chi2=an4 so'3o3 ndi4
se'1e3 yu'1u1 nda'4bi2 ka1 bi4=ndo4 su14u3 be'3e3 ba'1a3 ku4u4 be'3e3=ndo4 ndi4 yu'1u1 ndi4 be'3e3 ba'1a3 be'3e3 ya3a3 ku4u4 be'3e3 yu'1u1 be'3e3 ba'1a3, ndo'4o1 ndi4 be'3e3 ti1mi3i4 ti1nda1ka1 ku4u4 be'3e3=ndo4
ka4chi2=an4 ta4u3ni2, ña4 ta4u3ni2 si'3i4=na3, ndi4 su14u3 si'3i4 bi4=na2 ban4 ndi4 ña4 kan4 ndi4 ña4 ñu'3u4 ban4 tan3, tan3 ndi13-kwi3so(3)=an4=na2 ko4ndo3 se'1e(3)=an4
i3kan4, ba'1a3 na3na3 be4la2 na4tu2 sa3kan4 ndi4 na4tu2 xa14a1 i3ni2=un4 ji4ni2=un4 ndu'1u1 su14u3 be'3e3 ba'1a3 ku4u4 be'3e3=ndu2 ndi4 ya1 ka1a3 ndi4
ya1 kwa3ku3 i3ni2=un4 nu14u3 ba42 ka1a3 na4 ki3xa2a(2)=on4 ka4chi2, ka4chi2=na1 so'3o3 ji'4in4 si'3i4=na3.
I3kan4 ndi13-ki'3in(3)=an4 ta4u3ni2 kwa1nu'1u(4)=an4 ni1-ki3xa2a(2)=en4 tan3 ka3ndu'4u(4)=an4 ku1sun(1)=an4 tan3
sa14-nda3-ka3ka3=na2 bi1ko4 tan3 sa14-ku3un3=na2 sa1bi4 tan3
i3kan4 tan3 nda13chi4 ba3, nda13ka3ka3 ta1chi4 tan3 nda13chi4 be'3e3 ya3a3 ndi4 kwa'1an1 ba(3)=e2 kan4 nda13-ti1in3=a2 nu14u3 i3tun4
kwa'1an(1)=e1 kan4, xa143 ni1-nda3a3 na1 ña1a4 ni1-ti3in3=na2 is1to3 ti1xin3 be'3e3 ña1a4 ndi4 ni14-ki1xin1 na1 ña1a4 ñu'3u4 ndi4 ni1nu3 ni1-ti3in3=na2 ya1 ko4ndo3 is1to3 ku1sun1=na1
ja143 ni1-ki3xa2a(2)=en4 ka4chi2=an4 ndi4 se'1e3 yu'1u1, sa4-kwa'1a3=lu3=ndo4 nda14yu3 na4 ku1sun1=lu(3)=2 be'3e3=ndo4 ndi4
yu'1u1 ndi4 nda13chi4 ba3 be'3e3 ba'1a3 be'3e3 ya3a3 yu'1u1 ndi4 kwa'1an1 ba(3)=e2 kan4 ji'4in4 ta1chi4 ndi4 ku13un3=ni42 sa1bi4, sa1bi4=ni42 [ku4u4]=ra4 tan3
kwa'1an1 ndi'3i3 ba3 tio1to1=yu1 kwa'1an1 ndi'3i3 ba3 be'3e3 kan4 ji'4in4 ta1chi4 tan3 ya1 kan4 ndi4 sa4-kwa'1a(3)=on4 nda14yu3
ba'1a3 na3na3 be4la2 ku1sun1 ba(3)=on4 be'3e3 ba42 ki13xa2a(2)=on4 ka4chi2 ta1 che4e13
i3kan4 nde4e4=na2 ki4xin1=na1 i3kan4 nda13-ka3ndu'4u(4)=an4 ta4u3ni2 ki4xin1=an4 i3kan4 ndi4
ya3ni2 ku3ni3 so'1o(3)=on4 ndi4 ki4xin1=ni42 ba3 yo'4o1 ran4, yu'1u1 ndi4 ba143 kwi4i4 ku1sun1=yu1 ndi4, ka4chi2 ya3ni2=ra1 i4xa3 lu3u3 ndi4, ya3ni2
ka4chi2 ka'3a4 ña4 ta4u3ni2 ka1a3 ndi4 "ku1sun1 ko1ro1 ka3xi4=2 yo'4o1", ka4chi2 [...] ji14ni2=o4 nda4a(2)=e2 ba42 ndi4 sa3kan4 ka'4an2=en4, ka'4an2=en4 ta4u3ni2 kan4 tan3 ku3ni3 so'1o3 ba'1a(3)=on4
i3kan4 ji13ni3 so'1o3=na2 ndi4, i3kan4, ja143 ki4xin1=lu(3)=an4 ta4u3ni2 kan4 tan3 ka'4an2 ka'3a(4)=en4 ndi4 "ku1sun1 ko1ro1 ka3xi4=2 yo'4o1", ka4chi2 ka'3a(4)=en4 so'3o3
i3kan4 kwe4e2 kwe4e2 nu13u3=na2 ndi4 i4yo2 *escalera** mi4i4 ba42 nda13a3=na2 tan3 ni1-nu3u3=na3, i3kan4 nda13-ka'3mi3=na2 ñu'3u2 nda13-ka'3mi3=na2 i3kan4 ni1-chi3ka2=na1 *machiti** nu'3u2 tin3
ja143, i3kan4 tan3 ya1 ñu'3u2 kwa'4a1 ña1a4 tan3 ni1-chi3ka2=na1 ka'3a(4)=en4 ta4u3ni2 tan3 ni1-ka3ba4=na2 ndi4
su3 nu'1u3 ba3 i4yo2 ka'3a(4)=en4, i4yo2 ka'3a4 ña4 ta4u3ni2 ya1 kan4 ba3 ka'4an2=ni42 tan3 ni1-nda'1yu(1)=an4 ta4u3ni2 ni1-ke3ta(3)=en4 kwa'1an(1)=en4 ndi4 ke13ta3 ba(3)=en4 ke'3e2 kwa'1an(1)=en4 tan3 ni1-ke3e3=na2 kwa'1an1=na1
ña1a4 ni1-ndo3ko3o4=na2 be'3e3 ya1 ko4ndo3 be'3e3 ti1mi3i4 ti1nda1ka1 kan4 ni1-ke3e3=na2 kwa'1an1=na1 ndi4 na1 ja1 ni1-ke3e3 kwa'1an1 ku4u4 ba3=na2 ya1 kan4 ni1-ku3u3=na3.
Tan3 *machiti** ndi4 ya1 kwa'1an1 ba42 ji'4in4=na3, i3kan4 kwa'1an1=na1 sa3kan4 xo13ko'4ni3=na2 ma'14ñu3 ku'1u1 xu13xa3 ni1-ke3e3=na2 kwa'1an1=na1 ndo13ko3o4=na2 ña4 ta4u3ni2 kan4
tan3 kwa'1an1=na1 kwa'1an1=na1 sa3kan4 tin3 ni1-xa1a1=na1 i3kan4 ka4ndu'3u4 i3in3 ko1o4 ndi4 che4e13=lu3 ko1o4 ka4ndu'3u4 ndi4 la3tun4=lu3 i3in3 ta'4bi4 ndu3chi4 nu14u3=ri4 ndi4
ye'4e1 nda4xa2 bi4 ña1 ku4..., ña1 kan4 ba3 ko4ndo3 ñu'3u2 nda4..., ba4a24 ba4a24 ye'4e1 [...] kwe4nda2 ndu3bi4
tan3 ña1 kan4 ba42, tan3 ñu3u42 ndi4 na3a4 tu3 ñu3u42 tu3 ba4a24 ba4a24 ye'4e1 tu3 na3a4 tu3
tan3 i3in3 ta'4bi4 ndu3chi4 nu14u3=ri4 ndi4 la3tun4=lu3 kwi4i24 i4ta4 ya1 ko4ndo3 ñu'3u2 kwe4nda2 ndu3chi4 nu14u3=ri4 ya1 kwe4nda2 yo1o4
tan3 ya3ni2 tan3 sa1a3 a3sa(3)=e4 ka'3ni(4)=o4 ti4 ka1a3 tin3 ndi4 che4e13=ni42=ri4 tan3 ti4 ka1a3 ndi4 ma'14ñu3 i3chi4 ka4ndu'3u4=ri4 tan3 ba143 kwi4i4, ni3=a2 ka'3ni(4)=o4=ri4 kwi14i3
ya1 kan4 nda4tu'4un4=na2 tan3 i3kan4 ya'1a3 tu1ni4i2 nda'4yu1=ri4, i3kan4 ka4chi2 tu1ni4i2 ndi4
ka'4an2=ri4 ji'4in4=na2 nda'4yu1=ri4 kwa'1an1=ri4, ya3ni2 tan3 nda4a(2)=e2 ka4chi2 ti4 ka1a3, ya3ni2 ka4chi2 ti4 ka1a3 ndi4 na4 nda3-ka'3mi(3)=o4 ñu'3u2 chi1
na4 nda3-ka'3mi(3)=o4 ñu'3u2 tan3 ndu3ku(4)=e4 yu1u4 tan3 ndu3ku(4)=e4 i3tun4 nda3ta(4)=e4 yu'3u4=run4 tan3 i3kan4 chi3ka2=e4 ya1 ko4ndo3
yu1u4 yu'3u4 i3tun4 tan3 ka3xa'4ni(3)=o4 i3tun4 ka1a3 nu14u3 [...]
i3kan4 tu3u(4)=e4 yu'3u4 ti4 ka1a3 na4 ku3u2=ri4 chi2 ka4chi2 tu1ni4i2 nda'4yu1=ri4, an4 sa3kan4 ba3 ka'4an2=ri4 ba'1a3 na4tu2 sa3kan4 ndi4
ya1, ya1 ku4u(4)=a2 a3sa(3)=e4 ndi4 a3sa3 ba(3)=e4=ya3, i3kan4 ja143 nda13-ka'3mi3=na2 ñu'3u2 nda13-ka3ya2=na1 yu1u4 ba4li4 ta13an4=na2 nu14u3 ñu'3u2 kan4 xi4xi(1)=a1 nda143 mi3i4 ñu'3u2 kwa'4a1 ti4 ba43
ja143 ndu13ku4=na2 i3tun4 ka4ni24 tan3 ta4an24=na2 yu1..., o4ra2 kwa'1an1 i3tun4 kan4 nda4ndi1ka1=ri4 yu'3u4=ri4 tan3 ta4an24=na2 yu1u4
tan3 ni3 ba143 kwi4i4 ku3ni2=na1 ku3u2=ri4 tu3ku3 tan3 tu3ku3 yu1u4 kwa'1an1 ndi4 a1su3 nda4ndi1ka1..., ki1bi4 ndu13-ko'4o4 yu'3u4=a2 ndi4 kwa'1an1 tan3 kwa'1an1 yu1u4 sa3kan4, i3kan4 ka4chi2,
i3kan4 ndi4, tan3 sa1a3 ku3u(3)=e4 ku3ni(3)=o4 tan42 ndi4 ba143 kwi4i4 ndu3-ma1ni1=ri4 tan3 ku3ni2=o4 nda4a(2)=e2 ku4u(4)=a2 ya1 kan4 ndi4 ti4 ji4to'3ni3 sa3kan4 ku4u4 ba3=ri4 ya3ni2 tan3 ndi4, tan3 sa1a3 ko3o3
i3kan4 bi3tin3 ya3ni2, a4su3 ka4chi2 ya3ni2=o4 ta1 tu1ni4i2 ka'4an2=ra1 ndi4 na4tu2 nda4a(2)=e2 ba42 ni1-nda3-ka'3mi(3)=o4 ñu'3u2 tan3 xa'13mi(3)=o4 yu1u4 tan3 ni1-ta3an(4)=e4 yu'3u4 ti4 ko1o4 ka1a3 tan3
na4 ya3..., nda3-ka3na(3)=e4 ya3ni2=o4 ta1 ndi3ki4ñu3 ta1 kan4 ku4u4 ta1 ko3to3=ra2 yo3o3 ku4u4, yo3o3 ku4u(4)=a2 ta4ku1 tan3 yo3o3 ku4u(4)=a2 ni1-xi'1i1
an4 sa3kan4 ka'4an2 ta1 ni1-ya'1a3 mi3tiu'4un4, ta1 ko4ndo3 *jefe** ya'1a3 mi3tiu'4un4 ya1 kan4 ba42ndi4 ta1 ko4ndo3 ndi3ki4ñu3 ku4u4 ta1 ka'1an(1)=e4 ka3na(3)=e4 tin3
tan3 sa1a3 ka3chi2=o4 ka3na(3)=e4 ta1 kan4, yu'1u1 ndi4 na4tu2 kan4 tan3 nda'1yu1=yu1 ka3na(3)=2=ra1 ta1 i4yo2 ji'4in(4)=o4 ka1a3 ti4 ba3 ku4u4 ta1 kan4
ya3ni2=o4 ta1 ndi3ki4ñu3, i3kan4, yo'4o4 ki3xi(3)=un4 tan3 ku3ni2=ndu1 an4, an4 ta4ku1 an4 ni1-xi'1i1 ndi4 ba143 kwi4i4 ku3ni2=ndu1 yo3o3 ba42 ta4ku1 yo3o3 ba42 ni1-xi'1i1 ndi4
a1su3 ya1 ye'4e1 sa3kan4 ku4u(4)=a2 tan3 ba143 kwi4i4 ku3ni2=ndu1 ka4chi2 ta1 i4xa3 lu3u3 so'3o3
i3kan4 ka4chi2, ka4chi2 ya3ni2=ra1 ta1 i4xa3 lu3u3 ndi4 ya3ni2, ña1 la3tun4=ni42 ye'4e1 i4ta4 ka1a3 ndi4
yo3o3 ku4u4 ta1 ku3-ka3ma2 ndi3-ki'3in(3)=a2 ndi4 ta1 ni1-ku3-ka3ma2 ndi3-ki'3in(3)=a2 ndi4 ya1 ka1a3 ndi4, ya1 ka1a3 ndi4 ya1 ka1a3 ba42 ko3nda2a2 ya'4bi3 ba42 ka1a3, ko14o3 ku3xa3 tan3 ko14o3 i3kan4 ndi4
ku3xa(3)=e4 tan3 ndu3-i4ta4 yo4o4 tan3, ku3xa(3)=e4 tan3 ndu3-i4ta(4)=e4 sa3kan4 ba3 ka4a4 ji'4in(4)=a2 ya1 ko4ndo3 ya1 ye'4e1 i4ta4=ni42 ka1a3
tan3 [...] ya1 ye'4e1 ta4xa2=ni42 nda4-ye'3e2=ni42 ka1a3 ndi4 na4 ndi13-ki'3in(3)=o4=e2 ka1a3 ndi4 ya1 ka1a3 ndi4 ku3xa3 yo4o4 ji'4in(4)=a2 ndi4 ko14o3 i3in3 ki1bi4 ba42 nda3ndo3o3 i4ta4 yo4o4 ndi4 na1 ku3xa3 sa3kan4 ku4u4 ba(3)=e4
ni3 ko14o3 na1 si'4i2 ku3ni2 bi4 nu14u(3)=e4 ji'4in(4)=a2 ndi4 i3in3 sa3kan4 ta1 ko3ndo(3)=e4 ji'4in(4)=a2 ka1a3, ndi4 yu'1u1 ndi4 na4 ki3xa2a2 ya3ni2=o4 ta1 ndi3ki'4ndi4
ka'1an(1)=e1 ji'4in4=ra2 tan3 na4tu2 ni1-ja'1an1 ta1 kan4 ni1-ke3ta3=ra2, ni1-ki'1bi3=ra2 yu'3u4 tan3 ni1-ke3ta3=ra2 ka'3a4, ka'3a4 ni1-ki'1bi3=ra2 tan3, tan3 ni1-ke3ta3=ra2 yu'3u4
tan3, tan3 chi3nde3e3=ra2 ti1ku4xi4 tan3 ku3ni2[=yu1] na4tu2 yo3o3 ku4u4 ta4ku1 ndi4 a1chi1 ndi4, ndi4 na4 ki3xa2a2=ra1 sa3kan4 ndi4 ka'1an(1)=e1 ji'4in4=ra3, ja143 ka'4an2=na1 ji'4in4 ta1 ña1a4 ni1-ki3xa2a2 ba3 ta1 ña1a4
ja143ni1-ki'1bi3 ta1 ña1a4, ni1-ki'1bi3=ra2 yu'3u4 ni1-ke3ta3=ra2 ka'3a4, ka'3a4 ni1-ki'1bi3=ra2 ni1-ke3ta3=ra2, "Ya3ni2=o4 ta1 ndi3ki4ñu3 bi3tin3 ndi4 ti1ku4xi4 tan3 chi3nde3e(3)=on4=ri4 yu'3u4 tan3 ku3ni2[=yu1] na4tu2 ndi3xa3
ja143 ni1-ju3ndu'4u4 ti4 ña1a4 ta13ta4=ri4 ni1-ko'3ni3=ri4 ti1ku4xi4, ti4 ni1-xi'1i1 ba3 ku4u4 ti4 ña1a4 tan3 ba143 tu4u4 na4 ni1-xi'1i1=ri4
ku13-ka3ma2 ba3 ta1 ja4 lu3u3 ni1-ke3ta3=ra2 ndi13-ki'3in3=ra2 ya1 ko4ndo3 la3tun4=ni42 ye'4e1 i4ta4 ña1a4, ya1 ko4ndo3 yo1o4 ña1a4, ndi13-ki'3in3 ba3 ta1 ko4ndo3 ta1 che4e13,
ya1 ko4ndo3, ya1 ko4ndo3 ñu'3u2 ña1a4 ni1-ta3ba4=na(3)=e3, ndu3chi4 nu14u3 ti4 ña1a4 ndi13-ki'3in3=na2 kwa'1an1=na1
i1xa43 ndi13-ki'3in3=na(2)=e2 tin3, ndi13-ki'3in3=ra(2)=e2 kwa'1an1=ra1 ndi4 ya1 kan4 ndi4 ya1 ye'4e1=ni42 ku4u4 ba(3)=e2 kan4
a1chi1 na1 kan4 ba3 ku4u4=na2, na1 yu4bi24 ku4u4 na1 kan4 ki1bi4 ju13na'3a2=na1 tan3 ni1-ndo1o3=na2 tan3 kwa'1an1=na1 ndi13-kwi3so3=na(2)=e2 kan4 tan3, tan3 ke13e3=na2 kwa'1an1=na1
ni1-ndi3-kwi3so3=na(2)=e2 kan4 tan3 ndi13-ki'3in3=na2 i3chi4 kwa'1an1=na1 tin3 kwa'1an1=na1 ni1-ku3-kwa'1a4 kwa'1an1=na1 tan3 ka4chi2 ba3 ta1 i4xa3 lu3u3 ña1a4 ndi4, ya3ni2 ndi4,
tan3 nda4a2 ba42 ka3na3 ta1kwi42 ko'3o(3)=e4 ya3ni2 ndi4 i4chi1=yu1 ta1kwi42 tan3 ni1-ku3-kwa'1a4 ba1xi(3)=o4 tan3 yu'1u1 ndi4 i4chi1=ni42[=yu1] ta1kwi42, ndi4 ko14nde3e4 i3ni2=yu1 sa3kan4
na4tu2 xa'4a13 i3ni2=un4 nda3-na3ma3 yo4o4 tan3 sa3kan4 ndi4 kan4, ndi3-ki'3in(3)=a2 ña1a4 tan3 ndi3-ki'3in(3)=un4=a2 yo'4o4 tan3 sa3kan4 ndi4, sa3kan4 ta3xi(3)=2 ta1kwi42 ko'3o(3)=on4
ba1..., ba'1a3 ba3, ko14o(3)=a2 ji4ni2[=yu1] ka3chi2[=yu1] ndi4 ya1 i4chi1[=yu1] ta1kwi42 ba42 kan4 [ya1] ji14ni2[=yu1][sa1a3] a3sa(3)=2 ka3na3 ta1kwi42 ba42 [kan4] ka4chi2=ra1 so'3o3
i3kan4 ni1-..., i3tun4 ni1-nda3ta4=na2 yu'3u4 ni1-ka3ni3=ra2 nu14u3 ñu'3u4 kan4 tan3
nu14u3 ñu'3u4 mi4i4 i14ni3 te'4e4 ña1a4 ndi4 ña1a4 ka13ni3=ra2 i3tun4 tan3 ja143 ni1-..., ña1a4 nda13-nde3e3 ta1kwi42 tan3 ña1a4 ni1-xi'3i3 ta1 ko4ndo3 ta1 i4xa3 lu3u3 kan4
ta1kwi42 tin3 ja143 ni1-xi'3i3=ra2=ra4, i3kan4 ni1-xa'1a3 i3ni2=ra1 ndi4 nda13-na1ma3=e2 kan4 kwa'1an(1)=e1
ndi13-ki'3in3 ta1 che4e13 kan4 ya1 ko4ndo3 ya1 yo1o4 kan4 ndi13-ki'3in3=ra2 kwe4nda2 ñu'3u2 ja143 kwa'1an1=na1, i3kan4 kwa'1an1=na1 sa3kan4 ni1-xa1a1=na1
nda13a3=na2 kwa'1an1=na1 ni1nu3 [ya1] ko4ndo3 *gloria** ndi4, ka4chi2 yo4o4 ndi4 ja1 ndio4si2 ku4u4 na1 kan4 tan3 su14u3 ndio4si2 ku4u4 na1 kan4, na1 kan4 ndi4
na1 ndi3kun2 ku4u4 na1 kan4 ki1bi4 jo13ndo(3)=a2 ndi4 na1 yu4bi24 tan42 yo4o4 ka1a3 ku4u4 na1 kan4 tan3 ni1-ndo1o3=na2 ku4u4=na2 ndio4si2 ka4chi2 yo4o4
tan3 na1 kan4 ku4u4=na2 ko4ndo3 na1 ye'4e1 nu14u(3)=e4 xi4ka3 tin3 ndi4 na1 kan4 ku4u4 na1 nda4-ye'3e2 ki1bi4 ju13na'3a2 na1 kan4 kwa'1an1=na1 nda13a3=na2 *gloria**
tan3 ni1-xa1a1=na1 kan4 ja3chiu4un4=na2 ni1-ka3na(3)=e2 ko4ndo3 ñu'1u3, ñu'1u3 ndi4 bi1xin1=ni42 nda4ndi2i4 ñu'3u4 ndi4 bi1xin3=ni42
ya1 ko4ndo3 ndu3bi4 ndi13-ki'3in(3)=a2 ja3chiu4un(4)=a2 kwe4nda2 ndu3bi4 tin3, ñu1u42 ndi4 o4ra2 ndi13-ki'3in3 ta1 ko4ndo3 yo1o4 ndi4
bi1xin3 ndi4 su14u(3)=a2 ko3nde4..., ni'3ni4 sa4ka2 ya1 kwe4nda2 ñu3u42 tan3 ya1 ndu3bi4 ba42 ni'3ni4 ndi4 su14u(3)=a2 ko3nde3e4 i3ni2=un4 ndi4 nda1 kwa1nu3u3 ta1tin4 nu14u(3)=e4
nda4ndi2i4 ñu'1u3 ndi4 bi1xin3=ni42 tan3 ñu3u42 ndi4 ka13na3 yo1o4 tan3 i3kan4 ni'3ni4 ndi4 nda1 kwa1nu3u3 ta1tin4 nu14u3=na2 nde4e4=na2 ki4xin1=na1
tan3 i3kan4 ka4chi2=ra1 ndi4 bi3tin3 ndi4 ya3ni2 ndi4 ba143 ka4na3 chi3ñu3 ndi4 yu'1u1 ndi4 ja4chiu4un(4)=2 ran4 yu'1u1 ndi4 ya1 ndu4ta'3an2 ji'4in(4)=2 ba42 tan3
ya1 i4chi1=yu1 ta1kwi42 tan3 nda13-na1ma3=e2 tan3 ndi4 ndi3-ki'3in(3)=un4=a2 yo'4o4 tan3 na4 ndi3-ki'3in(3)=a2 ña1a4 a1chi1 ndi4 ba143 ndu4ta'3an2=on4 ji'4in(4)=a2 ndi4 ya1 yo'4o4 ba42 ndu4ta'3an2=on4 ji'4in4
ya1 kan4 ba42 ba1xi(3)=o4 tan3 bi3tin3 ndi4 na1 ba1xi3 ja3chi4ñu3 ku4u(4)=e4 yo'4o4 ndi4 na1ma3 [ka1] tiem4pu2 ndi4 na1 ja3chiu4un4 ku4u4 yo4o4 ko14o3 i3in3 ki1bi4 ba42 nda3-ndi3ko4 ka1 yo4o4 ko14o3 i3in3 ki1bi4 ba42 ku3u2 yo4o4 ndi4
yo4o4 ndi4 na1, yo'4o1 ndi4 ta1 ku3to'3ni3 sa1a3 ka'4nu(3)=a2 yu14bi4 ku4u4 yo'4o1, sa3kan4 yu'1u1 ndi4 ta1 ku3ni(2)=a2 ya1 i4ta4 ku4u4 yu'1u1 ka4chi2 ta1 ko4ndo3 ta1 i4xa3 lu3u3 so'3o3
i3kan4 nda13-na1ma3=e2 kan4 ndi13-ki'3in3 ta1 ko4ndo3 ta1 che4e13 ya1 ko4ndo3 ñu'1u3 kan4 tan3 ndi13-ki'3in3 ta1 ja4 lu3u3 ya1 ko4ndo3 yo1o4 kan4
nda1 sa3kan4 ndu13-ba'1a3 ya1 yu4bi24 ndi4 o4ra2 ndi13-ki'3in3 ta1 kan4=ya2 ndi4
ndu3bi4 ndi4 ni'3ni4 tan42 ba'1a3 ndu3bi4 tan3 ñu3u42 ndi4 bi1xin3 ya1 kan4 ba42 ni1-ji3ndo1o3=a2 ni'4i4 yo4o4 ba1xi(3)=o4 nda1 a3ma3 ka1 tiem4pu2 tin3 ba1xi3=a2 ji'4in4 yo4o4
ya1 ko4ndo3 ya1 ni'4i4, ta1 chi4ñu3, ndi4 na1 kan4 ndi4 na1 nda'4bi2 ku4u4=na2 ki1bi4 ni1-ndo1o3=na2 tan3 ni1-ta1xi4=na3.
Tan3 ya1 kan4 ba42 ndi4 ko4ndo3 *trabajo** ni'1i4 na1 kan4 ni1-i3xa3 yu3ba4 yo4o4 ta1 ka'4nu3 ta1 i4yo2 ni'4i4 *cuenta** ji'4in4 yo4o4, ta1 kan4 ku4u4 ta1 ta13xi3=ra2 ta1 kan4 tan3 ba1xi3=ra3.
Tan3 ya1 kan4 ba42 ni1-ndo1o3 na1 kan4 ji'4in4 Jesús mi4i4 ba42 ndo1o3=na2 *gloria** ya1 ko4ndo3 ndi3bi4 ni1nu3 a1chi1 ndi4
Jesús ku4u4 ta1 ndo13ko3o4=ra2 na1 kan4 ku4u4=na2 na1 ba'1a3 tan3 na1 kan4 ku4u4 na1 ji13ndo1o3 ja3chiu4un4
tan3 na1 kan4 ku4u4 na1 ka'4an4 yo4o4 nda1 ki1bi4 ka4a4 bi3tin3 xi4ka3 yo4o4 ji'4in(4)=a2, i4yo2 ya1 ko4ndo3 ndu3bi4 tan3 i4yo2 ya1 ko4ndo3 ñu3u42 a1chi1 ndi4
na1 kan4 ku4u4 na1 ta13xi3 na'3a2=na(1)=e1 ndi4 sa3kan4 ko3o3 ji'4in(4)=a2 ya1 ko4ndo3 tu1ni4ni2ni'4i4 yo4o4 ba1xi(3)=o4, ya1 kan4 ba42 ba1xi3 ndo3so4=a3,
tan3 ni1-ndo1o3=a2 kan4 ndi4 ni3 i3in3 na1 i4yo2 ni1-ndo1o3 ñu'3u4 yu14bi4 ndi4 ji14ni2=na1 sa1a3 na3ni4=a2 ji14ni2=na1 sa1a3 ka'1an1=na1 ji'4in(4)=a2,
i3kan4 ka4chi2=na1 ndi4, na1 yu4bi24 ndi4 na1 ko4ndo3 ki3ti4 ndi4 ki3ti4 ku4u4 ti4 i4yo2 a1chi1 xa3ku4 na1 yu4bi24 i4yo2 tan3 ki3ti4 ti4 kan4 ti4 i4yo2 tu'1un3 ku4u4 ti4 kan4 ndi4 yu14bi4 na3a4 ba43,
ka4chi2 ndi3ka'3a3 so'3o3 ndi4 ndi3ka'3a3 ko4ndo3 ta1 chi4ñu3
tan3 bi3tin3 ndi4 ni1-tu1u3 ya1 ko4ndo3 ñu'1u3 ka1a3 tan3 ni1-tu1u3=a2 ko4ndo3 yo1o4 tan3 ndi4 sa1a3 ba42 ku3-na3ni4=a2 ka1a3 bi3tin3 ndi4 ndu13-ta3ka2=ndo4 tan42 i4yo2 ndo'4o1 ni1-ki3xa2a2 ndi4
ndi4 i3nda14 ya3ni2=o4 ta1 Lo3ren4su2 ndi4 ko14o3 ta1 kan4 ni4-ki3xa2a2, ndi4 na1 kan4 ndi4, sa1a3 ña1, ko3o3 ji'4in(4)=a2.
Tan42 i4yo2=ndo4 ni1-ki3xa2a2 nda4-kwa'1a3=2 *cuenta** nu14u3=ndo4 bi3tin3 ba42 ndi4 sa1a3 ku3-na3ni4=a2 ni1-ki3xa2a2 ka1a3 ya1 ko4ndo3 ñu'1u3 ka1a3 tan3
ñu'1u3 ka4chi2=o4 ji'4in(4)=a2 ndi4 ji14ni2=o4 sa1a3 nda4a(2)=e2 ku4u4 ki1bi4=a2 ndi4 ye'4e1 tu(3)=a2 tan3 ba143 ndi4 ji14ni2=o4 sa1a3 na3ni4=a3, ya1 ki1bi4=a2 ku4ni2 ku3ni(3)=o4
ye'4e1 tu(3)=a2 nu14u(3)=e4 tan3 ji14ni2=o4 sa1a3 na3ni4=a2 ka4..., ka4chi2 ta1 ko4ndo3 ta1 chi4ñu3
yo'4o1 ta1 chi4ñu3 ndi4 kwi14i3 ka'1an1=ndu1 ndi4 ji14ni2=ndu1 sa1a3 na3ni4=a2 ndi4 ji14ni2=ndu1 sa1a3, ye'4e1 ba3 nu14u(3)=a2 tan3 ndi4 ji14ni2=o4 sa1a3 na3ni4=a3.
Ndi4 ya3ni2=o4 ta1 Lo3ren4su2 ndi4 ji4ni2 ba3 ta1 kan4 ka4chi2, ka4chi2 i3nga2=ra1 nda13-kwi3in3=ra3.
An4 ba143 na4 ku'1un1 chi3ñu3 tan3 sa3kan4 ndi4 ki3xi3 ta1 Lo3ren4su2, i3kan4 ti'13bi4=na2 chi3ñu3 kwa'1an1, i3kan4,
kwa'1an1 *jefe**, ka4chi2=na1 ji'4in4, ka4chi2 *jefe** ji'4in4 Lo3ren4su2 ndi4, "Lo3ren4su2 ¿an4 i4ndu'3u(4)=un4?". "I4ndu'3u4 ba(3)=2".
Ku'1un(1)=un4 be'3e3 chi4ñu3 ndi4 ka4na3 ta1 chi4ñu3 yo'4o1 ndi4 ko14o3 nda4a(2)=e2 a3sa3 bi4=ra2 ji'4in(4)=un4 ndi4 i4yo2 tu1ni4ni2 i4yo2 ji'4in4=ra2 tan3, tan3 i3nda14 yo'4o1 ku4u4 ta1 ku4ma1ni4=a3.
[i3] nda14 yo'4o1 ku4u4 ta1, ya1 kan4 ba42 ndi4, nde4e4=ni42 ba3=ndu2 ndi4
i3nda14 yo'4o1 ku4u4 ta1 sa3kan4 ndi4 ki3xa3a4 ko3o3 *junta** ndi4 *junta** i4yo2 *junta** ka'4nu3 i4yo2 tan3 ndi4 ta1 ku'1un1 ku4u(4)=un4 sa3kan4 ndi4 kan4
ku3ni2=o4 na4chu3 ba42, ku3ni2=o4 nda4a(2)=e2 ba42 ka'1an1=ra1 ji'4in(4)=o4 ka4chi2=ri4 so'3o3
i3kan4, ja143 ni1-ke3e3, nda13-ndi3ko4 *efe** kwa'1an1=ra1 i3kan4 ki13xa2a2=ra1 be'3e3 chi4ñu3
ja143 nda13-kwa'1a3=ra2 *cuenta** nu14u3 ta1 chi4ñu3 ndi4, ta1 chi4ñu3 bi3tin3 sa3kan4 ki3xi3 ya3ni2=o4 ta1 Lo3ren4su2 ndi4 nda13-kwi3in3 ba3=ra2 ndi4 ki3xi3=ra3. Ba'1a3 na4tu2 sa3kan4.
Ni1-xa1a1 ba3 ta1 ña1a4 ndi4 su14u3 ta1 ni4-xa1a1 mi3i4 ku4u4 ta1 kan4 ndi4 *machu** ba3 yo4so24 ta1 ña1a4 ni1-xa1a1=ra1
ka4chi2, ka4chi2=ra1 ndi4 nde4e4 sa4ka2=na1 ndi4, "*comisario** nda4a(2)=e2 ba42 ku4ni2=un4 ndi4 ni1-ti'3bi(4)=un4 *efe** xa'1an1=ra1 ka4na3=ra2=yu1 tan3
ba1xi3=2 ndi4 nde4e4=ni42 ba3=ndo4 ran4 kwa'1a4=ni42=ndo4 nde4e4 *junta** i4yo2 i4xa3=ndo4 tan3 ndi4 i3nda14 yu'1u1 tu3 ku4ma1ni4=a2 tan3 nda4a(2)=e2 ba42 ku4ni2 ku3ni2=ndo4 ya1 kan4 ndi4, ya1 kan4 ti'13bi4=ndo4 chi3ñu3 tan3 ya1 kan4 ba1xi3=2 ndi4
nu4mi24=ni42 ba1xi3=2 ndi4 *machu** yo4so24=2, kwi14i3 ki3xi3 xa'1a4=2 a1chi1 ndi4 *machu** yo4so24=2 tan3 ndi4 *machu** ndi4 nda4-sa3na3=ni42=ri4 tan3 ba143 xa'4a13=ri4 kwe3e2=ri4
ya1 kan4 ndi4 nda143 ka4a4 mbo3la3 ti4=a2 kan4 i4ndu'3u4=a2 ja1ta4 *machu** ndi4, *machu** kan4 ndi4 ya3kwin4 ko4ndo3 *machu** yo4so24=a2 kwa'1an(1)=e1
Lo3ren4su2 ndi4 ka'4nu3 ko3o3 i3ni2=un4 na4 ka3chi2[=yu1] ji'4in(4)=un4 ndi4 ya1 ku4u(4)=a2 nda4-ye'3e2 nu14u3 ni1-ka3na3 yo'4o4 ba3 tan3 ya1 yo'4o4 ba42 ku4ni2 ku3ni2=ndu1 sa1a3 na3ni4 ndi4
ji14ni2=ndu1 sa1a3 na3ni4=a2, an4 ya1 ka1a3 ba3 ku4ni2 ku3ni2=ndo4 ndi4, ya1 ku4u(4)=a2 ji4to'3ni3 ndu3bi4 yo'4o4 ndi4
ya1 ji4to'3ni3 ñu3u42 ndi4 *luna**, *luna** na3ni4=a2 kan4 tan3 ya1 ji4to'3ni3 ndu3bi4 ndi4 *sol** ku3-na3ni4=a2 kan4, *sol, sol** ka4chi2=ra1 so'3o3
ja143 nda13ba3 *machu** ja1na1=ra1 ndi4 kwa'1an1=ni42=ri4 ndi4 nde3e4=ni42 kwa'1an1 *machu**, an4 ji13ni3 so'1o3=ndo4 sa1a3 ka'4an2=ra1
ni14-kwi3i3 ku3ni2=ndu1 nda4a(2)=e2 ka'4an2=ra1 kwa'1an1=ni42 ba3 ta1 yo'4o4 sa1a3 a3sa(3)=on4 ni'1i(4)=un4 ta1 kan4 ndi4 *machu** yo4so24 ta1 kan4 kwa'1an1 ba1xi3=ra3, ka4chi2=na1
ja143 kwa'1an1, tan3 bi3tin3 ndi4 sa1a3 ko3o3 tan3 ki3xi3=ra2 ndi4 ja1 ni1-ki3xi3=ra2 tan3 bi3tin3 ndi4, bi3tin3 ndi4 *mayó** ti'3bi4=ndo4 ku'1un1 na4 ku'1un1=ra1 tan3 ki3xi3=ra2 sa3kan4 ndi4, ki3xi3 ba3=ra2 sa3kan4, ka4chi2,
i3kan4 ni1-ti'3bi4=na2 *mayó**, *mayó** ndi4 ti1ku'4un4 ko4ndo3 *mayó** ndi4, ja143 kwa'1an(1)=e1 sa3kan4, kwe4e2 sa3kan4 kwe4e2 sa3kan4 kwa'1an(1)=e1 kan4 ni1-xa1a(1)=e1
i4ndu'3u4 Lo3ren4su2 be'3e3=ra3, ka4chi2=ra1 ndi4 ¿an4 i4ndu'3u(4)=un4 ya3ni2 Lo3ren4su2? I4ndu'3u4 ba(3)=2.
*Manu**, ba1xi3=2 nu14u(3)=un4 ndi4 xe'1e1 tu(3)=2 ka4ta4 sa4ka2 tu3 tan3 ya1 kan4 ba42 nda13-ka'3an4=2 yo'4o1 ndi4 i'3in3=lu(3)=un4 xe'1e1=yu1 ndi4 ni3 mi3i4=2 tan3 ba143 kwi4i4 i'3in(3)=2 xe'1e1=yu1 ndi4
ya1 kan4 ba42 ndi4 a3sa3=lu(3)=un4=a2 ba'1a3 i'3in(3)=un4 xe'1e1=yu1, ja143 ni1-chi3ka2 [...]. Nda1 ma14a3 ka1=lu3 ku'1un1 nda'3a(4)=on4 ndi4 ma14a3 ba42 ka4ta4 ka4chi(2)=a2 ti1ku'4un4 kan4 so'3o3 ji'4in4 Lo3ren4su2
I3kan4, "nda1 ma14a3 ma14a3 ka1 ku'1un1 nda'3a(4)=on4 ya3ni2 nda1 ma14a3 ma14a3 ka1 [ku'1un1 nda'3a(4)=on4] ndi4...". "Ndi4 ta1 *maña** ku4u4 yo'4o1 ya3ni2 Rufinu,na4chu3 ba42 ndi4
ka'4an2 tu(3)=un4 nda1 ma14a3 ma14a3 tu3 tan3, tan3 ko14o3 tu(3)=a2 i4yo2 xe'1e1 tu(3)=un4". "U'4un3 ba3 ti1ki4xi2 ndi4kun2 ka'4an4 xe'1e1=yu1 ndi4 ba143 kwi4i4 ku'1un1 nda'3a4=2 ki3nda2a(2)=e2=ri4 ndi4 ..."
I3kan4 nda1 ma14a3 ka1 ku'1un1 nda'3a(4)=on4 sa4-ka3ka3 nda'3a(4)=on4 ki3nda2a(2)=on4=ri4, nda1 ma14a3 ka1 si14-ki'1bi3=a2 nda'3a4=e2 tan3 nda13ko'3ma4 ba3=ra2 yu'3u4 te'1e4=ra2 tan3
ke13ta3=ra2 kwa'1an1=ra1 ndi4 [...] ni3=a2 ku'1un(1)=a1 ña1a4 ba143 kwi4i4 ndi4 nda'4yu1=lu(3)=a2 ña1a4 ti'13nu3 te'1e4 nda'3a4=e2 tan3 kwa'1an(1)=e1
ji'4in(4)=a2 ñu4u(4)=a2 sa3kan4 ji'4in(4)=a2 ñu4u(4)=a2 sa3kan4 ya1a1 sa3kan4 xa1a(1)=e1, i3kan4 tin3 ni1-xa1a(1)=e1 nu14u3=na2 mi4i4 nde4e4=na3, i3kan4,
ka4chi2, ka4chi2 na1 nde4e4 *junta** ndi4, "bi3tin3 *comisario** ndi4 ja1 i3kan4 ba1xi3 *mayó** ji'4in4 Lo3ren4su2 ndi4 nda'4yu1=ni42=ra1 ba1xi3=ra3.
An4 i3kan4 ba1xi3=ra3. I3kan4 ba1xi3=ra3. Na4 ki3xa2a2=ra1, na4 ki3xa2a2=ra1 ndi4 na1 ña1a4 ya'1a3=ra2 a1chi1 ndi4 kwi14i3 kwe3e2=ra1 ndi4 nda1 ña1a4 ya'1a3=ra3, ka4chi2=ra1
ba'1a3 na4tu2 sa3kan4, i3kan4 ni1-ki3xa2a2 *mayó**, "*mayó**, ta1 chi4ñu3, ja1 yo'4o4 ki13xa2a2 Lo3ren4su2 ji'4in(4)=2".
An4 sa3kan4 ba3, yo'4o4 ya'1a(3)=on4 ji'4in4=ra2 na4 ki3xi3=ra3, i3kan4 ki13xa2a2=ra1, i3kan4 ka4chi2=ra1 ndi4
"yo'4o1 Lo3ren4su2 ndi4 ko3o(3)=on4=a2, ka'4nu3 ko3o3 i3ni2=un4 na4 ka3chi2[=yu1] ji'4in(4)=un4 ndi4 sa1a3 na3ni4=a2 ku4u(4)=a2 ye'4e1 nu14u3 ni1-ki3xa2a2 yo'4o4 ndi4, ki13xi(3)=un4 mi3tiu'4un4 ni1-ka'1an(1)=on4 ji'4in4=ndu2 tan3
ni14-kwi3i3 ku3ni2=ndu1 sa1a3 na3ni4=a2 ya1 ku4u(4)=a2 yo'4o4 ndi4, nde4e4=ni42 ba3=ndu2 ran4 tan3 ndi4 ko14o(3)=a2 ba'1a3=ndu2 i4in4=ndu2 sa3kan4 ndi4
ya1kan3, yo'4o1 ku4u4 ta1 ji4ni2 yo'4o1 ku4u4 ta1 nda4-ta'3bi4 sa1a3 ko3o3, yo'4o1 ndi4 ta1 ji3ndo1o3 ja3chiu4un4 ku4u4 yo'4o1ndi4 ta1 nda3a3 ku'1un1 ni1nu3 ku4u4 yo'4o1 na4tu2 sa3kan4 ba'1a3 ji1ni(4)=un4 ka4chi2 ta1 chi4ñu3 ji'4in4=ra3.
Ya1 kan4 ba42 ni1-ndo1o3 Lo3ren4su2, Lo3ren4su2 ndi4 ku3ni4jo2 ku4u4 ta1 kan4 ya1 kan4 ba42 ndi4 xa143, ya1kan3,
an4 ya1 kan4 ku4ni2=ndo4 *comisario**, a4su3 ka4chi2[=yu1] ji'4in4=ndo4 ndi4 *luna, luna sol, sol** ka4chi2[=yu1] ji'4in4=ndo4, ¿an4 ji13ni3 so'1o3=ndo4?
ba143 ni4-ji3ni3 so'1o3=ndu3. *Luna, luna**, *sol, sol**, ya1 ka1a3 ku4u4 ki1bi4=a3.
An3 ba'1a3 ndi4 ji13ni3 so'1o3=ndu3, i3kan4 ndu13-ku3ndu'4u4 *comisario** ndi4 ka'4yu4=ra2 ki1bi4=a2 ndi4 sa3kan4, ji13ni2=ndo4 ndi4 so'3o3 na3ni4=a2 tin3,
ya1 ko4ndo3 ya1 ni1-tu1u3 ka1a3 ndi4 ya1 ye'4e1 ñu3u42 tan3 ya1 ye'4e1 ndu3bi4 ndi4, ya1 ko4ndo3 ndu3bi4 ndi4 so'3o3 na3ni4=a3, ¿an4 ji13ni3 so'1o3=ndo4 sa1a3 i4yo(2)=a2?
Ji13ni3 so'1o3 ba3=ndu2 *comisario**, ta1 ka1a3 ku4u4 ta1 ki3xi3 ndo1o3=ra2 ja3chiu4un4=ra2 ndi4 ta1 ka1a3 ku4u4 ta1 ku'1un1
ka1a3 ndi4 ta1 ku3..., tiem4pu2 ndi4 ta1 ka1a3 ndi4 ta1 ku3to'3ni3 sa1a3 ka'4nu(3)=a2 yu14bi4 nu14u3 ku4u4 ta1 ka1a3 ndi4 ya14tin3 ku3ndu'4u4 ta1 ka1a3, ndu'1u1 ndi4 ko14o(3)=a2 ba'1a3=ndu2 ndi4 ko14o3 na1 yu4bi24 ko3to3 nu14u3=ndu3.
Ka4chi2 na1 kwa'1an1 *junta** so'3o3. Ya1 kan4 ba42 ndi4 ba'1a3 ndi4 ji13ni2=ndu1 ndi4 sa3kan4 na3ni4=a3, bi3tin3 ndi4 ya1 ka1a3 ko3ndo3 ki1bi4=a2 ndo1o3 ka4chi2, ka4chi2 na1 kwa'1an1 *junta** ji'4in4 *comisario**
ya1 kan4 ba42 ni1-ndo1o3 ña1, ña1 ko4ndo3 ki1bi4 ya1 ko4ndo3 ñu'1u3 ka1a3 ki1bi4 yo1o4 ka1a3 ni1-ndo1o3=a2 ji'4in(4)=o4 [...] bi3tin3 ba1xi3=a2 ndi4
ni1-ndo1o3 ta1 ku3ni4jo2 i4ndu'3u4=ra2 nu14u3 yo1o4 ndi4 ta1 ka1a3 ku4u4 ta1 ndu13ku4 ki1bi4 ya1 ko4ndo3 yo1o4, ya1 ka1a3 ba42 ta13xi3 na'3a2 ndo3so4=na2 ba1xi3=a3, ka1a3 ndi'13i(3)=a3.
Martín Severiano Germán.
*Cincuenta y ocho**.
Yoloxóchitl.
yo'4o4 i4yo2 kwẽ4tu2 xa'1a4 nã1 nã1 nda'4bi2 nĩ1xi'1i1 si'3i4 nĩ1ndo1o3 yu3ba4nã3
nã1 kã4 ndi4 ndi13kĩ'3ĩ3ra2 i3nga2 ñã'3ã4 tã3 tã3 yu14bi4 tyem4pu2 ki1bi4 nĩ1ju3nẽ'3ẽ2 ba1xya32 ndi4 yu14bi4 nã3ã4 ba43
Ko14o3 ñũ'1ũ3 ko14o3 yo1o4 ko14o3 yu14bi4 nã3ã4 ba42 i4yo2 nã1 nda'4bi2
tã3 nã1 kã4 ku4u4nã2 ye'4e1 ba3 ndi4 ndi4 ba143 ye'4e1 [...] sa3kã4 ku4nĩ2 ti4 be2 i4ywa2 ko4ndo3 ñũ3ũ42 ba3 tã3 ndi4
i3kã4 nĩ1xi'1i1 si'3i4nã2 tã3 i3kã4 nĩ1ndo1o3nã2 i3kã4 ndi13kĩ'3ĩ3ra2 i3nga2 ñã'3ã4 tã3 ka4chỹã24 so'3o3 jĩ'4ĩ4ra2 ndi4
ya1kã3 ndi3kỹũ'3ũ4 nã1 ka1a3 tã3 kũ'1ũ1 nda1kõ4nã2 nda1 mã'14ñũ3 ku'1u1 nã4 kũ'1ũ1nã1 tã3 ka3xi4 ndi3ka'3a3nã2 ndi4 nã4 ndi'3i3 xa'1a4nã2 ka4chi2 ñã'3ã4 ndi13kĩ'3ĩ3ra2 tã3 i4yo2 nã1 sỹã'1ã4 tã3
i4yo2 tã'3ã2 ndu3xi4 ja1nẽ4 ja'4nỹã24ri4 tã3 ta1kwi42 nda3yu4 ta4xỹã4 xi4xi3 nã1kwa4chi3 ñã1ã4 ku4u4nã2 nã1 nda'4bi2 tã3
tã3 se'1e3 mỹã3ã4 ndi4 ku3ñũ2 tẽ4ẽ24 xi4xi3 nã1 kã4 xi4xi3nã2 ta1kwi42 nda3yu4 tã3
tã42 i4xẽ4 jĩ'4ĩ4 i3nã2 i4xẽ4 jĩ'4ĩ4 nã1kwa4chi3 ndi4 ta1kwi42 nda3yu4 ba3 ta4xỹã4 xi4xi3 nã1 kã4
ya1 kã4 ba42 ta'1nda1chi3ñũ3 nũ14ũ3ra2 nã4 kũ'1ũ1ra1 kũ'1ũ1 nda1ka3ra2 se'1e3ra2 mã'14ñũ3 ku'1u1 xu13xa3 i3kã4 ka3xi4 ñã'3ã4 ndi3ka'3a3
i3kã4 nĩ1ka3chi2 ta1 ya3nĩ2ra1 ta1 che4e13 jĩ'4ĩ4 ta1 i4xa3 lu3u3 ndi4 ya3nĩ2 nã4 kwã'1ã1 yo4o4 tã3
ndi3kwi3sõ4 ya1a4 ñã1ã4 ya1a4 ñã1ã4 tõ3õ4 *bolsa** tã3 kw̃ã'1ã1 jyo'4o4 ndi4 mĩ4ĩ4 ja1 ta'1nda1 chi3ñũ3 ndwe14e4 ko'1o4 tã3
tã3 i3kã4 ba42 ndi4 ya1 ñã1ã4 ko3ndo3 *seña** mĩ4ĩ4 ba42 kũ'1ũ1 yo4o4 ka4chi2 ka4chi2ra1 jĩ'4ĩ4 ya3nĩ2ra1
i3kã4 ndu13xi'3nã3 yu3ba4nã2 kwã'1ã1nã1 tã3 i3kã4 ndi4kũ2ra1 ndi4kũ2 nã1kwa4chi3 kwã'1ã1nã1 sa3kã4 kwã'1ã1nã1 sa3kã4 kwa'1a4 jã'1ã1ra1
ba143 ko4nde3e4 tã'3ã2 ra1 ja'1a4 se'1e3ra2 ndi4 sa3kã4 ka4a4 tã3 ku4nỹã24 ndi4 nã1 kũ'1ũ1 ndi'3i3 xa'1a4 ku4u4nã2 ka3xi4 ndi3ka'3a3nã3
ya1kã3 tã3 nĩ14 nã1 ñã1ã4 ndi4 nĩ14ja3xi4 ndi3ka'3a3 nã1 ñã1ã4 ndi4
kwa'1a4 jã'1ã1nã1 nĩ1kã'1ã1 xa1a1 ba3nã2 mĩ4ĩ4 ba42 ka4chi2 yu3ba4nã2 xa1a1nã1 i3kã4 ka4chi2 yu3ba4nã2 jĩ'4ĩ4nã2 ndi4
*hijo** bi3tĩ3 ndi4 kwã'4ã2ndo4 xa1a1ndo4 nda1 mĩ4ĩ4 ke4ta3 nũ14ũ3 i3chi4 yo'4o4 yo'4o4 tã3 kwã'1ã1 i3chi4 yo'4o4 tã3 i3chi4 yo'4o4 kũ'1ũ1yu1 tã3 i3chi4 yo'4o4 kũ'1ũ1ndo4 tã3 sa3kã4 ndi4 nda1 mĩ4ĩ4 ke4ta3 nũ14ũ3 i3chi4 kã4 nda1 i3kã4
ã4 yu'1u1 nda4tu2 ndo'4o1 ã4 ã4 ndo'4o1 nda4tu3ndo4 yu'1u1 ndi4 ñã1ã4 xa1a1yu1 nda3ki3tã'4ã4 yo4o4 ka4chi2ra1 jĩ'4ĩ4 se'1e3ra3
i3kã4 tĩ3 i4xa3 su3u3ra2 ndi4 su3tũ4 jã'1ã1ra1 tã3 i3kã4 nda13ndi3ko4ra2 tã3 tã3 nã1kwa4chi3 kã4 ndi4 nĩ1ke3ta3nã2 kwã'1ã1nã1 tã3 ja1
ja1 lu3u3 ja1 lu3u3 ya1a4 chi4nde3e3nã2 i3chi4 kwã'1ã1nã1 a1chi1 i1yo3 nda3ndo4so24 nũ14ũ3nã2 mĩ4ĩ4 kwã'1ã1nã1 mĩ4ĩ4 nĩ1ki3xa3a4nã2 nĩ1ki'1bi3nã2 kwã'1ã1nã1 sa3kã4
i3chi4 sa1a3ka4nĩ24 i3chi4 su3tũ4 su3tũ4 tã3 chi4nde3e3nã2 ya1a4 kwã'1ã1nã1
kwã'1ã1nã1 ndi4 mã'14ñũ3 ku'1u1 xu13xa3 ñã1ã4 i4yo2 i3chi4 ta4xĩ24 ta4xĩ24 ka4a4 tã3 nĩ3 ko14o3 nĩ1bi4 ko14o3 xi4ka3 tã3
mĩ4ĩ4 i4yo2 ki3ti4 ba'14a4 ba42 tã3 tã3 i3kã4 kwã'1ã1nã1 nã1 kwã'1ã1 ndi'3i3 xa'1a4 ku4u4nã3 tã3 nã1 kã4 nĩ14ndi'3i3 xa'1a4 nã1 kã4 ndi4
yu3ba4 yo4o4 ta1 kã4 ku4u4 ta1 chi13nde3e4ra2nã1 a1chi1 ndi4 nã1 ba'1a3 jo13ndo3 nã1 kã4 nã1 ko14o3 ji4nĩ2 yo3o3 nã1 ku4u4nã2 ndi4 nã1 ba'1a3 jo13ndo3nã3
I3kã4 mĩ4ĩ4 kwã'1ã1 nĩ1ndi'3i3 ya1a4 tã3 nĩ1ke3ta3nã2 ñã1ã4 jo13nde3e3nã2 nde4e4nã2 nda4tu3nã2 ko14o3 yu3ba4nã2 nĩ4xa1a1
nda13ndi3ko4nã2 ki13xa2a2nã1 ndi4 ja1 ñũ3ũ42 kwe4nda2 ñũ3ũ42 ki13xa2a2nã1
nĩ1ki3xa2a2nã1 ndi4 i3kã4 nĩ1 nda13ku3nã4nã2 ye'14e4 tã3 i3kã4 nĩ1
nda13ndu3ku4nã2 mĩ4ĩ4 ndi4chi2 ki1si3 i3kã4 nĩ1xi3xi3nã2 nda3yu4 ja13xi4nã2 ñã'1ã3 nda143 ta1kwi42 nda3yu4 ndo13ko3o4nã3
Nda13kũ'1ũ3 i3nĩ2 nã1 kã4 ba4a24 ba4a24 nda13ye'3e2 ya1 kwe4nda2 ya1 ĩ4ki14tu3 kã4 ndi4 ba4a24 ba4a24 ye'4e1 ko14o3 ñũ'3ũ2 ko14o3 i4yo2 ndi4 ba4a24 ba4a24 ye'4e1 ka4a4 tã3
nda13kũ'1ũ3 i3nĩ2 nã1 kã4 ndi4 nã1 ñã1ã4 nde4e4 ki4xĩ1 i3kã4 nĩ1ka3chi2ra1 ndi4 bi3tĩ3 ndi4 nã1 kwã'1ã1 ku3u2 ku4u4nã2 tã3 nĩ14jã'1ã1nã1 bi3tĩ3 ndi4
kwã'4ã2 nda1kõ4nã2 yu'3u4 ti1su'4u4 ba'1a3 ti1su'4u4 nã4 ka1tĩ3ĩ3ri4nã2 ka3xi4ri4nã2 nã4 ndi'3i3 xa'1a4nã2 ka4chỹã24 kã4
ndi13kwi3so3 tu3ku3 se'1e3ra2 ndi13kwi3so3ra2 se'1e3ra2 kwã'1ã1 nã1 kã4 yu'3u4 ti1su'4u4 i3kã4 ndi4
nĩ1xa1a1nã1 i3kã4 ndi4 ba143 nĩ4xa1a1nã1 kã4 tã3 nã1 ku3u2 ku4u4 nã1 kã4 ndi4
tã42 nĩ1ndo'3o3nã2 mĩ4ĩ4 jã'1ã1nã1 kã4 ndi4 nã1 [...] sa3kã4 tu3 mĩ4ĩ4 ba42 ta1xi4nã2 kwã'1ã1nã1 kã4 ndi4 nã1 kwã'1ã1 ndi'3i3 xa'1a4 ku4u4nã2 ka3xi4 ti1su'4u4nã2 [...] ti4 ka3xi4 ku4u4ri4
nĩ14ja3xi4 ti4 kã4 tã3 ndi4 nda4a2 bi4 i4yo2 i4yo2 *pan** i3kã4 xi13ko4 ti4 kã4 yu3chi4 tã3
chi13nde3e3 po3ndo42rya42 mĩ4ĩ4 ba42 nũ14ũ3 tu3tu2 mĩ4ĩ4 ba42 nĩ1xa1a1ri4 jỹã'4ã2 tã3 nã1 kã4 ndi4 nã1 nĩ1i3xe2 mã1nĩ4 xi13xi3 yu3chi4 *pan** ku4u4 nã1 kã4 nĩ1xi3xi3nã2
i3kã4 nĩ1ndi'1i3 i3nĩ2nã1 nde4e4nã2 i3kã4 nda13ndi3ko4nã2 kwã'1ã1nã1 nĩ1xa1a1nã1 ndi4 a1su3 nda3yu4 i4yo2 tu3ku3 ba3 xi4xi3nã2 i4yo2nĩ42 ndu3xi4 ja1nã1 ñã4 ko4ndo3 si'3i4 nda'4bi2nã1 kã4
tã3 ku4nỹã24 nã1 ndi'3i3 xa'1a4 ku4u4nã2 nĩ14 mĩ4ĩ4 jã'1ã1nã1 kã4 ndi4 nĩ14ja3xi4 ki3ti4 xa'1a4nã2 ndi4 nã1 i13xe2 mã1nĩ4 ku4u4nã2 i3kã4 nĩ1ke3e3nã2 jã'1ã1nã1
i3kã4 nĩ1xa1a1nã1 bi3tĩ3 ndi4 mĩ4ĩ4 ñũ'4ũ4 kwa'1a4 ji1ndi1ki4 i3kã4 kũ'1ũ1 nda1kõ4nã3
nã4 ndi'3i3 xa'1a4nã2 i3kã4 si4ki'1bi3ri4 ndi3ki4 ka'3a4nã2 nã4 ku3u2nã1 a1chi1 ko14o3 chỹũ3ũ3 a3sa2 nã1 ka1a3 ndi4 se'1e32 i4yo2 tã3
ku14nĩ2 a3sa3 mã1nĩ42 sẽ'1õ4 ka4chỹã24 so'3o3 jĩ'4ĩ4 ta1 nĩ1ndi3kỹã'3ã4 i4ndu'3u4 jỹã'4ã4 tã3 ndi3se3e42 tã3 ku13nde3e4 i3nĩ2ra1 ndi4
ndi13kwi3so3ra2 se'1e3ra2 jã'1ã1 nda1ka3re2 mã'14ñũ3 ji1ndi1ki4 mĩ4ĩ4 ñũ'4ũ4 kwa'1a4ri4 i3kã4
nĩ1xa1a1nã1 i3kã4 tã3 mã4su2 ji1ndi1ki4 kã4 ndi4 nda143 *lechin** kã4 nĩ1ko'3nĩ4nã2 nĩ1xi'3i3nã2 tĩ3 xi1yo3nã2 kã4
i3kã4 nĩ1 kwã'1ã1 nĩ1ku3ñũ3ũ42 tã3 xa143 nĩ1nda3ndi3ko4nã2 nda13xa2a2nã1 be'3e3 tã3 nã1 ñã1ã4 ndi4 ba143 xi4xi3nã2 ndi4 ñã'1ã3 ba3 xi4xi3 nã1 ñã1ã4
nĩ1xi'1i1 ĩ3ĩ3 tỹũ1ũ4 nĩ1kwa'3a3 *mule** xi13xi3nã3
ñã1ã4 ndi4 ku3ñũ2 ja13xi4nã2 tã3 ya'3a4 nĩ1ndo1o3 be2 kã4 ya1 kã4 ndo13to3nã2 nĩ1ki4tu3 ndi4 i3kã4ka4chỹã24 jĩ'4ĩ4ra2 ndi4 bi3tĩ3 ndi4
nã1 nĩ14xi'1i1 ku4u4nã2 mĩ4ĩ4 jã'1ã1nã1 ndi4 bi3tĩ3 ndi4 kwã'4ã2 nda1kõ4nã3 mĩ1nĩ32 kũ'1ũ1 tõ3õ4 nã1 ka1a3 nã4 mĩ4ĩ4 i4ta3ka3a3 ta1kwi42 kã4 nã4 tõ3õ4nã2 nã4 ko1yo3nã2 mĩ1nĩ32 kã4 tã3 ku3u2nã1 ka4chỹã24
jĩ'4ĩ4 ta1 i4ndu'3u4 jỹã'4ã4 i3kã4 ndi13kwi3so3ra2 se'1e3ra2 tã3 nĩ14ko3nde3e4 i3nĩ2ra1 tã3ã4ra2 se'1e3ra2 mĩ4ĩ4 i4ta3ka3a3 ta1kwi42 tã3 kw̃ã'1ã1 ko1ywa32 mĩ1nĩ32 ndi4
mĩ4ĩ4 nda1a1 ta1kwi42 i3kã4 i3kã4 nĩ1tã3ã4ra2 se'1e3ra2 yu'3u4 nã3mã2 i3kã4 chi4twa43
i3kã4 nĩ1 xa2a2 ñã4 ta4u3nĩ2 ñã4 ko4ndo3 ñã4 ta4u3nĩ2 ñũ'3ũ4 nĩ1ki3xẽ2ẽ4
[...] i3kã4 nĩ1nda3xa2a2ra1 ndi4 i3kã4 nĩ14nda3ndi3ko4 ka1nã1 ku1nũ'1ũ4nã2 be'3e3 ndi4 i3kã4 nĩ1ndo1o3 ba3nã3
nĩ1xẽ1ẽ4 tã3 nĩ1si14ki'1bỹã4 nũ14ũ3 *vestido**ã4
nda13nde1e3 nã1kwa4chi3 ndi4 nda1 u1bi1 nã1kwa4chi3 nda13nde1e3 nũ14ũ3 tyo1tw̃ã4 kwã'1ã1nã1 ndi13kwi3sw̃ã4nã2 kwa1nũ'1ũ4nã2 jỹã'4ã4 ndi4
nda13xẽ2ẽ24 tã3 i3kã4 nĩ1tỹã3ã4 nũ4tyo4o4nã2 ku4u4nã2 nã1 i4ta4 kwa4a4nã3
i3kã4 ja143 nĩ1nda3xa2a2nã1 i3kã4 ja143 nĩ1 i3kã4 ndi13kỹã'3ã4 kwẽ'1ẽ4
ndi4 ka4chỹã24 jĩ'4ĩ4nã2 ndi4 se'1e3 yu'1u1 ndo1o3ndo4 nã4 kũ'1ũ1 nda1ka32 is1ta4 ku3xi3 yu3ba4ndo4 ndi4 i4so3ko2 yu3ba4ndo4 ka4chỹã24 so'3o3
kwa4a4 sa4ka2 nã1 ñã1ã4 nĩ1ndo1o3nã3 i3kã4 ndi13kỹã'3ã4 kwẽ'1ẽ4 ja143 nĩ1xẽ1ẽ4 yu'3u4 i1ta3
nda'4ỹw̃ã14 ka4nẽ14,ka4chỹã24 ka4nẽ4 i3su2 ndi4"xi'1nda4 xi'1nda4", ka4chỹã24 so'3o3 ka4nẽ4 i3su2 i3kã4 nĩ1ki3xa2a2 ba3 ti4 ñã1ã4
i3kã4 nĩ1kỹã3ã4 nĩ1xi'14nỹã4 ya3yu3 kwe4nda2 ja'1a4 sỹã'1ã4 ndi4 ñã4 ka13ku3 se'1e3 bã4 kwi14i3 ku3si1i4 i3nĩ2 i3su2 ku3nĩ2ri4ñã4 ndi4 ñã4 ka13ku3 se'1e3 bã4
ndi4 bi3tĩ3 ndi4 ba1xi3 nũ4mĩ24nĩ42 nda1ka32 is1ta4 ku3xỹũ4 ndi4 syo'1o4 ndi4 ka13ku3nã3 u1bi1 bi4 nã1kwa4chi3 sa14ka3ku2 ya1 kã4 ndi4
nũ4tyo4o4 tã13ã42nã1 tã3 i3kã4 ba1xi32 nũ4mĩ24nĩ42 ba1xi32 ka4chỹã24 so'3o3 i3kã4 ndi'13i3 xi13xi3 i3su2 tã3 ndi13kĩ'3ĩ3ri4 kwã'1ã1ri4
i3kã4 nĩ1 nĩ1ki3xẽ2ẽ4 nda13xẽ2ẽ24 ndi4 ja1 mbo3la3 ja1 mbo3la3 ka1chi4 nũ14ũ3 ndu3ku2
ya1 ko4ndo3 yu'1ba1 ti1ndi'4ba2 kã4 ndi4 sa14ka3ka3nẽ2 nũ14ũ3 ndu3ku2 ndi4 xi1ndu'1ba1 ba3 nda13ndwa3a2 kã4 i13xa3nã3
Ji14nĩ2 bi4nã2 ndi4 kwa4a4nĩ42nã1 ñũ'4ũ4nã2 nũ4tyo4o4 ndi4 nã1 i4so3ko2 ku4u4nã2 kwa4a4nã2 ka4chỹã24 jĩ'4ĩ4nã2 ndi4 se'1e3 yu'1u1 ã4 ji14nĩ2ndo4 yo3o3 ku4u4 nã1 nĩ1ki3xi3 i13xa3nẽ2 chi1tũ3 jĩ'4ĩ2 i13xa3nĩ42nã1
sa14ka3ka3nã2 yu'1ba1 ka1a3 sa14ka3ka3nã2 chi13nde3e3nã2 ka1chi4 ka1a3 nũ14ũ3 ndu3ku2 ka1a3
ba'1a3 nã4 nã1 ja1 ba'1a3 ku4u4ndo4 i4yo2 tũ'1ũ3ndo4 kã'1ã1ndo4 jĩ'4ĩ2 tã3 ndo'4o1 ndi4 nã1 i4ta4 ku4u4 ndo'4o1 ka4chỹã24 so'3o3 jĩ'4ĩ4 sỹã'1ã4 ndi13kwi3sw̃ã4nã2 i3kã4
ji14nĩ2 nã1 kã4 nã1 kwa4a4nĩ42 ku4u4 nã1 ñã1ã4 chi4tu4nã3 i3kã4 ja143 nĩ1ndi3kỹã'3ã4 i3kã4 ndi13ko3 tu3kw̃ã4 tã3
i3kã4 ndi13kĩ'3ĩ3 tu3kw̃ã4 kwã'1ã1 tu3kw̃ã4 i3kã4 ka4chi2 ndi4 nũ4mĩ24nĩ42 ku3xỹũ4 ki13xẽ2ẽ4 nda'4ỹw̃ã14 nũ14ũ3 i3su2 ndi4 nã4 xa1a1ri4
ndi4 nda143 u1bi1 ti4 u1bi1 u1nĩ1 nda'1ỹw̃ã4 tã3 ki13xa2a2 ti4 kã4 nũ4mĩ24 ku3xỹũ4 ndi4 nã4 kũ'1ũ1yu1 ndi4 i4so3ko2yu1 ndi4 ko14o3 i4yo2 xo3kwe4nda2 syo'1o4 nĩ1ndo1o3nã2 ñũ'4ũ4nã2 nũ4tyo4o4 ka4chỹã24
i3kã4 nĩ1ke3tẽ4 kwẽ'1ẽ4 nũ4mĩ24 xi13xi3 ti4 kã4 tã3 nĩ1ke3tẽ4 kwẽ'1ẽ4 nda13xẽ2ẽ24 ndi4 a1su3 tã42 ka4a4 ka4a4 ndi4 ba143 kwi4i4 ku3nỹã24 yo3o3 ku4u4 nã1 sa4ka4 ya1 ko4ndo3 xi1ndu'1ba1 kã4 ndi4
i4yo2nỹã42 ko4ndo3 yu'1ba1 ñã1ã4 xi1ka3 ndya'3a2 nũ14ũ3 ndu3ku2
ka4chỹã24 so'3o3 jĩ'4ĩ4 sỹã'1ã4 ndi4"i4 se'1e3 yu'1u1 ã4 nã1 ji4nĩ2 ku4u4ndo4 yo3o3 ku4u4 nã1 nĩ1i3xa3 sa3kã4 jĩ'4ĩ4 jĩ'4ĩ2 ndi4 nda3tũ'4ũ4ndo4 jĩ'4ĩ2
ndo'4o1 ndi4 nã1 ko14o3 tũ'1ũ3 ku4u4ndo4 nã1 i4ta4 ku4u4 ndo'4o1 tã3 ke4e2 ku4u4nĩ42 sa3kã4 ka4chỹã24 tã3 ndi4 nã1 ñã1ã4 ndi4 nã1 kwa4a4nĩ42 ku4u4 nã1 ñã1ã4 ñũ'4ũ4nã2 nũ4tyo4o4 chi4tu4nã3
Sa3kã4 ndi'3i3 jỹã'4ã2 sa3kã4 ndi'3i3 kwa4a2 xi4kẽ4 nda1 kwa'3a2 ndi4 nĩ1ju3tẽ'3ẽ24nã2 ndi4 su14u3 nĩ1bi4 ba1xi3 ndi4 mĩ3ĩ4 ba3nã2 ku4u4nã2 i4xa3nã2 sa4ka3ka3nẽ3
An4 nã1 ja1 ba'1a3 ku4u4ndo4 se'1e3 yu'1u1 bi3tĩ3 ndi4 jã'4ã1 nda1ka32 is1ta4 ku3xi3 yu3ba4ndo4 tã3 bi3tĩ3 ndi4
su14u3 nĩ1bi4 ba1xi3 bi4 i4xa3 sa3kã4 ndi4 mĩ3ĩ4 ba3ndo4 ku4u4 nã1 i4xa3 sa3kã4 bi3tĩ3 ndi4
kũ'1ũ1 ndu3ku4ndo4 ñã1 yu3ku4 ku3xyo4 bi3tĩ3 ndi4 yo'4o4 tĩ3ĩ2 ku13xi2
yo'4o4 tĩ3ĩ2 ndu3ba4 sa3kã4 ndi4 kũ'1ũ1ndo4 ndu3ku4ndo4 ya1 ku3xyo4 ndi4 nã1 ja1 ba'1a3 ku4u4ndo4 nã1 ja1 ba'1a3 kũ'1ũ1 ku'1u1 ku4u4ndo4 tã3 nde4e4ndo4 sa3kã4 ka4chỹã24 so'3o3 jĩ'4ĩ4nã3
Ji14nỹã24 nã4 ja1 ba'1a3nã2 ya1 kã4 ndi4 nĩ1tỹã3ã4 ku13xi2 i3kã4 nĩ1tỹã3ã4 ndu3ba4 u1bi1rũ4 nĩ1tỹã3ã4 ta13xỹã4 tỹã3ã4 ndu3ba4 ta13xỹã4 nda'3a4nã3
Tã3 ya1 ko4ndo3 ya1 ko4ndo3 ya1 ke13e3nã2 kwã'1ã1nã1 ku'1u1 i3kã4 xa143 nĩ1 xa143 nĩ1kĩ'3ĩ3nã2 kwã'1ã1nã1 tĩ3
xa143 xi1nã'1ñũ1 ti4 sa3a2 xi4to3nã2 ka4nĩ3nã2 ndu3ba4 tã3 xi'4i1ri4 ba1xi3ri4 xa1 nũ3mĩ3ri4
i3kã4 kwã'1ã1nã1 sa3kã4 kwã'1ã1nã1 sa3kã4 ju13tã'3ã2nã1 ku3kũ42 i3kã4 ndi4 ka4chi2 ku3kũ42 jĩ'4ĩ4nã2 ndi4
ko1to1 ka'14nĩ4ndo4 yu'1u1 ndi4 si'3i4ndo4 ndi4 su14u3 ndi3xa3 bi4 ñã1
ta1a3 bi4 ku4u4 yu3ba4ndo4 ndi4 i3su2 ba3 nda4sẽ4 ko4ndo3 yu3ba4ndo4 so'3o3 kẽ'4ẽ24 tã3 tã3 ki4xa2a2 yu3ba4ndo4 tã3
nã4 ku4nĩ2 ku3nĩ3ndo4 tã3 kũ'1ũ1ndo4 sa3kã4 ndi4 kã'1ã1ndo4 sa3kã4 tã3 sa3kã4 ki3xa2a2 yu3ba4ndo4 nũ14ũ3ndo4 ka4chi2 ka4chi2 ku3kũ42 so'3o3 jĩ'4ĩ4nã3
Ba'1a3 nã4tu2 kã4 ndi4 kã'1õ4 tã3 ku3nĩ2ndu1 sa1a3 kã'4ã2 si'3i4ndu3 i3kã4 ndi4 ja143 kã'4ã2 ku3kũ42 ndi4
ka'14nĩ4ndo4 yu'1u1 nã4 kẽ'1ẽ1 jĩ'4ĩ4ndo4 ndi4 so'3o3 kẽ'4ẽ24 i3kã4 xa143 ndi13kỹã'3ã4 kwẽ'1ẽ4
i3kã4 ndi13kĩ'3ĩ3nã2 kwã'1ã1nã1 ndi4 nĩ1kã'1ã1 ku3kũ42 ndi4 xi'1nda4 xi'1nda4 ka3chi2ndo4 sa3kã4 nda'1yu1ndo4 kwi3ta3ndo4 sa3kã4 ki3xa2a2 ba3 ti4 ñã1ã4
i3su2 nũ14ũ3ndo4 i3kã4 ki13xa3a4nã2 ki13xa2a2nã1 yu'3u4 i1ta3 i3kã4 xa143 nĩ1 xa143 nda'4yu1nã1 ndi4ta3nã3 u1bi1 u1nĩ1 nda'1yu1nã1 tã3 nĩ1ki3xa2a2 ti4 ñã1ã4
ji1nã'1ñũ1 ti4ri4 ka13nĩ3nã2 tã3 kwã'1ã1 kwã'1ã1ri4 ñũ'3ũ4 tã3 i3kã4 nĩ1ta3ba4nã2 ku3ñũ2 nĩ1ta3ba4nã2
i3kã4 nda13ka3ya2nã1 yo3ko2 nda13ka3ya2nã1 ti1mĩ3ĩ4 ba3 nda13ka3ya2nã1 ndi3sa4ku4u4 nũ14ũ3 ti4 xa1tu1 nĩ1tã3ã4nã2 ti1xĩ3 i3su2 kã4 nda13ka'4mã3nã2 mĩ4ĩ4 ta13ba4nã2 ku3ñũ2 kã4 tã3
i3kã4 nĩ1kĩ'3ĩ3nẽ2 mĩ4ĩ4 ba42 ja'13nĩ4nẽ2 kã4 tã3 ka13ndi3chi2nẽ1 su3tũ4 i3kã4 nĩ1ke3e3nã2 kwa1nũ'1ũ4nã3
Ki13xa2a2nã1 jĩ'4ĩ4 ku3ñũ2 ndi4 ke13ba'1a3nĩ42nã1 jĩ'4ĩ4 ku3ñũ2 ki13xa2a2 sa3a2 ki13xa2a2 jĩ'4ĩ4nã3 i3kã4 ki13xa2a2 ñã4 ta4 nĩ1ki3xa2a2nã1 nda13kwa'1a3nẽ2 nda'3a4 si'3i4nã2 i3kã4 ka4chi2nã1 ndi4
bi3tĩ3 ndi4 *mamá** ndi4 ja4chi'1ỹõ4 ku3ñũ2 ku3xyo4 ndi4 ke13ba'1a3ndu2 jĩ'4ĩ4 ku3ñũ2 ku3ñũ2 ki13xa2a2 jĩ'4ĩ4ndu3
Sa14kwa3chỹã4 ku3ñũ2 ja143 ka13ndo3sw̃ẽ42 nũ'3ũ2 ndo4swa142 si4so1nỹã42 ñã1ã4 ndo4swa142 nũ'3ũ2 chi13kẽ24 ya'3a4 nw̃ã14ã3
i3kã4 nĩ1ya'1a3 tu1nĩ4ĩ2 nda'4yu1ri4 nda'4yu1nĩ42 ti4 ñã1ã4 ndi4 nĩ1ya'1a3ri4 kwã'1ã1ri4
nã1kwa4chi3 ba'1a3 nã4 su14u3 yu3ba4ndo4 nĩ4ja'3nĩ4ndo4 ndi4 ka1a3 nĩ1ya'1a3 ta1 *efe** nda'4yu1ra1 ndi4 yu3ba4ndo4 ja'13nĩ4ndo4 ka4chi2ra1
nã3nã3 be4la2 su14u3 yu3ba4ndu2 nĩ4ja'3nĩ4ndu2 ndi4 i3su2 ba3 ja'13nĩ4ndu2 ka4chi2 nã1kwa4chi3 kã'4ã2nã1 ba'1a3 nã4 su14u3 yu3ba4ndo4 nĩ4ja'3nĩ4ndo4
nda1 ndi4kwe1ta3 xi3ko2 ndi4 i3i4 i3i4 nĩ3 ku4nĩ2yu1 ka4chi2 ñã4 ta4u3nĩ2 kẽ'4ẽ24 i4ndwa'3ã4
i3kã4 ba143 nĩ4ja'3nĩ4 ndu'1u1 yu3ba4ndu2 ndi4 i3su2 ba3 ja'13nĩ4 ndu'1u1 ka4chi2nã1 kã'4ã2nã1 jĩ'4ĩ4 si'3i4nã3
I3kã4 nĩ1chi3kẽ24 nda3yu4 tã3 nĩ1kỹã'3ã4 kwẽ'1ẽ4 i3kã4 ja143 nĩ1 nĩ1xẽ1ẽ4 nda'4bi2 kã4
ja143 nĩ1ke3e3 ba3 i3su2 mĩ4ĩ4 ba42 nĩ1ki3xi3ri4 mĩ4ĩ4 ndi4chi2ri4 kã4 tã3 nĩ1ki3xa2a2ri4 mĩ4ĩ4 ndi4chi2ri4 u1bi1 u1nĩ1 nĩ1nda'1ỹw̃ã4 nĩ1ki3xa2a2ri4
tã3 nde4e2 ba42 ku4u4 ndi4 nĩ1ki3xa2a2 tũ4 su3tũ4 tã3 ba143 [...] ki4xi3 tũ4 ndi4 tã3 a1su3 a1su3 ka4nỹũ4 nda'3õ4 ndi4chỹũ24 ka4chỹã24
i3kã4 nĩ1kỹã3ã4 ka13tw̃ã4 nũ14ũ3 i3su2 ja143 nĩ1ke3ta3 ba3 ti1mĩ3ĩ4 tĩ3 yo3ko2 tĩ3 nĩ1ka3nĩ3ri4 nĩ3nã3 ti4 xa1tu1 ba3 nĩ1tã3ã4nã2 ti1xĩ3 *cueru** kã4 ndo13ko3o4nã2 ya3bi2 mĩ4ĩ4 ke3e3 ti4 ñã1ã4
ka13nĩ3ri4 ñã4 ta4u3nĩ2 ndi4ta3nã2 ndi4 kwa4a4nã2 ndi4
nda1 ta'3bi4 la3pa3 nã3nã3 be4la2 nda1 ta'3bi4 la3pa3 be4la2 ka4chi2nã1 so'3o3 xi4ku4tw̃ã24 ndi4 ka4nĩ3 ti4 ñã1ã4 ndi4 ya14tĩ3 nĩ1tw̃ã3ã4 kwẽ'1ẽ4 nĩ1nũ1
i3kã4 nda13xẽ2ẽ24 ka4chỹã24 ndo'4o1 ndi4 su14u3 nã1 ba'1a3 ku4u4 ndo'4o1 ndi4 yu3ba4ndo4 ja'13nĩ4ndo4 ko3to3ndo4 mĩ4ĩ4 kũ'1ũ1ndo4 ndi4 su14u3nã2 i13xa3 ndo'4o1 sa3kã4
bi3tĩ3 ndi4 ku14nde3e3 ka1ndo4 be'3e2 ndi4 ya1 yo'4o4 ndi4 be'3e3 ba'1a3 be'3e3 ya3a3 ku4u4 be'3e3 yu'1u1 ñã1ã4 ko3to3ndo4 mĩ4ĩ4 kũ'1ũ1ndo4
ka4chỹã24 ta13xỹã4nã2 kwã'1ã1nã1 i3kã4 nĩ1ke3e3 nã1 kã4 kwã'1ã1nã1 tã3 i3kã4 ja143 nĩ1
ndi4 nĩ14jã'1ã1 nã1 kã4 ndi1kũ1 kũ'1ũ1nã1 ke3e3nã2 kũ'1ũ1nã1 ndi4 i3kã4 nĩ1xa1a1nã1 ndu13ku4nã2 ke13e3nã2 jã'1ã1nã1 xa14ku'1u1 ja'13nda2nã1 i3tũ4 sĩ'1ĩ1 ba3 ja'13nda2nã1 nda1ba32
ja'13nda2nã1 yo'3o4 tũ'13ũ3nã2 i3ta2 ka13ya2nã1 nã'3ã4 ko3nde3e3 ji1nỹã43
I3kã4 nũ4mĩ24 i13xa3nã2 chi3ñũ3 ndi4 nã1 ba'1a3 ku4u4 mĩ3ĩ4 ba3 nã1 ñã1ã4 ja143 nĩ1 ka4chi2ra1 jĩ'4ĩ4 ya3nĩ2ra1 ndi4 ya3nĩ2 nã4 kwã'1ã1 yo4o4 tã3
ko1to1 ko14tõ4 ja1tõ4 a1chi1 ndi4 nã4tu2 nĩ1ji3tõ4 ja1tõ4 ndi4 tã42 i4ywa2 ka1a3 ndi4 ja1 kwe4ndõ24 ku4u4 ndi'3i3 be2 nã4tu2 nĩ1ji3tõ4 ja1tõ4 ka4chi2 ta1 ko4ndo3 ta1 che4e13 jĩ'4ĩ4 ya3nĩ2ra1 ta1 ko4ndo3 ta1 ja4 lu3u3
ba'1a3 ya3nĩ2 nã4 ko'1o4 xa143 ndi13kĩ'3ĩ3nã2 yo'3o4 nĩ1nda3tu3u4nẽ2 tã3 ta13xi3nã2 nw̃ã14ã2 i3chi4 tã3 i3ta2 ndi4 yu3kũ2 ja13ta3nẽ2 tã3 i3tũ4 ndi4 jwe13ta3 tũ3ũ3 ndi'3i3rũ4
xa143 ndi13kĩ'3ĩ3nã2 xa4ñũ1nã1 kwã'1ã1nã1 nĩ1kĩ'3ĩ3nã2 *pasu** kwã'1ã1nã1 kwã'1ã1nã1 xa1a1nã1 nda143 lu3u3 tã3 nda3xa2a2nã1 be'3e3 si4so1 tã3 ka4yu3 kwã'1ã1nã1 ndi4 i1yo3lu3 ku4u4 kwã'1ã1nã1
tã3 ndi4 tã3 nã4chu3 ba42 ndi4 ka4chi2 ya3ndyo24 ndi4 ko14twe4 ja1te4 tã3 bi3tĩ3 ndi4nã4 ko3twe4 ja1te4 tã3 nã4chu3 ba42 ndi4 yo3o3 kwa4a2 ba1xi3 ndi4 si4so1nĩ42 tã3 ta4xĩ24 tu3 kwã'1ã1 twe4 tã3
tã3 bi3tĩ3 ndi4 si4so1nĩ42 ba1xyo4 ka4chi2 ya3nĩ2ra1 ta1 i4xa3 lu3u3 i3kã4
ba'1a3 ya3nĩ2 ñã1ã4 ko3tõ4 ndi4 nĩ1kẽ'1ẽ1 jỹũ'4ũ4 ji13nĩ3 so'1o3 ba2 kã'4õ24 xo14kwĩ1ĩ1ra1 ji13to3ra2 ndi4
i3ta2 ndi4 nda1 ka4yu3 nda13ko3nde3e3 ba'1a3 i3ta2 nda13ko3nde3e3 po3ndwa42 tã42 i4ywa2 i13xa3nã2 jỹã'4ã2 sa3kã4 i13xa3nã2 jỹã'4ã2 i3tũ4 nda1 [...] nda13ko3nde3e3 ba'1a3rũ4
bi3tĩ3 ndi4 ñã1ã4 ndi3kwi3kõ4rũ4 a1chi1 ndi4 ndi14kwi3ko42rũ4 jỹũ'4ũ4 a1chi1 ndi4 ya1 ki'4bỹũ4 ba42 ñã1ã4 ja1 nĩ1kẽ'1ẽ1 ndi4 ko14tõ4 ja1tõ4 tã3 bi3tĩ3 ndi4 i13xõ4 sa3kã4 ndi4 ñã1ã4 kwe4ndõ24 ku4u4 ndya'3a2 ndi3kwi3kw̃ã43
ja143 nĩ1xi1ka3ra2 ndi13kwi3ko4re2 ndi4 tu3ku3 tã3 tu3ku3 i3chi4 xi1ka3ra2 ndi13kwi3ko4re2 u'14bi1 ndi4kwi3ko4re2 ku4u4ra2 ta1 ba'1a3 tã'3ã2 ta1 ñã1ã4 nũ4mĩ24 nĩ1ki3xa2a2ra1
tã3 ya3nĩ2ra1 ta1 che4e13 kã4 ndi4 nda13sa3 ba'1a3ra2 mĩ4ĩ4 ku3ndi3chi2 be'3e3 tĩ3 ja143 nĩ1ja3ta3nã2 ñũ'3ũ4 ja13ta3nã2 ta1 ñã1ã4 ndi4 ta1 ja4ta3nĩ42 ñũ'3ũ4 ku4u4 ta1 ñã1ã4
ja1 tĩ13ĩ3nã2 be'3e3 tĩ3 i3kã4 ja143 nĩ1xi1nũ3 be'3e3 kã4
i3kã4 nũ4mĩ24 nĩ1tĩ3ĩ3nẽ2 xi1nw̃ã32 tĩ3 i3kã4 ki13xẽ2ẽ4 ta4u3nĩ2 ka4chỹã24 so'3o3 ndi4
se'1e3 yu'1u1 nda'4bi2 ka1 bi4ndo4 su14u3 be'3e3 ba'1a3 ku4u4 be'3e3ndo4 ndi4 yu'1u1 ndi4 be'3e3 ba'1a3 be'3e3 ya3a3 ku4u4 be'3e3 yu'1u1 be'3e3 ba'1a3 ndo'4o1 ndi4 be'3e3 ti1mĩ3ĩ4 ti1nda1ka1 ku4u4 be'3e3ndo4
ka4chỹã24 ta4u3nĩ2 ñã4 ta4u3nĩ2 si'3i4nã3 ndi4 su14u3 si'3i4 bi4nã2 bã4 ndi4 ñã4 kã4 ndi4 ñã4 ñũ'3ũ4 bã4 tã3 tã3 ndi13kwi3sw̃ã4nã2 ko4ndo3 sỹã'1ã4
i3kã4 ba'1a3 nã3nã3 be4la2 nã4tu2 sa3kã4 ndi4 nã4tu2 xa14a1 i3nỹũ24 ji4nỹũ24 ndu'1u1 su14u3 be'3e3 ba'1a3 ku4u4 be'3e3ndu2 ndi4 ya1 ka1a3 ndi4
ya1 kwa3ku3 i3nỹũ24 nũ14ũ3 ba42 ka1a3 nã4 ki3xõ2õ4 ka4chi2 ka4chi2nã1 so'3o3 jĩ'4ĩ4 si'3i4nã3
I3kã4 ndi13kỹã'3ã4 ta4u3nĩ2 kwa1nw̃ã'1ã4 nĩ1ki3xẽ2ẽ4 tã3 ka3ndwa'4ã4 ku1sw̃ã4 tã3
sa14nda3ka3ka3nã2 bi1ko4 tã3 sa14kũ3ũ3nã2 sa1bi4 tã3
i3kã4 tã3 nda13chi4 ba3 nda13ka3ka3 ta1chi4 tã3 nda13chi4 be'3e3 ya3a3 ndi4 kwã'1ã1 be2 kã4 nda13tỹã1ã32 nũ14ũ3 i3tũ4
kwẽ'1ẽ1 kã4 xa143 nĩ1nda3a3 nã1 ñã1ã4 nĩ1tĩ3ĩ3nã2 is1to3 ti1xĩ3 be'3e3 ñã1ã4 ndi4 nĩ14ki1xĩ1 nã1 ñã1ã4 ñũ'3ũ4 ndi4 nĩ1nũ3 nĩ1tĩ3ĩ3nã2 ya1 ko4ndo3 is1to3 ku1sũ1nã1
ja143 nĩ1ki3xẽ2ẽ4 ka4chỹã24 ndi4 se'1e3 yu'1u1 sa4kwa'1a3lu3ndo4 nda14yu3 nã4 ku1sũ1lu2 be'3e3ndo4 ndi4
yu'1u1 ndi4 nda13chi4 ba3 be'3e3 ba'1a3 be'3e3 ya3a3 yu'1u1 ndi4 kwã'1ã1 be2 kã4 jĩ'4ĩ4 ta1chi4 ndi4 kũ13ũ3nĩ42 sa1bi4 sa1bi4nĩ42 ra4 tã3
kwã'1ã1 ndi'3i3 ba3 tyo1to1yu1 kwã'1ã1 ndi'3i3 ba3 be'3e3 kã4 jĩ'4ĩ4 ta1chi4 tã3 ya1 kã4 ndi4 sa4kwã'1õ4 nda14yu3
ba'1a3 nã3nã3 be4la2 ku1sũ1 bõ4 be'3e3 ba42 ki13xõ2õ4 ka4chi2 ta1 che4e13
i3kã4 nde4e4nã2 ki4xĩ1nã1 i3kã4 nda13ka3ndwa'4ã4 ta4u3nĩ2 ki4xỹã14 i3kã4 ndi4
ya3nĩ2 ku3nĩ3 sõ'1õ4 ndi4 ki4xĩ1nĩ42 ba3 yo'4o1 rã4 yu'1u1 ndi4 ba143 kwi4i4 ku1sũ1yu1 ndi4 ka4chi2 ya3nĩ2ra1 i4xa3 lu3u3 ndi4 ya3nĩ2
ka4chi2 ka'3a4 ñã4 ta4u3nĩ2 ka1a3 ndi4"ku1sũ1 ko1ro1 ka3xi42 yo'4o1", ka4chi2 [...] ji14ndyo24 nde4e2 ba42 ndi4 sa3kã4 kẽ'4ẽ24 kẽ'4ẽ24 ta4u3nĩ2 kã4 tã3 ku3nĩ3 so'1o3 bã'1õ4
i3kã4 ji13nĩ3 so'1o3nã2 ndi4 i3kã4 ja143 ki4xĩ1lw̃ã4 ta4u3nĩ2 kã4 tã3 kã'4ã2 kẽ'3ẽ4 ndi4"ku1sũ1 ko1ro1 ka3xi42 yo'4o1", ka4chi2 kẽ'3ẽ4 so'3o3
i3kã4 kwe4e2 kwe4e2 nũ13ũ3nã2 ndi4 i4yo2 *escalera** mĩ4ĩ4 ba42 nda13a3nã2 tã3 nĩ1nũ3ũ3nã3 i3kã4 nda13ka'3mĩ3nã2 ñũ'3ũ2 nda13ka'3mĩ3nã2 i3kã4 nĩ1chi3ka2nã1 *machiti** nũ'3ũ2 tĩ3
ja143 i3kã4 tã3 ya1 ñũ'3ũ2 kwa'4a1 ñã1ã4 tã3 nĩ1chi3ka2nã1 kẽ'3ẽ4 ta4u3nĩ2 tã3 nĩ1ka3ba4nã2 ndi4
su3 nũ'1ũ3 ba3 i4yo2 kẽ'3ẽ4 i4yo2 ka'3a4 ñã4 ta4u3nĩ2 ya1 kã4 ba3 kã'4ã2nĩ42 tã3 nĩ1nda'1ỹw̃ã4 ta4u3nĩ2 nĩ1ke3tẽ4 kwẽ'1ẽ4 ndi4 ke13ta3 bẽ4 ke'3e2 kwẽ'1ẽ4 tã3 nĩ1ke3e3nã2 kwã'1ã1nã1
ñã1ã4 nĩ1ndo3ko3o4nã2 be'3e3 ya1 ko4ndo3 be'3e3 ti1mĩ3ĩ4 ti1nda1ka1 kã4 nĩ1ke3e3nã2 kwã'1ã1nã1 ndi4 nã1 ja1 nĩ1ke3e3 kwã'1ã1 ku4u4 ba3nã2 ya1 kã4 nĩ1ku3u3nã3
Tã3 *machiti** ndi4 ya1 kwã'1ã1 ba42 jĩ'4ĩ4nã3 i3kã4 kwã'1ã1nã1 sa3kã4 xo13ko'4nĩ3nã2 mã'14ñũ3 ku'1u1 xu13xa3 nĩ1ke3e3nã2 kwã'1ã1nã1 ndo13ko3o4nã2 ñã4 ta4u3nĩ2 kã4
tã3 kwã'1ã1nã1 kwã'1ã1nã1 sa3kã4 tĩ3 nĩ1xa1a1nã1 i3kã4 ka4ndu'3u4 ĩ3ĩ3 ko1o4 ndi4 che4e13lu3 ko1o4 ka4ndu'3u4 ndi4 la3tũ4lu3 ĩ3ĩ3 ta'4bi4 ndu3chi4 nũ14ũ3ri4 ndi4
ye'4e1 nda4xa2 bi4 ñã1 ku4 ñã1 kã4 ba3 ko4ndo3 ñũ'3ũ2 nda4 ba4a24 ba4a24 ye'4e1 [...] kwe4nda2 ndu3bi4
tã3 ñã1 kã4 ba42 tã3 ñũ3ũ42 ndi4 nã3ã4 tu3 ñũ3ũ42 tu3 ba4a24 ba4a24 ye'4e1 tu3 nã3ã4 tu3
tã3 ĩ3ĩ3 ta'4bi4 ndu3chi4 nũ14ũ3ri4 ndi4 la3tũ4lu3 kwi4i24 i4ta4 ya1 ko4ndo3 ñũ'3ũ2 kwe4nda2 ndu3chi4 nũ14ũ3ri4 ya1 kwe4nda2 yo1o4
tã3 ya3nĩ2 tã3 sa1a3 a3se4 ka'3ndyo4 ti4 ka1a3 tĩ3 ndi4 che4e13nĩ42ri4 tã3 ti4 ka1a3 ndi4 mã'14ñũ3 i3chi4 ka4ndu'3u4ri4 tã3 ba143 kwi4i4 nỹã32 ka'3ndyo4ri4 kwi14i3
ya1 kã4 nda4tũ'4ũ4nã2 tã3 i3kã4 ya'1a3 tu1nĩ4ĩ2 nda'4yu1ri4 i3kã4 ka4chi2 tu1nĩ4ĩ2 ndi4
kã'4ã2ri4 jĩ'4ĩ4nã2 nda'4yu1ri4 kwã'1ã1ri4 ya3nĩ2 tã3 nde4e2 ka4chi2 ti4 ka1a3 ya3nĩ2 ka4chi2 ti4 ka1a3 ndi4 nã4 nda3ka'3mbyo4 ñũ'3ũ2 chi1
nã4 nda3ka'3mbyo4 ñũ'3ũ2 tã3 ndu3kwe4 yu1u4 tã3 ndu3kwe4 i3tũ4 nda3te4 yu'3u4rũ4 tã3 i3kã4 chi3ke24 ya1 ko4ndo3
yu1u4 yu'3u4 i3tũ4 tã3 ka3xa'4ndyo4 i3tũ4 ka1a3 nũ14ũ3 [...]
i3kã4 twe3e4 yu'3u4 ti4 ka1a3 nã4 ku3u2ri4 chi2 ka4chi2 tu1nĩ4ĩ2 nda'4yu1ri4 ã4 sa3kã4 ba3 kã'4ã2ri4 ba'1a3 nã4tu2 sa3kã4 ndi4
ya1 ya1 kwa4a2 a3se4 ndi4 a3sa3 be4ya3 i3kã4 ja143 nda13ka'3mĩ3nã2 ñũ'3ũ2 nda13ka3ya2nã1 yu1u4 ba4li4 tã13ã4nã2 nũ14ũ3 ñũ'3ũ2 kã4 xi4xya1 nda143 mĩ3ĩ4 ñũ'3ũ2 kwa'4a1 ti4 ba43
ja143 ndu13ku4nã2 i3tũ4 ka4nĩ24 tã3 tã4ã24nã2 yu1 o4ra2 kwã'1ã1 i3tũ4 kã4 nda4ndi1ka1ri4 yu'3u4ri4 tã3 tã4ã24nã2 yu1u4
tã3 nĩ3 ba143 kwi4i4 ku3nĩ2nã1 ku3u2ri4 tu3ku3 tã3 tu3ku3 yu1u4 kwã'1ã1 ndi4 a1su3 nda4ndi1ka1 ki1bi4 ndu13ko'4o4 ywa'3a42 ndi4 kwã'1ã1 tã3 kwã'1ã1 yu1u4 sa3kã4 i3kã4 ka4chi2
i3kã4 ndi4 tã3 sa1a3 kwe3e4 ku3ndyo4 tã42 ndi4 ba143 kwi4i4 ndu3mã1nĩ1ri4 tã3 ku3ndyo24 nde4e2 kwa4a2 ya1 kã4 ndi4 ti4 ji4to'3nĩ3 sa3kã4 ku4u4 ba3ri4 ya3nĩ2 tã3 ndi4 tã3 sa1a3 ko3o3
i3kã4 bi3tĩ3 ya3nĩ2 a4su3 ka4chi2 ya3ndyo24 ta1 tu1nĩ4ĩ2 kã'4ã2ra1 ndi4 nã4tu2 nde4e2 ba42 nĩ1nda3ka'3mbyo4 ñũ'3ũ2 tã3 xa'13mbyo4 yu1u4 tã3 nĩ1te3e4 yu'3u4 ti4 ko1o4 ka1a3 tã3
nã4 ya3 nda3ka3nde4 ya3ndyo24 ta1 ndi3ki4ñũ3 ta1 kã4 ku4u4 ta1 ko3to3ra2 yo3o3 ku4u4 yo3o3 kwa4a2 ta4ku1 tã3 yo3o3 kwa4a2 nĩ1xi'1i1
ã4 sa3kã4 kã'4ã2 ta1 nĩ1ya'1a3 mĩ3tỹũ'4ũ4 ta1 ko4ndo3 *jefe** ya'1a3 mĩ3tỹũ'4ũ4 ya1 kã4 ba42ndi4 ta1 ko4ndo3 ndi3ki4ñũ3 ku4u4 ta1 ke'1e4 ka3nde4 tĩ3
tã3 sa1a3 ka3chyo24 ka3nde4 ta1 kã4 yu'1u1 ndi4 nã4tu2 kã4 tã3 nda'1yu1yu1 ka3nã2ra1 ta1 i4yo2 jyo'4o4 ka1a3 ti4 ba3 ku4u4 ta1 kã4
ya3ndyo24 ta1 ndi3ki4ñũ3 i3kã4 yo'4o4 ki3xỹũ4 tã3 ku3nĩ2ndu1 ã4 ã4 ta4ku1 ã4 nĩ1xi'1i1 ndi4 ba143 kwi4i4 ku3nĩ2ndu1 yo3o3 ba42 ta4ku1 yo3o3 ba42 nĩ1xi'1i1 ndi4
a1su3 ya1 ye'4e1 sa3kã4 kwa4a2 tã3 ba143 kwi4i4 ku3nĩ2ndu1 ka4chi2 ta1 i4xa3 lu3u3 so'3o3
i3kã4 ka4chi2 ka4chi2 ya3nĩ2ra1 ta1 i4xa3 lu3u3 ndi4 ya3nĩ2 ñã1 la3tũ4nĩ42 ye'4e1 i4ta4 ka1a3 ndi4
yo3o3 ku4u4 ta1 ku3ka3mã2 ndi3kỹã'3ã2 ndi4 ta1 nĩ1ku3ka3mã2 ndi3kỹã'3ã2 ndi4 ya1 ka1a3 ndi4 ya1 ka1a3 ndi4 ya1 ka1a3 ba42 ko3nda2a2 ya'4bi3 ba42 ka1a3 ko14o3 ku3xa3 tã3 ko14o3 i3kã4 ndi4
ku3xe4 tã3 ndu3i4ta4 yo4o4 tã3 ku3xe4 tã3 ndu3i4te4 sa3kã4 ba3 ka4a4 jỹã'4ã2 ya1 ko4ndo3 ya1 ye'4e1 i4ta4nĩ42 ka1a3
tã3 [...] ya1 ye'4e1 ta4xa2nĩ42 nda4ye'3e2nĩ42 ka1a3 ndi4 nã4 ndi13kye'3e42 ka1a3 ndi4 ya1 ka1a3 ndi4 ku3xa3 yo4o4 jỹã'4ã2 ndi4 ko14o3 ĩ3ĩ3 ki1bi4 ba42 nda3ndo3o3 i4ta4 yo4o4 ndi4 nã1 ku3xa3 sa3kã4 ku4u4 be4
nĩ3 ko14o3 nã1 si'4i2 ku3nĩ2 bi4 ndwe14e4 jỹã'4ã2 ndi4 ĩ3ĩ3 sa3kã4 ta1 ko3ndwe4 jỹã'4ã2 ka1a3 ndi4 yu'1u1 ndi4 nã4 ki3xa2a2 ya3ndyo24 ta1 ndi3ki'4ndi4
kẽ'1ẽ1 jĩ'4ĩ4ra2 tã3 nã4tu2 nĩ1jã'1ã1 ta1 kã4 nĩ1ke3ta3ra2 nĩ1ki'1bi3ra2 yu'3u4 tã3 nĩ1ke3ta3ra2 ka'3a4 ka'3a4 nĩ1ki'1bi3ra2 tã3 tã3 nĩ1ke3ta3ra2 yu'3u4
tã3 tã3 chi3nde3e3ra2 ti1ku4xi4 tã3 ku3nĩ2 nã4tu2 yo3o3 ku4u4 ta4ku1 ndi4 a1chi1 ndi4 ndi4 nã4 ki3xa2a2ra1 sa3kã4 ndi4 kẽ'1ẽ1 jĩ'4ĩ4ra3 ja143 kã'4ã2nã1 jĩ'4ĩ4 ta1 ñã1ã4 nĩ1ki3xa2a2 ba3 ta1 ñã1ã4
ja143nĩ1ki'1bi3 ta1 ñã1ã4 nĩ1ki'1bi3ra2 yu'3u4 nĩ1ke3ta3ra2 ka'3a4 ka'3a4 nĩ1ki'1bi3ra2 nĩ1ke3ta3ra2"ya3ndyo24 ta1 ndi3ki4ñũ3 bi3tĩ3 ndi4 ti1ku4xi4 tã3 chi3ndyo3õ4ri4 yu'3u4 tã3 ku3nĩ2 nã4tu2 ndi3xa3
ja143 nĩ1ju3ndu'4u4 ti4 ñã1ã4 ta13ta4ri4 nĩ1ko'3nĩ3ri4 ti1ku4xi4 ti4 nĩ1xi'1i1 ba3 ku4u4 ti4 ñã1ã4 tã3 ba143 tu4u4 nã4 nĩ1xi'1i1ri4
ku13ka3mã2 ba3 ta1 ja4 lu3u3 nĩ1ke3ta3ra2 ndi13kĩ'3ĩ3ra2 ya1 ko4ndo3 la3tũ4nĩ42 ye'4e1 i4ta4 ñã1ã4 ya1 ko4ndo3 yo1o4 ñã1ã4 ndi13kĩ'3ĩ3 ba3 ta1 ko4ndo3 ta1 che4e13
ya1 ko4ndo3 ya1 ko4ndo3 ñũ'3ũ2 ñã1ã4 nĩ1ta3ba4nẽ3 ndu3chi4 nũ14ũ3 ti4 ñã1ã4 ndi13kĩ'3ĩ3nã2 kwã'1ã1nã1
i1xa43 ndi13kĩ'3ĩ3nẽ2 tĩ3 ndi13kĩ'3ĩ3re2 kwã'1ã1ra1 ndi4 ya1 kã4 ndi4 ya1 ye'4e1nĩ42 ku4u4 be2 kã4
a1chi1 nã1 kã4 ba3 ku4u4nã2 nã1 yu4bi24 ku4u4 nã1 kã4 ki1bi4 ju13nã'3ã2nã1 tã3 nĩ1ndo1o3nã2 tã3 kwã'1ã1nã1 ndi13kwi3so3nẽ2 kã4 tã3 tã3 ke13e3nã2 kwã'1ã1nã1
nĩ1ndi3kwi3so3nẽ2 kã4 tã3 ndi13kĩ'3ĩ3nã2 i3chi4 kwã'1ã1nã1 tĩ3 kwã'1ã1nã1 nĩ1ku3kwa'1a4 kwã'1ã1nã1 tã3 ka4chi2 ba3 ta1 i4xa3 lu3u3 ñã1ã4 ndi4 ya3nĩ2 ndi4
tã3 nda4a2 ba42 ka3nã3 ta1kwi42 kwe'3e4 ya3nĩ2 ndi4 i4chi1yu1 ta1kwi42 tã3 nĩ1ku3kwa'1a4 ba1xyo4 tã3 yu'1u1 ndi4 i4chi1nĩ42 ta1kwi42 ndi4 ko14nde3e4 i3nĩ2yu1 sa3kã4
nã4tu2 xa'4a13 i3nỹũ24 nda3nã3mã3 yo4o4 tã3 sa3kã4 ndi4 kã4 ndi3kỹã'3ã2 ñã1ã4 tã3 ndi3kỹã'3ã42 yo'4o4 tã3 sa3kã4 ndi4 sa3kã4 ta3xi2 ta1kwi42 kõ'3õ4
ba1 ba'1a3 ba3 kwa14a2 ji4nĩ2 ka3chi2 ndi4 ya1 i4chi1 ta1kwi42 ba42 kã4 ji14nĩ2 a3sa2 ka3nã3 ta1kwi42 ba42 ka4chi2ra1 so'3o3
i3kã4 nĩ1 i3tũ4 nĩ1nda3ta4nã2 yu'3u4 nĩ1ka3nĩ3ra2 nũ14ũ3 ñũ'3ũ4 kã4 tã3
nũ14ũ3 ñũ'3ũ4 mĩ4ĩ4 i14nĩ3 te'4e4 ñã1ã4 ndi4 ñã1ã4 ka13nĩ3ra2 i3tũ4 tã3 ja143 nĩ1 ñã1ã4 nda13nde3e3 ta1kwi42 tã3 ñã1ã4 nĩ1xi'3i3 ta1 ko4ndo3 ta1 i4xa3 lu3u3 kã4
ta1kwi42 tĩ3 ja143 nĩ1xi'3i3ra2ra4 i3kã4 nĩ1xa'1a3 i3nĩ2ra1 ndi4 nda13nã1mẽ32 kã4 kwẽ'1ẽ1
ndi13kĩ'3ĩ3 ta1 che4e13 kã4 ya1 ko4ndo3 ya1 yo1o4 kã4 ndi13kĩ'3ĩ3ra2 kwe4nda2 ñũ'3ũ2 ja143 kwã'1ã1nã1 i3kã4 kwã'1ã1nã1 sa3kã4 nĩ1xa1a1nã1
nda13a3nã2 kwã'1ã1nã1 nĩ1nũ3 ko4ndo3 *gloria** ndi4 ka4chi2 yo4o4 ndi4 ja1 ndyo4si2 ku4u4 nã1 kã4 tã3 su14u3 ndyo4si2 ku4u4 nã1 kã4 nã1 kã4 ndi4
nã1 ndi3kũ2 ku4u4 nã1 kã4 ki1bi4 jo13ndwa2 ndi4 nã1 yu4bi24 tã42 yo4o4 ka1a3 ku4u4 nã1 kã4 tã3 nĩ1ndo1o3nã2 ku4u4nã2 ndyo4si2 ka4chi2 yo4o4
tã3 nã1 kã4 ku4u4nã2 ko4ndo3 nã1 ye'4e1 ndwe14e4 xi4ka3 tĩ3 ndi4 nã1 kã4 ku4u4 nã1 nda4ye'3e2 ki1bi4 ju13nã'3ã2 nã1 kã4 kwã'1ã1nã1 nda13a3nã2 *gloria**
tã3 nĩ1xa1a1nã1 kã4 ja3chỹũ4ũ4nã2 nĩ1ka3nẽ2 ko4ndo3 ñũ'1ũ3 ñũ'1ũ3 ndi4 bi1xĩ1nĩ42 nda4ndi2i4 ñũ'3ũ4 ndi4 bi1xĩ3nĩ42
ya1 ko4ndo3 ndu3bi4 ndi13kỹã'3ã2 ja3chw̃ã4ã2 kwe4nda2 ndu3bi4 tĩ3 ñũ1ũ42 ndi4 o4ra2 ndi13kĩ'3ĩ3 ta1 ko4ndo3 yo1o4 ndi4
bi1xĩ3 ndi4 swa14a2 ko3nde4 nĩ'3nĩ4 sa4ka2 ya1 kwe4nda2 ñũ3ũ42 tã3 ya1 ndu3bi4 ba42 nĩ'3nĩ4 ndi4 swa14a2 ko3nde3e4 i3nỹũ24 ndi4 nda1 kwa1nũ3ũ3 ta1tĩ4 ndwe14e4
nda4ndi2i4 ñũ'1ũ3 ndi4 bi1xĩ3nĩ42 tã3 ñũ3ũ42 ndi4 ka13nã3 yo1o4 tã3 i3kã4 nĩ'3nĩ4 ndi4 nda1 kwa1nũ3ũ3 ta1tĩ4 nũ14ũ3nã2 nde4e4nã2 ki4xĩ1nã1
tã3 i3kã4 ka4chi2ra1 ndi4 bi3tĩ3 ndi4 ya3nĩ2 ndi4 ba143 ka4nã3 chi3ñũ3 ndi4 yu'1u1 ndi4 ja4chỹũ4ũ2 rã4 yu'1u1 ndi4 ya1 ndu4tã'3ã2 jĩ'4ĩ2 ba42 tã3
ya1 i4chi1yu1 ta1kwi42 tã3 nda13nã1mẽ32 tã3 ndi4 ndi3kỹã'3ã42 yo'4o4 tã3 nã4 ndi3kỹã'3ã2 ñã1ã4 a1chi1 ndi4 ba143 ndu4tã'3õ24 jỹã'4ã2 ndi4 ya1 yo'4o4 ba42 ndu4tã'3õ24 jĩ'4ĩ4
ya1 kã4 ba42 ba1xyo4 tã3 bi3tĩ3 ndi4 nã1 ba1xi3 ja3chi4ñũ3 kwe4e4 yo'4o4 ndi4 nã1mã3 tyem4pu2 ndi4 nã1 ja3chỹũ4ũ4 ku4u4 yo4o4 ko14o3 ĩ3ĩ3 ki1bi4 ba42 nda3ndi3ko4 ka1 yo4o4 ko14o3 ĩ3ĩ3 ki1bi4 ba42 ku3u2 yo4o4 ndi4
yo4o4 ndi4 nã1 yo'4o1 ndi4 ta1 ku3to'3nĩ3 sa1a3 ka'4nw̃ã2 yu14bi4 ku4u4 yo'4o1 sa3kã4 yu'1u1 ndi4 ta1 ku3nỹã2 ya1 i4ta4 ku4u4 yu'1u1 ka4chi2 ta1 ko4ndo3 ta1 i4xa3 lu3u3 so'3o3
i3kã4 nda13nã1mẽ32 kã4 ndi13kĩ'3ĩ3 ta1 ko4ndo3 ta1 che4e13 ya1 ko4ndo3 ñũ'1ũ3 kã4 tã3 ndi13kĩ'3ĩ3 ta1 ja4 lu3u3 ya1 ko4ndo3 yo1o4 kã4
nda1 sa3kã4 ndu13ba'1a3 ya1 yu4bi24 ndi4 o4ra2 ndi13kĩ'3ĩ3 ta1 kã4ya2 ndi4
ndu3bi4 ndi4 nĩ'3nĩ4 tã42 ba'1a3 ndu3bi4 tã3 ñũ3ũ42 ndi4 bi1xĩ3 ya1 kã4 ba42 nĩ1ji3ndwa1a32 nĩ'4ĩ4 yo4o4 ba1xyo4 nda1 a3mã3 ka1 tyem4pu2 tĩ3 ba1xya32 jĩ'4ĩ4 yo4o4
ya1 ko4ndo3 ya1 nĩ'4ĩ4 ta1 chi4ñũ3 ndi4 nã1 kã4 ndi4 nã1 nda'4bi2 ku4u4nã2 ki1bi4 nĩ1ndo1o3nã2 tã3 nĩ1ta1xi4nã3
Tã3 ya1 kã4 ba42 ndi4 ko4ndo3 *trabajo** nĩ'1ĩ4 nã1 kã4 nĩ1i3xa3 yu3ba4 yo4o4 ta1 ka'4nũ3 ta1 i4yo2 nĩ'4ĩ4 *cuenta** jĩ'4ĩ4 yo4o4 ta1 kã4 ku4u4 ta1 ta13xi3ra2 ta1 kã4 tã3 ba1xi3ra3
Tã3 ya1 kã4 ba42 nĩ1ndo1o3 nã1 kã4 jĩ'4ĩ4 Jesús mĩ4ĩ4 ba42 ndo1o3nã2 *gloria** ya1 ko4ndo3 ndi3bi4 nĩ1nũ3 a1chi1 ndi4
Jesús ku4u4 ta1 ndo13ko3o4ra2 nã1 kã4 ku4u4nã2 nã1 ba'1a3 tã3 nã1 kã4 ku4u4 nã1 ji13ndo1o3 ja3chỹũ4ũ4
tã3 nã1 kã4 ku4u4 nã1 kã'4ã4 yo4o4 nda1 ki1bi4 ka4a4 bi3tĩ3 xi4ka3 yo4o4 jỹã'4ã2 i4yo2 ya1 ko4ndo3 ndu3bi4 tã3 i4yo2 ya1 ko4ndo3 ñũ3ũ42 a1chi1 ndi4
nã1 kã4 ku4u4 nã1 ta13xi3 nã'3ã2nẽ1 ndi4 sa3kã4 ko3o3 jỹã'4ã2 ya1 ko4ndo3 tu1nĩ4nĩ2nĩ'4ĩ4 yo4o4 ba1xyo4 ya1 kã4 ba42 ba1xi3 ndo3swa43
tã3 nĩ1ndwa1a32 kã4 ndi4 nĩ3 ĩ3ĩ3 nã1 i4yo2 nĩ1ndo1o3 ñũ'3ũ4 yu14bi4 ndi4 ji14nĩ2nã1 sa1a3 nã3nỹã42 ji14nĩ2nã1 sa1a3 kã'1ã1nã1 jỹã'4ã2
i3kã4 ka4chi2nã1 ndi4 nã1 yu4bi24 ndi4 nã1 ko4ndo3 ki3ti4 ndi4 ki3ti4 ku4u4 ti4 i4yo2 a1chi1 xa3ku4 nã1 yu4bi24 i4yo2 tã3 ki3ti4 ti4 kã4 ti4 i4yo2 tũ'1ũ3 ku4u4 ti4 kã4 ndi4 yu14bi4 nã3ã4 ba43
ka4chi2 ndi3ka'3a3 so'3o3 ndi4 ndi3ka'3a3 ko4ndo3 ta1 chi4ñũ3
tã3 bi3tĩ3 ndi4 nĩ1tu1u3 ya1 ko4ndo3 ñũ'1ũ3 ka1a3 tã3 nĩ1twa1a32 ko4ndo3 yo1o4 tã3 ndi4 sa1a3 ba42 ku3nã3nỹã42 ka1a3 bi3tĩ3 ndi4 ndu13ta3ka2ndo4 tã42 i4yo2 ndo'4o1 nĩ1ki3xa2a2 ndi4
ndi4 i3nda14 ya3ndyo24 ta1 Lo3rẽ4su2 ndi4 ko14o3 ta1 kã4 nĩ4ki3xa2a2 ndi4 nã1 kã4 ndi4 sa1a3 ñã1 ko3o3 jỹã'4ã2
Tã42 i4yo2ndo4 nĩ1ki3xa2a2 nda4kwa'1a32 *cuenta** nũ14ũ3ndo4 bi3tĩ3 ba42 ndi4 sa1a3 ku3nã3nỹã42 nĩ1ki3xa2a2 ka1a3 ya1 ko4ndo3 ñũ'1ũ3 ka1a3 tã3
ñũ'1ũ3 ka4chyo24 jỹã'4ã2 ndi4 ji14ndyo24 sa1a3 nde4e2 ku4u4 ki1bya42 ndi4 ye'4e1 twa2 tã3 ba143 ndi4 ji14ndyo24 sa1a3 nã3nỹã43 ya1 ki1bya42 ku4nĩ2 ku3ndyo4
ye'4e1 twa2 ndwe14e4 tã3 ji14ndyo24 sa1a3 nã3nỹã42 ka4 ka4chi2 ta1 ko4ndo3 ta1 chi4ñũ3
yo'4o1 ta1 chi4ñũ3 ndi4 kwi14i3 kã'1ã1ndu1 ndi4 ji14nĩ2ndu1 sa1a3 nã3nỹã42 ndi4 ji14nĩ2ndu1 sa1a3 ye'4e1 ba3 nw̃ã14ã2 tã3 ndi4 ji14ndyo24 sa1a3 nã3nỹã43
Ndi4 ya3ndyo24 ta1 Lo3rẽ4su2 ndi4 ji4nĩ2 ba3 ta1 kã4 ka4chi2 ka4chi2 i3nga2ra1 nda13kwĩ3ĩ3ra3
An4 ba143 nã4 kũ'1ũ1 chi3ñũ3 tã3 sa3kã4 ndi4 ki3xi3 ta1 Lo3rẽ4su2 i3kã4 ti'13bi4nã2 chi3ñũ3 kwã'1ã1 i3kã4
kwã'1ã1 *jefe** ka4chi2nã1 jĩ'4ĩ4 ka4chi2 *jefe** jĩ'4ĩ4 Lo3rẽ4su2 ndi4"Lo3rẽ4su2 ã4 i4ndu'3ũ4"."I4ndu'3u4 ba2".
Kũ'1ũ4 be'3e3 chi4ñũ3 ndi4 ka4nã3 ta1 chi4ñũ3 yo'4o1 ndi4 ko14o3 nde4e2 a3sa3 bi4ra2 jỹũ'4ũ4 ndi4 i4yo2 tu1nĩ4nĩ2 i4yo2 jĩ'4ĩ4ra2 tã3 tã3 i3nda14 yo'4o1 ku4u4 ta1 ku4mã1nỹã43
nda14 yo'4o1 ku4u4 ta1 ya1 kã4 ba42 ndi4 nde4e4nĩ42 ba3ndu2 ndi4
i3nda14 yo'4o1 ku4u4 ta1 sa3kã4 ndi4 ki3xa3a4 ko3o3 *junta** ndi4 *junta** i4yo2 *junta** ka'4nũ3 i4yo2 tã3 ndi4 ta1 kũ'1ũ1 kũ4ũ4 sa3kã4 ndi4 kã4
ku3ndyo24 nã4chu3 ba42 ku3ndyo24 nde4e2 ba42 kã'1ã1ra1 jyo'4o4 ka4chi2ri4 so'3o3
i3kã4 ja143 nĩ1ke3e3 nda13ndi3ko4 *efe** kwã'1ã1ra1 i3kã4 ki13xa2a2ra1 be'3e3 chi4ñũ3
ja143 nda13kwa'1a3ra2 *cuenta** nũ14ũ3 ta1 chi4ñũ3 ndi4 ta1 chi4ñũ3 bi3tĩ3 sa3kã4 ki3xi3 ya3ndyo24 ta1 Lo3rẽ4su2 ndi4 nda13kwĩ3ĩ3 ba3ra2 ndi4 ki3xi3ra3 Ba'1a3 nã4tu2 sa3kã4
Ni1xa1a1 ba3 ta1 ñã1ã4 ndi4 su14u3 ta1 nĩ4xa1a1 mĩ3ĩ4 ku4u4 ta1 kã4 ndi4 *machu** ba3 yo4so24 ta1 ñã1ã4 nĩ1xa1a1ra1
ka4chi2 ka4chi2ra1 ndi4 nde4e4 sa4ka2nã1 ndi4"*comisario** nde4e2 ba42 ku4nỹũ24 ndi4 nĩ1ti'3bỹũ4 *efe** xã'1ã1ra1 ka4nã3ra2yu1 tã3
ba1xi32 ndi4 nde4e4nĩ42 ba3ndo4 rã4 kwa'1a4nĩ42ndo4 nde4e4 *junta** i4yo2 i4xa3ndo4 tã3 ndi4 i3nda14 yu'1u1 tu3 ku4mã1nỹã42 tã3 nde4e2 ba42 ku4nĩ2 ku3nĩ2ndo4 ya1 kã4 ndi4 ya1 kã4 ti'13bi4ndo4 chi3ñũ3 tã3 ya1 kã4 ba1xi32 ndi4
nũ4mĩ24nĩ42 ba1xi32 ndi4 *machu** yo4so242 kwi14i3 ki3xi3 xa'1a42 a1chi1 ndi4 *machu** yo4so242 tã3 ndi4 *machu** ndi4 nda4sa3nã3nĩ42ri4 tã3 ba143 xa'4a13ri4 kwe3e2ri4
ya1 kã4 ndi4 nda143 ka4a4 mbo3la3 tya42 kã4 i4ndwa'3a42 ja1ta4 *machu** ndi4 *machu** kã4 ndi4 ya3kwĩ4 ko4ndo3 *machu** yo4swa242 kwẽ'1ẽ1
Lo3rẽ4su2 ndi4 ka'4nũ3 ko3o3 i3nỹũ24 nã4 ka3chi2 jỹũ'4ũ4 ndi4 ya1 kwa4a2 nda4ye'3e2 nũ14ũ3 nĩ1ka3nã3 yo'4o4 ba3 tã3 ya1 yo'4o4 ba42 ku4nĩ2 ku3nĩ2ndu1 sa1a3 nã3nĩ4 ndi4
ji14nĩ2ndu1 sa1a3 nã3nỹã42 ã4 ya1 ka1a3 ba3 ku4nĩ2 ku3nĩ2ndo4 ndi4 ya1 kwa4a2 ji4to'3nĩ3 ndu3bi4 yo'4o4 ndi4
ya1 ji4to'3nĩ3 ñũ3ũ42 ndi4 *luna luna** nã3nỹã42 kã4 tã3 ya1 ji4to'3nĩ3 ndu3bi4 ndi4 *sol** ku3nã3nỹã42 kã4 *sol sol** ka4chi2ra1 so'3o3
ja143 nda13ba3 *machu** ja1nã1ra1 ndi4 kwã'1ã1nĩ42ri4 ndi4 nde3e4nĩ42 kwã'1ã1 *machu** ã4 ji13nĩ3 so'1o3ndo4 sa1a3 kã'4ã2ra1
nĩ14kwi3i3 ku3nĩ2ndu1 nde4e2 kã'4ã2ra1 kwã'1ã1nĩ42 ba3 ta1 yo'4o4 sa1a3 a3sõ4 nỹũ'1ũ4 ta1 kã4 ndi4 *machu** yo4so24 ta1 kã4 kwã'1ã1 ba1xi3ra3 ka4chi2nã1
ja143 kwã'1ã1 tã3 bi3tĩ3 ndi4 sa1a3 ko3o3 tã3 ki3xi3ra2 ndi4 ja1 nĩ1ki3xi3ra2 tã3 bi3tĩ3 ndi4 bi3tĩ3 ndi4 *mayó** ti'3bi4ndo4 kũ'1ũ1 nã4 kũ'1ũ1ra1 tã3 ki3xi3ra2 sa3kã4 ndi4 ki3xi3 ba3ra2 sa3kã4 ka4chi2
i3kã4 nĩ1ti'3bi4nã2 mã3yo42 mã3yo42 ndi4 ti1kũ'4ũ4 ko4ndo3 mã3yo42 ndi4 ja143 kwẽ'1ẽ1 sa3kã4 kwe4e2 sa3kã4 kwe4e2 sa3kã4 kwẽ'1ẽ1 kã4 nĩ1xe1e1
i4ndu'3u4 Lo3rẽ4su2 be'3e3ra3 ka4chi2ra1 ndi4 ã4 i4ndu'3ũ4 ya3nĩ2 Lo3rẽ4su2 I4ndu'3u4 ba2
*Manu** ba1xi32 nũ14ũ4 ndi4 xe'1e1 tu2 ka4ta4 sa4ka2 tu3 tã3 ya1 kã4 ba42 nda13kã'3ã42 yo'4o1 ndi4 ĩ'3ĩ3lũ4 xe'1e1yu1 ndi4 nĩ3 mĩ3ĩ42 tã3 ba143 kwi4i4 ĩ'3ĩ2 xe'1e1yu1 ndi4
ya1 kã4 ba42 ndi4 a3sa3lw̃ã42 ba'1a3 ỹũ'3ũ4 xe'1e1yu1 ja143 nĩ1chi3ka2 [...] Nda1 mã14ã3 ka1lu3 kũ'1ũ1 nda'3õ4 ndi4 mã14ã3 ba42 ka4ta4 ka4chya2 ti1kũ'4ũ4 kã4 so'3o3 jĩ'4ĩ4 Lo3rẽ4su2
I3kã4"nda1 mã14ã3 mã14ã3 ka1 kũ'1ũ1 nda'3õ4 ya3nĩ2 nda1 mã14ã3 mã14ã3 ka1 [kũ'1ũ1 nda'3õ4] ndi4"."Ndi4 ta1 *maña** ku4u4 yo'4o1 ya3nĩ2 Rufinũ,nã4chu3 ba42 ndi4
kã'4ã2 tũ4 nda1 mã14ã3 mã14ã3 tu3 tã3 tã3 ko14o3 twa2 i4yo2 xe'1e1 tũ4"."U'4ũ3 ba3 ti1ki4xi2 ndi4kũ2 kã'4ã4 xe'1e1yu1 ndi4 ba143 kwi4i4 kũ'1ũ1 nda'3a42 ki3nde2e2ri4 ndi4 ."
I3kã4 nda1 mã14ã3 ka1 kũ'1ũ1 nda'3õ4 sa4ka3ka3 nda'3õ4 ki3ndo2õ4ri4 nda1 mã14ã3 ka1 si14ki'1bya32 nde'3e42 tã3 nda13ko'3mã4 ba3ra2 yu'3u4 te'1e4ra2 tã3
ke13ta3ra2 kwã'1ã1ra1 ndi4 [...] nỹã32 kw̃ã'1ã1 ñã1ã4 ba143 kwi4i4 ndi4 nda'4yu1lwa2 ñã1ã4 ti'13nũ3 te'1e4 nde'3e42 tã3 kwẽ'1ẽ1
jỹã'4ã2 ñw̃ã4ã2 sa3kã4 jỹã'4ã2 ñw̃ã4ã2 sa3kã4 ya1a1 sa3kã4 xe1e1 i3kã4 tĩ3 nĩ1xe1e1 nũ14ũ3nã2 mĩ4ĩ4 nde4e4nã3 i3kã4
ka4chi2 ka4chi2 nã1 nde4e4 *junta** ndi4"bi3tĩ3 *comisario** ndi4 ja1 i3kã4 ba1xi3 mã3yo42 jĩ'4ĩ4 Lo3rẽ4su2 ndi4 nda'4yu1nĩ42ra1 ba1xi3ra3
An4 i3kã4 ba1xi3ra3 I3kã4 ba1xi3ra3 Na4 ki3xa2a2ra1 nã4 ki3xa2a2ra1 ndi4 nã1 ñã1ã4 ya'1a3ra2 a1chi1 ndi4 kwi14i3 kwe3e2ra1 ndi4 nda1 ñã1ã4 ya'1a3ra3 ka4chi2ra1
ba'1a3 nã4tu2 sa3kã4 i3kã4 nĩ1ki3xa2a2 mã3yo42"mã3yo42 ta1 chi4ñũ3 ja1 yo'4o4 ki13xa2a2 Lo3rẽ4su2 jĩ'4ĩ2".
An4 sa3kã4 ba3 yo'4o4 ỹã'1õ4 jĩ'4ĩ4ra2 nã4 ki3xi3ra3 i3kã4 ki13xa2a2ra1 i3kã4 ka4chi2ra1 ndi4
"yo'4o1 Lo3rẽ4su2 ndi4 kw̃ã3ã42 ka'4nũ3 ko3o3 i3nỹũ24 nã4 ka3chi2 jỹũ'4ũ4 ndi4 sa1a3 nã3nỹã42 kwa4a2 ye'4e1 nũ14ũ3 nĩ1ki3xa2a2 yo'4o4 ndi4 ki13xỹũ4 mĩ3tỹũ'4ũ4 nĩ1kã'1õ4 jĩ'4ĩ4ndu2 tã3
nĩ14kwi3i3 ku3nĩ2ndu1 sa1a3 nã3nỹã42 ya1 kwa4a2 yo'4o4 ndi4 nde4e4nĩ42 ba3ndu2 rã4 tã3 ndi4 kwa14a2 ba'1a3ndu2 ĩ4ĩ4ndu2 sa3kã4 ndi4
ya1kã3 yo'4o1 ku4u4 ta1 ji4nĩ2 yo'4o1 ku4u4 ta1 nda4ta'3bi4 sa1a3 ko3o3 yo'4o1 ndi4 ta1 ji3ndo1o3 ja3chỹũ4ũ4 ku4u4 yo'4o1ndi4 ta1 nda3a3 kũ'1ũ1 nĩ1nũ3 ku4u4 yo'4o1 nã4tu2 sa3kã4 ba'1a3 ji1nỹũ4 ka4chi2 ta1 chi4ñũ3 jĩ'4ĩ4ra3
ya1 kã4 ba42 nĩ1ndo1o3 Lo3rẽ4su2 Lo3rẽ4su2 ndi4 ku3nĩ4jo2 ku4u4 ta1 kã4 ya1 kã4 ba42 ndi4 xa143 ya1kã3
ã4 ya1 kã4 ku4nĩ2ndo4 *comisario** a4su3 ka4chi2 jĩ'4ĩ4ndo4 ndi4 *luna luna sol sol** ka4chi2 jĩ'4ĩ4ndo4 ã4 ji13nĩ3 so'1o3ndo4
ba143 nĩ4ji3nĩ3 so'1o3ndu3 *Luna luna sol sol** ya1 ka1a3 ku4u4 ki1bya43
An3 ba'1a3 ndi4 ji13nĩ3 so'1o3ndu3 i3kã4 ndu13ku3ndu'4u4 *comisario** ndi4 ka'4yu4ra2 ki1bya42 ndi4 sa3kã4 ji13nĩ2ndo4 ndi4 so'3o3 nã3nỹã42 tĩ3
ya1 ko4ndo3 ya1 nĩ1tu1u3 ka1a3 ndi4 ya1 ye'4e1 ñũ3ũ42 tã3 ya1 ye'4e1 ndu3bi4 ndi4 ya1 ko4ndo3 ndu3bi4 ndi4 so'3o3 nã3nỹã43 ã4 ji13nĩ3 so'1o3ndo4 sa1a3 i4ywa2
Ji13nĩ3 so'1o3 ba3ndu2 *comisario** ta1 ka1a3 ku4u4 ta1 ki3xi3 ndo1o3ra2 ja3chỹũ4ũ4ra2 ndi4 ta1 ka1a3 ku4u4 ta1 kũ'1ũ1
ka1a3 ndi4 ta1 ku3 tyem4pu2 ndi4 ta1 ka1a3 ndi4 ta1 ku3to'3nĩ3 sa1a3 ka'4nw̃ã2 yu14bi4 nũ14ũ3 ku4u4 ta1 ka1a3 ndi4 ya14tĩ3 ku3ndu'4u4 ta1 ka1a3 ndu'1u1 ndi4 kwa14a2 ba'1a3ndu2 ndi4 ko14o3 nã1 yu4bi24 ko3to3 nũ14ũ3ndu3
Ka4chi2 nã1 kwã'1ã1 *junta** so'3o3 ya1 kã4 ba42 ndi4 ba'1a3 ndi4 ji13nĩ2ndu1 ndi4 sa3kã4 nã3nỹã43 bi3tĩ3 ndi4 ya1 ka1a3 ko3ndo3 ki1bya42 ndo1o3 ka4chi2 ka4chi2 nã1 kwã'1ã1 *junta** jĩ'4ĩ4 *comisario**
ya1 kã4 ba42 nĩ1ndo1o3 ñã1 ñã1 ko4ndo3 ki1bi4 ya1 ko4ndo3 ñũ'1ũ3 ka1a3 ki1bi4 yo1o4 ka1a3 nĩ1ndwa1a32 jyo'4o4 [...] bi3tĩ3 ba1xya32 ndi4
nĩ1ndo1o3 ta1 ku3nĩ4jo2 i4ndu'3u4ra2 nũ14ũ3 yo1o4 ndi4 ta1 ka1a3 ku4u4 ta1 ndu13ku4 ki1bi4 ya1 ko4ndo3 yo1o4 ya1 ka1a3 ba42 ta13xi3 nã'3ã2 ndo3so4nã2 ba1xya3 ka1a3 ndya'13a3
Martín Severiano Germán
*Cincuenta y ocho**
Yoloxóchitl
yo'4o4 i4yo2 kwẽ4tu2 xa'1a4 nã1, nã1 nda'4bi2 nĩ1xi'1i1 si'3i4 nĩ1ndo1o3 yu3ba4nã3,
nã1 kã4 ndi4, ndi13kĩ'3ĩ3ra2 i3nga2 ñã'3ã4 tã3, tã3 yu14bi4 tyem4pu2 ki1bi4 nĩ1ju3nẽ'3ẽ2 ba1xya32 ndi4 yu14bi4 nã3ã4 ba43.
Ko14o3 ñũ'1ũ3 ko14o3 yo1o4 ko14o3 yu14bi4 nã3ã4 ba42 i4yo2 nã1 nda'4bi2
tã3 nã1 kã4 ku4u4nã2, ye'4e1 ba3 ndi4, ndi4 ba143 ye'4e1 [...] sa3kã4 ku4nĩ2 ti4 be2, i4ywa2 ko4ndo3 ñũ3ũ42 ba3 tã3 ndi4
i3kã4 nĩ1xi'1i1 si'3i4nã2 tã3 i3kã4 nĩ1ndo1o3nã2 i3kã4 ndi13kĩ'3ĩ3ra2 i3nga2 ñã'3ã4 tã3 ka4chỹã24 so'3o3 jĩ'4ĩ4ra2 ndi4
ya1kã3, ndi3kỹũ'3ũ4 nã1 ka1a3 tã3 kũ'1ũ1 nda1kõ4nã2 nda1 mã'14ñũ3 ku'1u1 nã4 kũ'1ũ1nã1 tã3 ka3xi4 ndi3ka'3a3nã2 ndi4 nã4 ndi'3i3 xa'1a4nã2 ka4chi2 ñã'3ã4 ndi13kĩ'3ĩ3ra2 tã3 i4yo2 nã1 sỹã'1ã4 tã3
i4yo2 tã'3ã2 ndu3xi4 ja1nẽ4 ja'4nỹã24ri4 tã3 ta1kwi42 nda3yu4 ta4xỹã4 xi4xi3 nã1kwa4chi3 ñã1ã4 ku4u4nã2 nã1 nda'4bi2 tã3
tã3 se'1e3 mỹã3ã4 ndi4 ku3ñũ2 tẽ4ẽ24 xi4xi3 nã1 kã4, xi4xi3nã2 ta1kwi42 nda3yu4 tã3
tã42 i4xẽ4 jĩ'4ĩ4 i3nã2 i4xẽ4 jĩ'4ĩ4 nã1kwa4chi3 ndi4 ta1kwi42 nda3yu4 ba3 ta4xỹã4 xi4xi3 nã1 kã4
ya1 kã4 ba42 ta'1nda1chi3ñũ3 nũ14ũ3ra2 nã4 kũ'1ũ1ra1 kũ'1ũ1 nda1ka3ra2 se'1e3ra2 mã'14ñũ3 ku'1u1 xu13xa3 i3kã4 ka3xi4 ñã'3ã4 ndi3ka'3a3
i3kã4 nĩ1ka3chi2 ta1 ya3nĩ2ra1 ta1 che4e13 jĩ'4ĩ4 ta1 i4xa3 lu3u3 ndi4 ya3nĩ2 nã4 kwã'1ã1 yo4o4 tã3
ndi3kwi3sõ4 ya1a4 ñã1ã4, ya1a4 ñã1ã4 tõ3õ4 *bolsa** tã3 kw̃ã'1ã1 jyo'4o4 ndi4 mĩ4ĩ4 ja1 ta'1nda1 chi3ñũ3 ndwe14e4 ko'1o4 tã3
tã3 i3kã4 ba42 ndi4 ya1 ñã1ã4 ko3ndo3 *seña** mĩ4ĩ4 ba42 kũ'1ũ1 yo4o4 ka4chi2, ka4chi2ra1 jĩ'4ĩ4 ya3nĩ2ra1
i3kã4 ndu13xi'3nã3 yu3ba4nã2 kwã'1ã1nã1 tã3 i3kã4 ndi4kũ2ra1, ndi4kũ2 nã1kwa4chi3 kwã'1ã1nã1 sa3kã4 kwã'1ã1nã1 sa3kã4 kwa'1a4 jã'1ã1ra1
ba143 ko4nde3e4 tã'3ã2 ra1 ja'1a4 se'1e3ra2 ndi4 sa3kã4 ka4a4 tã3, ku4nỹã24 ndi4 nã1 kũ'1ũ1 ndi'3i3 xa'1a4 ku4u4nã2 ka3xi4 ndi3ka'3a3nã3,
ya1kã3, tã3 nĩ14..., nã1 ñã1ã4 ndi4 nĩ14ja3xi4 ndi3ka'3a3 nã1 ñã1ã4 ndi4
kwa'1a4 jã'1ã1nã1 nĩ1kã'1ã1, xa1a1 ba3nã2 mĩ4ĩ4 ba42 ka4chi2 yu3ba4nã2 xa1a1nã1 i3kã4 ka4chi2 yu3ba4nã2 jĩ'4ĩ4nã2 ndi4
*hijo** bi3tĩ3 ndi4 kwã'4ã2ndo4 xa1a1ndo4 nda1 mĩ4ĩ4 ke4ta3 nũ14ũ3 i3chi4 yo'4o4, yo'4o4 tã3 kwã'1ã1 i3chi4 yo'4o4 tã3 i3chi4 yo'4o4 kũ'1ũ1yu1 tã3 i3chi4 yo'4o4 kũ'1ũ1ndo4 tã3 sa3kã4 ndi4 nda1 mĩ4ĩ4 ke4ta3 nũ14ũ3 i3chi4 kã4 nda1 i3kã4
ã4 yu'1u1 nda4tu2 ndo'4o1 ã4, ã4 ndo'4o1 nda4tu3ndo4 yu'1u1 ndi4 ñã1ã4 xa1a1yu1 nda3ki3tã'4ã4 yo4o4 ka4chi2ra1 jĩ'4ĩ4 se'1e3ra3,
i3kã4 tĩ3, i4xa3 su3u3ra2 ndi4 su3tũ4 jã'1ã1ra1 tã3 i3kã4 nda13ndi3ko4ra2 tã3, tã3 nã1kwa4chi3 kã4 ndi4 nĩ1ke3ta3nã2 kwã'1ã1nã1 tã3 ja1,
ja1 lu3u3 ja1 lu3u3 ya1a4 chi4nde3e3nã2 i3chi4 kwã'1ã1nã1 a1chi1 i1yo3 nda3ndo4so24 nũ14ũ3nã2 mĩ4ĩ4 kwã'1ã1nã1 mĩ4ĩ4 nĩ1ki3xa3a4nã2 nĩ1ki'1bi3nã2 kwã'1ã1nã1 sa3kã4
i3chi4, sa1a3ka4nĩ24 i3chi4 su3tũ4 su3tũ4 tã3 chi4nde3e3nã2 ya1a4 kwã'1ã1nã1
kwã'1ã1nã1 ndi4 mã'14ñũ3 ku'1u1 xu13xa3 ñã1ã4 i4yo2 i3chi4 ta4xĩ24 ta4xĩ24 ka4a4 tã3 nĩ3 ko14o3 nĩ1bi4 ko14o3 xi4ka3 tã3
mĩ4ĩ4 i4yo2 ki3ti4 ba'14a4 ba42 tã3, tã3 i3kã4 kwã'1ã1nã1 nã1 kwã'1ã1 ndi'3i3 xa'1a4 ku4u4nã3, tã3 nã1 kã4 nĩ14ndi'3i3 xa'1a4 nã1 kã4 ndi4
yu3ba4 yo4o4 ta1 kã4 ku4u4 ta1 chi13nde3e4ra2nã1 a1chi1 ndi4 nã1 ba'1a3 jo13ndo3 nã1 kã4 nã1, ko14o3 ji4nĩ2 yo3o3 nã1 ku4u4nã2 ndi4 nã1 ba'1a3 jo13ndo3nã3.
I3kã4 mĩ4ĩ4 kwã'1ã1 nĩ1ndi'3i3 ya1a4 tã3 nĩ1ke3ta3nã2, ñã1ã4 jo13nde3e3nã2 nde4e4nã2 nda4tu3nã2 ko14o3 yu3ba4nã2 nĩ4xa1a1
nda13ndi3ko4nã2 ki13xa2a2nã1 ndi4 ja1 ñũ3ũ42 kwe4nda2 ñũ3ũ42 ki13xa2a2nã1
nĩ1ki3xa2a2nã1 ndi4 i3kã4 nĩ1.., nda13ku3nã4nã2 ye'14e4 tã3 i3kã4 nĩ1...,
nda13ndu3ku4nã2 mĩ4ĩ4 ndi4chi2 ki1si3 i3kã4 nĩ1xi3xi3nã2 nda3yu4 ja13xi4nã2 ñã'1ã3 nda143 ta1kwi42 nda3yu4 ndo13ko3o4nã3.
Nda13kũ'1ũ3 i3nĩ2 nã1 kã4 ba4a24 ba4a24 nda13ye'3e2 ya1 kwe4nda2 ya1 ĩ4ki14tu3 kã4 ndi4 ba4a24 ba4a24 ye'4e1 ko14o3 ñũ'3ũ2 ko14o3 i4yo2 ndi4 ba4a24 ba4a24 ye'4e1 ka4a4 tã3
nda13kũ'1ũ3 i3nĩ2 nã1 kã4 ndi4 nã1 ñã1ã4 nde4e4 ki4xĩ1 i3kã4 nĩ1ka3chi2ra1 ndi4, bi3tĩ3 ndi4 nã1 kwã'1ã1 ku3u2 ku4u4nã2 tã3 nĩ14jã'1ã1nã1 bi3tĩ3 ndi4
kwã'4ã2 nda1kõ4nã2 yu'3u4 ti1su'4u4, ba'1a3 ti1su'4u4 nã4 ka1tĩ3ĩ3ri4nã2 ka3xi4ri4nã2 nã4 ndi'3i3 xa'1a4nã2 ka4chỹã24 kã4
ndi13kwi3so3 tu3ku3 se'1e3ra2, ndi13kwi3so3ra2 se'1e3ra2 kwã'1ã1 nã1 kã4 yu'3u4 ti1su'4u4, i3kã4 ndi4
nĩ1xa1a1nã1 i3kã4 ndi4 ba143 nĩ4xa1a1nã1 kã4 tã3 nã1 ku3u2 ku4u4 nã1 kã4 ndi4
tã42 nĩ1ndo'3o3nã2 mĩ4ĩ4 jã'1ã1nã1 kã4 ndi4 nã1 [...] sa3kã4 tu3 mĩ4ĩ4 ba42 ta1xi4nã2 kwã'1ã1nã1 kã4 ndi4 nã1 kwã'1ã1 ndi'3i3 xa'1a4 ku4u4nã2 ka3xi4 ti1su'4u4nã2 [...] ti4 ka3xi4 ku4u4ri4
nĩ14ja3xi4 ti4 kã4 tã3 ndi4 nda4a2 bi4 i4yo2, i4yo2 *pan** i3kã4 xi13ko4 ti4 kã4 yu3chi4 tã3
chi13nde3e3 po3ndo42rya42 mĩ4ĩ4 ba42 nũ14ũ3 tu3tu2 mĩ4ĩ4 ba42 nĩ1xa1a1ri4 jỹã'4ã2 tã3 nã1 kã4 ndi4 nã1 nĩ1i3xe2 mã1nĩ4 xi13xi3 yu3chi4 *pan** ku4u4 nã1 kã4 nĩ1xi3xi3nã2,
i3kã4 nĩ1ndi'1i3 i3nĩ2nã1 nde4e4nã2 i3kã4 nda13ndi3ko4nã2 kwã'1ã1nã1, nĩ1xa1a1nã1 ndi4 a1su3 nda3yu4 i4yo2 tu3ku3 ba3 xi4xi3nã2 i4yo2nĩ42 ndu3xi4 ja1nã1 ñã4 ko4ndo3 si'3i4 nda'4bi2nã1 kã4
tã3 ku4nỹã24 nã1 ndi'3i3 xa'1a4 ku4u4nã2, nĩ14..., mĩ4ĩ4 jã'1ã1nã1 kã4 ndi4 nĩ14ja3xi4 ki3ti4 xa'1a4nã2 ndi4 nã1 i13xe2 mã1nĩ4 ku4u4nã2, i3kã4 nĩ1ke3e3nã2 jã'1ã1nã1
i3kã4 nĩ1xa1a1nã1, bi3tĩ3 ndi4 mĩ4ĩ4 ñũ'4ũ4 kwa'1a4 ji1ndi1ki4 i3kã4 kũ'1ũ1 nda1kõ4nã3,
nã4 ndi'3i3 xa'1a4nã2 i3kã4 si4ki'1bi3ri4 ndi3ki4 ka'3a4nã2 nã4 ku3u2nã1 a1chi1 ko14o3 chỹũ3ũ3 a3sa2 nã1 ka1a3 ndi4 se'1e32 i4yo2 tã3
ku14nĩ2 a3sa3 mã1nĩ42 sẽ'1õ4 ka4chỹã24 so'3o3 jĩ'4ĩ4 ta1 nĩ1ndi3kỹã'3ã4 i4ndu'3u4 jỹã'4ã4 tã3 ndi3se3e42 tã3 ku13nde3e4 i3nĩ2ra1 ndi4
ndi13kwi3so3ra2 se'1e3ra2 jã'1ã1 nda1ka3re2 mã'14ñũ3 ji1ndi1ki4 mĩ4ĩ4 ñũ'4ũ4 kwa'1a4ri4 i3kã4
nĩ1xa1a1nã1 i3kã4 tã3 mã4su2 ji1ndi1ki4 kã4 ndi4 nda143 *lechin** kã4 nĩ1ko'3nĩ4nã2 nĩ1xi'3i3nã2 tĩ3 xi1yo3nã2 kã4
i3kã4 nĩ1..., kwã'1ã1 nĩ1ku3ñũ3ũ42 tã3 xa143 nĩ1nda3ndi3ko4nã2 nda13xa2a2nã1 be'3e3 tã3 nã1 ñã1ã4 ndi4 ba143 xi4xi3nã2 ndi4 ñã'1ã3 ba3 xi4xi3 nã1 ñã1ã4
nĩ1xi'1i1 ĩ3ĩ3 tỹũ1ũ4 nĩ1kwa'3a3 *mule** xi13xi3nã3,
ñã1ã4 ndi4 ku3ñũ2 ja13xi4nã2 tã3 ya'3a4 nĩ1ndo1o3 be2 kã4, ya1 kã4 ndo13to3nã2 nĩ1ki4tu3 ndi4 i3kã4ka4chỹã24 jĩ'4ĩ4ra2 ndi4 bi3tĩ3 ndi4
nã1 nĩ14xi'1i1 ku4u4nã2 mĩ4ĩ4 jã'1ã1nã1 ndi4 bi3tĩ3 ndi4 kwã'4ã2 nda1kõ4nã3, mĩ1nĩ32 kũ'1ũ1 tõ3õ4 nã1 ka1a3 nã4, mĩ4ĩ4 i4ta3ka3a3 ta1kwi42 kã4 nã4 tõ3õ4nã2 nã4 ko1yo3nã2 mĩ1nĩ32 kã4 tã3 ku3u2nã1 ka4chỹã24
jĩ'4ĩ4 ta1 i4ndu'3u4 jỹã'4ã4, i3kã4 ndi13kwi3so3ra2 se'1e3ra2 tã3 nĩ14ko3nde3e4 i3nĩ2ra1 tã3ã4ra2 se'1e3ra2 mĩ4ĩ4 i4ta3ka3a3 ta1kwi42 tã3 kw̃ã'1ã1 ko1ywa32 mĩ1nĩ32 ndi4
mĩ4ĩ4 nda1a1 ta1kwi42 i3kã4, i3kã4 nĩ1tã3ã4ra2 se'1e3ra2 yu'3u4 nã3mã2 i3kã4 chi4twa43,
i3kã4 nĩ1 xa2a2 ñã4 ta4u3nĩ2, ñã4 ko4ndo3 ñã4 ta4u3nĩ2 ñũ'3ũ4 nĩ1ki3xẽ2ẽ4
[...] i3kã4 nĩ1nda3xa2a2ra1 ndi4 i3kã4 nĩ14nda3ndi3ko4 ka1nã1 ku1nũ'1ũ4nã2 be'3e3 ndi4 i3kã4 nĩ1ndo1o3 ba3nã3,
nĩ1xẽ1ẽ4 tã3 nĩ1si14ki'1bỹã4 nũ14ũ3 *vestido**ã4
nda13nde1e3 nã1kwa4chi3 ndi4 nda1 u1bi1 nã1kwa4chi3 nda13nde1e3 nũ14ũ3 tyo1tw̃ã4 kwã'1ã1nã1 ndi13kwi3sw̃ã4nã2 kwa1nũ'1ũ4nã2 jỹã'4ã4 ndi4
nda13xẽ2ẽ24 tã3 i3kã4 nĩ1tỹã3ã4 nũ4tyo4o4nã2 ku4u4nã2 nã1 i4ta4 kwa4a4nã3,
i3kã4 ja143 nĩ1nda3xa2a2nã1, i3kã4 ja143 nĩ1..., i3kã4, ndi13kỹã'3ã4 kwẽ'1ẽ4
ndi4, ka4chỹã24 jĩ'4ĩ4nã2 ndi4, se'1e3 yu'1u1 ndo1o3ndo4 nã4 kũ'1ũ1 nda1ka32 is1ta4 ku3xi3 yu3ba4ndo4 ndi4 i4so3ko2 yu3ba4ndo4 ka4chỹã24 so'3o3
kwa4a4 sa4ka2 nã1 ñã1ã4 nĩ1ndo1o3nã3, i3kã4 ndi13kỹã'3ã4 kwẽ'1ẽ4 ja143 nĩ1xẽ1ẽ4 yu'3u4 i1ta3
nda'4ỹw̃ã14 ka4nẽ14,ka4chỹã24 ka4nẽ4 i3su2 ndi4"xi'1nda4 xi'1nda4", ka4chỹã24 so'3o3 ka4nẽ4 i3su2, i3kã4 nĩ1ki3xa2a2 ba3 ti4 ñã1ã4
i3kã4 nĩ1kỹã3ã4 nĩ1xi'14nỹã4 ya3yu3 kwe4nda2 ja'1a4 sỹã'1ã4 ndi4 ñã4 ka13ku3 se'1e3 bã4 kwi14i3 ku3si1i4 i3nĩ2 i3su2 ku3nĩ2ri4ñã4 ndi4 ñã4 ka13ku3 se'1e3 bã4
ndi4 bi3tĩ3 ndi4 ba1xi3 nũ4mĩ24nĩ42 nda1ka32 is1ta4 ku3xỹũ4 ndi4 syo'1o4 ndi4 ka13ku3nã3, u1bi1 bi4 nã1kwa4chi3 sa14ka3ku2 ya1 kã4 ndi4
nũ4tyo4o4 tã13ã42nã1 tã3 i3kã4 ba1xi32 nũ4mĩ24nĩ42 ba1xi32 ka4chỹã24 so'3o3 i3kã4 ndi'13i3 xi13xi3 i3su2 tã3 ndi13kĩ'3ĩ3ri4 kwã'1ã1ri4
i3kã4 nĩ1..., nĩ1ki3xẽ2ẽ4, nda13xẽ2ẽ24 ndi4 ja1 mbo3la3 ja1 mbo3la3 ka1chi4 nũ14ũ3 ndu3ku2
ya1 ko4ndo3 yu'1ba1 ti1ndi'4ba2 kã4 ndi4 sa14ka3ka3nẽ2 nũ14ũ3 ndu3ku2 ndi4 xi1ndu'1ba1 ba3 nda13ndwa3a2 kã4 i13xa3nã3.
Ji14nĩ2 bi4nã2 ndi4 kwa4a4nĩ42nã1 ñũ'4ũ4nã2 nũ4tyo4o4 ndi4 nã1 i4so3ko2 ku4u4nã2 kwa4a4nã2, ka4chỹã24 jĩ'4ĩ4nã2 ndi4, se'1e3 yu'1u1 ã4 ji14nĩ2ndo4 yo3o3 ku4u4 nã1 nĩ1ki3xi3 i13xa3nẽ2 chi1tũ3 jĩ'4ĩ2 i13xa3nĩ42nã1,
sa14ka3ka3nã2 yu'1ba1 ka1a3 sa14ka3ka3nã2 chi13nde3e3nã2 ka1chi4 ka1a3 nũ14ũ3 ndu3ku2 ka1a3
ba'1a3 nã4 nã1 ja1 ba'1a3 ku4u4ndo4 i4yo2 tũ'1ũ3ndo4 kã'1ã1ndo4 jĩ'4ĩ2 tã3 ndo'4o1 ndi4 nã1 i4ta4 ku4u4 ndo'4o1 ka4chỹã24 so'3o3 jĩ'4ĩ4 sỹã'1ã4 ndi13kwi3sw̃ã4nã2, i3kã4,
ji14nĩ2 nã1 kã4 nã1 kwa4a4nĩ42 ku4u4 nã1 ñã1ã4 chi4tu4nã3, i3kã4 ja143 nĩ1ndi3kỹã'3ã4, i3kã4 ndi13ko3 tu3kw̃ã4 tã3,
i3kã4 ndi13kĩ'3ĩ3 tu3kw̃ã4 kwã'1ã1 tu3kw̃ã4, i3kã4 ka4chi2, ndi4 nũ4mĩ24nĩ42 ku3xỹũ4..., ki13xẽ2ẽ4 nda'4ỹw̃ã14 nũ14ũ3 i3su2 ndi4 nã4 xa1a1ri4
ndi4 nda143 u1bi1 ti4 u1bi1 u1nĩ1 nda'1ỹw̃ã4 tã3 ki13xa2a2 ti4 kã4, nũ4mĩ24 ku3xỹũ4 ndi4 nã4 kũ'1ũ1yu1 ndi4 i4so3ko2yu1 ndi4 ko14o3 i4yo2 xo3kwe4nda2 syo'1o4 nĩ1ndo1o3nã2 ñũ'4ũ4nã2 nũ4tyo4o4 ka4chỹã24
i3kã4 nĩ1ke3tẽ4 kwẽ'1ẽ4 nũ4mĩ24 xi13xi3 ti4 kã4 tã3 nĩ1ke3tẽ4 kwẽ'1ẽ4 nda13xẽ2ẽ24 ndi4 a1su3 tã42 ka4a4 ka4a4 ndi4 ba143 kwi4i4 ku3nỹã24 yo3o3 ku4u4 nã1 sa4ka4 ya1 ko4ndo3 xi1ndu'1ba1 kã4 ndi4
i4yo2nỹã42 ko4ndo3 yu'1ba1 ñã1ã4 xi1ka3 ndya'3a2 nũ14ũ3 ndu3ku2
ka4chỹã24 so'3o3 jĩ'4ĩ4 sỹã'1ã4 ndi4,"i4..., se'1e3 yu'1u1 ã4 nã1 ji4nĩ2 ku4u4ndo4 yo3o3 ku4u4 nã1 nĩ1i3xa3 sa3kã4 jĩ'4ĩ4, jĩ'4ĩ2 ndi4 nda3tũ'4ũ4ndo4 jĩ'4ĩ2
ndo'4o1 ndi4 nã1 ko14o3 tũ'1ũ3 ku4u4ndo4 nã1 i4ta4 ku4u4 ndo'4o1 tã3 ke4e2 ku4u4nĩ42 sa3kã4 ka4chỹã24, tã3 ndi4 nã1 ñã1ã4 ndi4 nã1 kwa4a4nĩ42 ku4u4 nã1 ñã1ã4 ñũ'4ũ4nã2 nũ4tyo4o4 chi4tu4nã3.
Sa3kã4 ndi'3i3 jỹã'4ã2 sa3kã4 ndi'3i3 kwa4a2 xi4kẽ4 nda1 kwa'3a2 ndi4 nĩ1ju3tẽ'3ẽ24nã2 ndi4 su14u3 nĩ1bi4 ba1xi3 ndi4 mĩ3ĩ4 ba3nã2 ku4u4nã2 i4xa3nã2 sa4ka3ka3nẽ3.
An4 nã1 ja1 ba'1a3 ku4u4ndo4 se'1e3 yu'1u1, bi3tĩ3 ndi4 jã'4ã1 nda1ka32 is1ta4 ku3xi3 yu3ba4ndo4 tã3 bi3tĩ3 ndi4
su14u3 nĩ1bi4 ba1xi3 bi4 i4xa3 sa3kã4 ndi4 mĩ3ĩ4 ba3ndo4 ku4u4 nã1 i4xa3 sa3kã4, bi3tĩ3 ndi4
kũ'1ũ1 ndu3ku4ndo4 ñã1 yu3ku4 ku3xyo4, bi3tĩ3 ndi4 yo'4o4 tĩ3ĩ2 ku13xi2
yo'4o4 tĩ3ĩ2 ndu3ba4 sa3kã4 ndi4 kũ'1ũ1ndo4 ndu3ku4ndo4 ya1 ku3xyo4 ndi4 nã1 ja1 ba'1a3 ku4u4ndo4 nã1 ja1 ba'1a3 kũ'1ũ1 ku'1u1 ku4u4ndo4 tã3 nde4e4ndo4 sa3kã4 ka4chỹã24 so'3o3 jĩ'4ĩ4nã3.
Ji14nỹã24 nã4 ja1 ba'1a3nã2 ya1 kã4 ndi4 nĩ1tỹã3ã4 ku13xi2 i3kã4 nĩ1tỹã3ã4 ndu3ba4 u1bi1rũ4 nĩ1tỹã3ã4 ta13xỹã4, tỹã3ã4 ndu3ba4 ta13xỹã4 nda'3a4nã3.
Tã3 ya1 ko4ndo3, ya1 ko4ndo3 ya1, ke13e3nã2 kwã'1ã1nã1 ku'1u1 i3kã4 xa143 nĩ1..., xa143 nĩ1kĩ'3ĩ3nã2 kwã'1ã1nã1 tĩ3
xa143 xi1nã'1ñũ1 ti4 sa3a2 xi4to3nã2 ka4nĩ3nã2 ndu3ba4 tã3 xi'4i1ri4 ba1xi3ri4 xa1 nũ3mĩ3ri4
i3kã4 kwã'1ã1nã1 sa3kã4 kwã'1ã1nã1 sa3kã4 ju13tã'3ã2nã1 ku3kũ42 i3kã4 ndi4 ka4chi2 ku3kũ42 jĩ'4ĩ4nã2 ndi4
ko1to1 ka'14nĩ4ndo4 yu'1u1 ndi4 si'3i4ndo4 ndi4 su14u3 ndi3xa3 bi4 ñã1,
ta1a3 bi4 ku4u4 yu3ba4ndo4 ndi4 i3su2 ba3 nda4sẽ4 ko4ndo3 yu3ba4ndo4 so'3o3 kẽ'4ẽ24 tã3, tã3 ki4xa2a2 yu3ba4ndo4 tã3
nã4 ku4nĩ2 ku3nĩ3ndo4 tã3 kũ'1ũ1ndo4 sa3kã4 ndi4 kã'1ã1ndo4 sa3kã4 tã3 sa3kã4 ki3xa2a2 yu3ba4ndo4 nũ14ũ3ndo4 ka4chi2, ka4chi2 ku3kũ42 so'3o3 jĩ'4ĩ4nã3.
Ba'1a3 nã4tu2 kã4 ndi4 kã'1õ4 tã3 ku3nĩ2ndu1 sa1a3 kã'4ã2 si'3i4ndu3, i3kã4 ndi4 ja143 kã'4ã2 ku3kũ42 ndi4
ka'14nĩ4ndo4 yu'1u1 nã4 kẽ'1ẽ1 jĩ'4ĩ4ndo4 ndi4 so'3o3 kẽ'4ẽ24, i3kã4 xa143 ndi13kỹã'3ã4 kwẽ'1ẽ4
i3kã4 ndi13kĩ'3ĩ3nã2 kwã'1ã1nã1 ndi4 nĩ1kã'1ã1 ku3kũ42 ndi4 xi'1nda4 xi'1nda4 ka3chi2ndo4 sa3kã4 nda'1yu1ndo4 kwi3ta3ndo4 sa3kã4 ki3xa2a2 ba3 ti4 ñã1ã4
i3su2 nũ14ũ3ndo4, i3kã4 ki13xa3a4nã2 ki13xa2a2nã1 yu'3u4 i1ta3, i3kã4 xa143 nĩ1..., xa143 nda'4yu1nã1 ndi4ta3nã3, u1bi1 u1nĩ1 nda'1yu1nã1 tã3 nĩ1ki3xa2a2 ti4 ñã1ã4
ji1nã'1ñũ1 ti4ri4 ka13nĩ3nã2 tã3 kwã'1ã1, kwã'1ã1ri4 ñũ'3ũ4 tã3 i3kã4 nĩ1ta3ba4nã2 ku3ñũ2 nĩ1ta3ba4nã2,
i3kã4 nda13ka3ya2nã1 yo3ko2 nda13ka3ya2nã1 ti1mĩ3ĩ4 ba3 nda13ka3ya2nã1 ndi3sa4ku4u4 nũ14ũ3 ti4 xa1tu1 nĩ1tã3ã4nã2 ti1xĩ3 i3su2 kã4 nda13ka'4mã3nã2 mĩ4ĩ4 ta13ba4nã2 ku3ñũ2 kã4 tã3
i3kã4 nĩ1kĩ'3ĩ3nẽ2 mĩ4ĩ4 ba42 ja'13nĩ4nẽ2 kã4 tã3 ka13ndi3chi2nẽ1 su3tũ4 i3kã4 nĩ1ke3e3nã2 kwa1nũ'1ũ4nã3.
Ki13xa2a2nã1 jĩ'4ĩ4 ku3ñũ2 ndi4 ke13ba'1a3nĩ42nã1 jĩ'4ĩ4 ku3ñũ2 ki13xa2a2 sa3a2 ki13xa2a2 jĩ'4ĩ4nã3, i3kã4 ki13xa2a2 ñã4 ta4..., nĩ1ki3xa2a2nã1 nda13kwa'1a3nẽ2 nda'3a4 si'3i4nã2 i3kã4 ka4chi2nã1 ndi4
bi3tĩ3 ndi4 *mamá** ndi4 ja4chi'1ỹõ4 ku3ñũ2 ku3xyo4 ndi4 ke13ba'1a3ndu2 jĩ'4ĩ4 ku3ñũ2, ku3ñũ2 ki13xa2a2 jĩ'4ĩ4ndu3.
Sa14kwa3chỹã4 ku3ñũ2 ja143 ka13ndo3sw̃ẽ42 nũ'3ũ2 ndo4swa142, si4so1nỹã42 ñã1ã4 ndo4swa142 nũ'3ũ2 chi13kẽ24 ya'3a4 nw̃ã14ã3,
i3kã4 nĩ1ya'1a3 tu1nĩ4ĩ2 nda'4yu1ri4, nda'4yu1nĩ42 ti4 ñã1ã4 ndi4 nĩ1ya'1a3ri4 kwã'1ã1ri4
nã1kwa4chi3 ba'1a3 nã4 su14u3 yu3ba4ndo4 nĩ4ja'3nĩ4ndo4 ndi4 ka1a3 nĩ1ya'1a3 ta1 *efe** nda'4yu1ra1 ndi4 yu3ba4ndo4 ja'13nĩ4ndo4 ka4chi2ra1
nã3nã3 be4la2, su14u3 yu3ba4ndu2 nĩ4ja'3nĩ4ndu2 ndi4 i3su2 ba3 ja'13nĩ4ndu2 ka4chi2 nã1kwa4chi3 kã'4ã2nã1, ba'1a3 nã4 su14u3 yu3ba4ndo4 nĩ4ja'3nĩ4ndo4
nda1 ndi4kwe1ta3 xi3ko2 ndi4 i3i4 i3i4 nĩ3 ku4nĩ2yu1 ka4chi2 ñã4 ta4u3nĩ2 kẽ'4ẽ24 i4ndwa'3ã4
i3kã4, ba143 nĩ4ja'3nĩ4 ndu'1u1 yu3ba4ndu2 ndi4 i3su2 ba3 ja'13nĩ4 ndu'1u1 ka4chi2nã1 kã'4ã2nã1 jĩ'4ĩ4 si'3i4nã3.
I3kã4 nĩ1chi3kẽ24 nda3yu4 tã3 nĩ1kỹã'3ã4 kwẽ'1ẽ4 i3kã4 ja143 nĩ1..., nĩ1xẽ1ẽ4 nda'4bi2 kã4
ja143 nĩ1ke3e3 ba3 i3su2 mĩ4ĩ4 ba42 nĩ1ki3xi3ri4 mĩ4ĩ4 ndi4chi2ri4 kã4 tã3 nĩ1ki3xa2a2ri4 mĩ4ĩ4 ndi4chi2ri4, u1bi1 u1nĩ1 nĩ1nda'1ỹw̃ã4 nĩ1ki3xa2a2ri4
tã3 nde4e2 ba42 ku4u4 ndi4 nĩ1ki3xa2a2 tũ4 su3tũ4 tã3 ba143 [...] ki4xi3 tũ4 ndi4 tã3 a1su3 a1su3 ka4nỹũ4 nda'3õ4 ndi4chỹũ24 ka4chỹã24
i3kã4 nĩ1kỹã3ã4 ka13tw̃ã4 nũ14ũ3 i3su2 ja143 nĩ1ke3ta3 ba3 ti1mĩ3ĩ4 tĩ3 yo3ko2 tĩ3 nĩ1ka3nĩ3ri4, nĩ3nã3 ti4 xa1tu1 ba3 nĩ1tã3ã4nã2 ti1xĩ3 *cueru** kã4 ndo13ko3o4nã2 ya3bi2 mĩ4ĩ4 ke3e3 ti4 ñã1ã4
ka13nĩ3ri4 ñã4 ta4u3nĩ2, ndi4ta3nã2 ndi4 kwa4a4nã2 ndi4
nda1 ta'3bi4 la3pa3 nã3nã3 be4la2 nda1 ta'3bi4 la3pa3 be4la2 ka4chi2nã1 so'3o3 xi4ku4tw̃ã24 ndi4 ka4nĩ3 ti4 ñã1ã4 ndi4 ya14tĩ3 nĩ1tw̃ã3ã4 kwẽ'1ẽ4 nĩ1nũ1
i3kã4 nda13xẽ2ẽ24 ka4chỹã24, ndo'4o1 ndi4 su14u3 nã1 ba'1a3 ku4u4 ndo'4o1 ndi4 yu3ba4ndo4 ja'13nĩ4ndo4 ko3to3ndo4 mĩ4ĩ4 kũ'1ũ1ndo4 ndi4 su14u3nã2, i13xa3 ndo'4o1 sa3kã4
bi3tĩ3 ndi4 ku14nde3e3 ka1ndo4 be'3e2 ndi4 ya1 yo'4o4 ndi4 be'3e3 ba'1a3 be'3e3 ya3a3 ku4u4 be'3e3 yu'1u1, ñã1ã4 ko3to3ndo4 mĩ4ĩ4 kũ'1ũ1ndo4
ka4chỹã24 ta13xỹã4nã2 kwã'1ã1nã1, i3kã4 nĩ1ke3e3 nã1 kã4 kwã'1ã1nã1 tã3 i3kã4 ja143 nĩ1...,
ndi4 nĩ14jã'1ã1 nã1 kã4 ndi1kũ1 kũ'1ũ1nã1 ke3e3nã2 kũ'1ũ1nã1 ndi4 i3kã4 nĩ1xa1a1nã1 ndu13ku4nã2 ke13e3nã2 jã'1ã1nã1 xa14ku'1u1 ja'13nda2nã1 i3tũ4 sĩ'1ĩ1 ba3 ja'13nda2nã1 nda1ba32
ja'13nda2nã1 yo'3o4 tũ'13ũ3nã2 i3ta2 ka13ya2nã1 nã'3ã4 ko3nde3e3 ji1nỹã43.
I3kã4 nũ4mĩ24 i13xa3nã2 chi3ñũ3 ndi4 nã1 ba'1a3 ku4u4 mĩ3ĩ4 ba3 nã1 ñã1ã4 ja143 nĩ1..., ka4chi2ra1 jĩ'4ĩ4 ya3nĩ2ra1 ndi4 ya3nĩ2, nã4 kwã'1ã1 yo4o4 tã3
ko1to1 ko14tõ4 ja1tõ4 a1chi1 ndi4 nã4tu2 nĩ1ji3tõ4 ja1tõ4 ndi4 tã42 i4ywa2 ka1a3 ndi4 ja1 kwe4ndõ24 ku4u4 ndi'3i3 be2 nã4tu2 nĩ1ji3tõ4 ja1tõ4 ka4chi2 ta1 ko4ndo3 ta1 che4e13 jĩ'4ĩ4 ya3nĩ2ra1 ta1 ko4ndo3 ta1 ja4 lu3u3
ba'1a3 ya3nĩ2 nã4 ko'1o4, xa143 ndi13kĩ'3ĩ3nã2 yo'3o4 nĩ1nda3tu3u4nẽ2 tã3 ta13xi3nã2 nw̃ã14ã2 i3chi4 tã3 i3ta2 ndi4 yu3kũ2 ja13ta3nẽ2 tã3 i3tũ4 ndi4 jwe13ta3 tũ3ũ3 ndi'3i3rũ4
xa143 ndi13kĩ'3ĩ3nã2, xa4ñũ1nã1 kwã'1ã1nã1 nĩ1kĩ'3ĩ3nã2 *pasu** kwã'1ã1nã1, kwã'1ã1nã1 xa1a1nã1 nda143 lu3u3 tã3 nda3xa2a2nã1 be'3e3 si4so1 tã3 ka4yu3 kwã'1ã1nã1 ndi4 i1yo3lu3 ku4u4 kwã'1ã1nã1
tã3 ndi4, tã3 nã4chu3 ba42 ndi4 ka4chi2 ya3ndyo24 ndi4 ko14twe4 ja1te4 tã3 bi3tĩ3 ndi4nã4 ko3twe4 ja1te4 tã3 nã4chu3 ba42 ndi4 yo3o3 kwa4a2 ba1xi3 ndi4 si4so1nĩ42 tã3, ta4xĩ24 tu3 kwã'1ã1 twe4 tã3,
tã3 bi3tĩ3 ndi4 si4so1nĩ42 ba1xyo4 ka4chi2 ya3nĩ2ra1 ta1 i4xa3 lu3u3, i3kã4
ba'1a3 ya3nĩ2, ñã1ã4 ko3tõ4 ndi4 nĩ1kẽ'1ẽ1 jỹũ'4ũ4 ji13nĩ3 so'1o3 ba2 kã'4õ24, xo14kwĩ1ĩ1ra1 ji13to3ra2 ndi4
i3ta2 ndi4 nda1 ka4yu3 nda13ko3nde3e3 ba'1a3 i3ta2 nda13ko3nde3e3 po3ndwa42 tã42 i4ywa2 i13xa3nã2 jỹã'4ã2 sa3kã4 i13xa3nã2 jỹã'4ã2 i3tũ4 nda1 [...] nda13ko3nde3e3 ba'1a3rũ4
bi3tĩ3 ndi4 ñã1ã4 ndi3kwi3kõ4rũ4 a1chi1 ndi4 ndi14kwi3ko42rũ4 jỹũ'4ũ4 a1chi1 ndi4 ya1 ki'4bỹũ4 ba42 ñã1ã4, ja1 nĩ1kẽ'1ẽ1 ndi4 ko14tõ4 ja1tõ4 tã3 bi3tĩ3 ndi4 i13xõ4 sa3kã4 ndi4 ñã1ã4 kwe4ndõ24 ku4u4 ndya'3a2 ndi3kwi3kw̃ã43
ja143 nĩ1xi1ka3ra2 ndi13kwi3ko4re2 ndi4 tu3ku3 tã3 tu3ku3 i3chi4 xi1ka3ra2 ndi13kwi3ko4re2 u'14bi1 ndi4kwi3ko4re2 ku4u4ra2 ta1 ba'1a3 tã'3ã2 ta1 ñã1ã4 nũ4mĩ24 nĩ1ki3xa2a2ra1
tã3 ya3nĩ2ra1 ta1 che4e13 kã4 ndi4 nda13sa3 ba'1a3ra2 mĩ4ĩ4 ku3ndi3chi2 be'3e3 tĩ3 ja143 nĩ1ja3ta3nã2 ñũ'3ũ4 ja13ta3nã2 ta1 ñã1ã4 ndi4 ta1 ja4ta3nĩ42 ñũ'3ũ4 ku4u4 ta1 ñã1ã4
ja1 tĩ13ĩ3nã2 be'3e3 tĩ3 i3kã4, ja143 nĩ1xi1nũ3 be'3e3 kã4
i3kã4 nũ4mĩ24 nĩ1tĩ3ĩ3nẽ2 xi1nw̃ã32 tĩ3 i3kã4 ki13xẽ2ẽ4 ta4u3nĩ2 ka4chỹã24 so'3o3 ndi4
se'1e3 yu'1u1 nda'4bi2 ka1 bi4ndo4 su14u3 be'3e3 ba'1a3 ku4u4 be'3e3ndo4 ndi4 yu'1u1 ndi4 be'3e3 ba'1a3 be'3e3 ya3a3 ku4u4 be'3e3 yu'1u1 be'3e3 ba'1a3, ndo'4o1 ndi4 be'3e3 ti1mĩ3ĩ4 ti1nda1ka1 ku4u4 be'3e3ndo4
ka4chỹã24 ta4u3nĩ2, ñã4 ta4u3nĩ2 si'3i4nã3, ndi4 su14u3 si'3i4 bi4nã2 bã4 ndi4 ñã4 kã4 ndi4 ñã4 ñũ'3ũ4 bã4 tã3, tã3 ndi13kwi3sw̃ã4nã2 ko4ndo3 sỹã'1ã4
i3kã4, ba'1a3 nã3nã3 be4la2 nã4tu2 sa3kã4 ndi4 nã4tu2 xa14a1 i3nỹũ24 ji4nỹũ24 ndu'1u1 su14u3 be'3e3 ba'1a3 ku4u4 be'3e3ndu2 ndi4 ya1 ka1a3 ndi4
ya1 kwa3ku3 i3nỹũ24 nũ14ũ3 ba42 ka1a3 nã4 ki3xõ2õ4 ka4chi2, ka4chi2nã1 so'3o3 jĩ'4ĩ4 si'3i4nã3.
I3kã4 ndi13kỹã'3ã4 ta4u3nĩ2 kwa1nw̃ã'1ã4 nĩ1ki3xẽ2ẽ4 tã3 ka3ndwa'4ã4 ku1sw̃ã4 tã3
sa14nda3ka3ka3nã2 bi1ko4 tã3 sa14kũ3ũ3nã2 sa1bi4 tã3
i3kã4 tã3 nda13chi4 ba3, nda13ka3ka3 ta1chi4 tã3 nda13chi4 be'3e3 ya3a3 ndi4 kwã'1ã1 be2 kã4 nda13tỹã1ã32 nũ14ũ3 i3tũ4
kwẽ'1ẽ1 kã4, xa143 nĩ1nda3a3 nã1 ñã1ã4 nĩ1tĩ3ĩ3nã2 is1to3 ti1xĩ3 be'3e3 ñã1ã4 ndi4 nĩ14ki1xĩ1 nã1 ñã1ã4 ñũ'3ũ4 ndi4 nĩ1nũ3 nĩ1tĩ3ĩ3nã2 ya1 ko4ndo3 is1to3 ku1sũ1nã1
ja143 nĩ1ki3xẽ2ẽ4 ka4chỹã24 ndi4 se'1e3 yu'1u1, sa4kwa'1a3lu3ndo4 nda14yu3 nã4 ku1sũ1lu2 be'3e3ndo4 ndi4
yu'1u1 ndi4 nda13chi4 ba3 be'3e3 ba'1a3 be'3e3 ya3a3 yu'1u1 ndi4 kwã'1ã1 be2 kã4 jĩ'4ĩ4 ta1chi4 ndi4 kũ13ũ3nĩ42 sa1bi4, sa1bi4nĩ42 ra4 tã3
kwã'1ã1 ndi'3i3 ba3 tyo1to1yu1 kwã'1ã1 ndi'3i3 ba3 be'3e3 kã4 jĩ'4ĩ4 ta1chi4 tã3 ya1 kã4 ndi4 sa4kwã'1õ4 nda14yu3
ba'1a3 nã3nã3 be4la2 ku1sũ1 bõ4 be'3e3 ba42 ki13xõ2õ4 ka4chi2 ta1 che4e13
i3kã4 nde4e4nã2 ki4xĩ1nã1 i3kã4 nda13ka3ndwa'4ã4 ta4u3nĩ2 ki4xỹã14 i3kã4 ndi4
ya3nĩ2 ku3nĩ3 sõ'1õ4 ndi4 ki4xĩ1nĩ42 ba3 yo'4o1 rã4, yu'1u1 ndi4 ba143 kwi4i4 ku1sũ1yu1 ndi4, ka4chi2 ya3nĩ2ra1 i4xa3 lu3u3 ndi4, ya3nĩ2
ka4chi2 ka'3a4 ñã4 ta4u3nĩ2 ka1a3 ndi4"ku1sũ1 ko1ro1 ka3xi42 yo'4o1", ka4chi2 [...] ji14ndyo24 nde4e2 ba42 ndi4 sa3kã4 kẽ'4ẽ24, kẽ'4ẽ24 ta4u3nĩ2 kã4 tã3 ku3nĩ3 so'1o3 bã'1õ4
i3kã4 ji13nĩ3 so'1o3nã2 ndi4, i3kã4, ja143 ki4xĩ1lw̃ã4 ta4u3nĩ2 kã4 tã3 kã'4ã2 kẽ'3ẽ4 ndi4"ku1sũ1 ko1ro1 ka3xi42 yo'4o1", ka4chi2 kẽ'3ẽ4 so'3o3
i3kã4 kwe4e2 kwe4e2 nũ13ũ3nã2 ndi4 i4yo2 *escalera** mĩ4ĩ4 ba42 nda13a3nã2 tã3 nĩ1nũ3ũ3nã3, i3kã4 nda13ka'3mĩ3nã2 ñũ'3ũ2 nda13ka'3mĩ3nã2 i3kã4 nĩ1chi3ka2nã1 *machiti** nũ'3ũ2 tĩ3
ja143, i3kã4 tã3 ya1 ñũ'3ũ2 kwa'4a1 ñã1ã4 tã3 nĩ1chi3ka2nã1 kẽ'3ẽ4 ta4u3nĩ2 tã3 nĩ1ka3ba4nã2 ndi4
su3 nũ'1ũ3 ba3 i4yo2 kẽ'3ẽ4, i4yo2 ka'3a4 ñã4 ta4u3nĩ2 ya1 kã4 ba3 kã'4ã2nĩ42 tã3 nĩ1nda'1ỹw̃ã4 ta4u3nĩ2 nĩ1ke3tẽ4 kwẽ'1ẽ4 ndi4 ke13ta3 bẽ4 ke'3e2 kwẽ'1ẽ4 tã3 nĩ1ke3e3nã2 kwã'1ã1nã1
ñã1ã4 nĩ1ndo3ko3o4nã2 be'3e3 ya1 ko4ndo3 be'3e3 ti1mĩ3ĩ4 ti1nda1ka1 kã4 nĩ1ke3e3nã2 kwã'1ã1nã1 ndi4 nã1 ja1 nĩ1ke3e3 kwã'1ã1 ku4u4 ba3nã2 ya1 kã4 nĩ1ku3u3nã3.
Tã3 *machiti** ndi4 ya1 kwã'1ã1 ba42 jĩ'4ĩ4nã3, i3kã4 kwã'1ã1nã1 sa3kã4 xo13ko'4nĩ3nã2 mã'14ñũ3 ku'1u1 xu13xa3 nĩ1ke3e3nã2 kwã'1ã1nã1 ndo13ko3o4nã2 ñã4 ta4u3nĩ2 kã4
tã3 kwã'1ã1nã1 kwã'1ã1nã1 sa3kã4 tĩ3 nĩ1xa1a1nã1 i3kã4 ka4ndu'3u4 ĩ3ĩ3 ko1o4 ndi4 che4e13lu3 ko1o4 ka4ndu'3u4 ndi4 la3tũ4lu3 ĩ3ĩ3 ta'4bi4 ndu3chi4 nũ14ũ3ri4 ndi4
ye'4e1 nda4xa2 bi4 ñã1 ku4..., ñã1 kã4 ba3 ko4ndo3 ñũ'3ũ2 nda4..., ba4a24 ba4a24 ye'4e1 [...] kwe4nda2 ndu3bi4
tã3 ñã1 kã4 ba42, tã3 ñũ3ũ42 ndi4 nã3ã4 tu3 ñũ3ũ42 tu3 ba4a24 ba4a24 ye'4e1 tu3 nã3ã4 tu3
tã3 ĩ3ĩ3 ta'4bi4 ndu3chi4 nũ14ũ3ri4 ndi4 la3tũ4lu3 kwi4i24 i4ta4 ya1 ko4ndo3 ñũ'3ũ2 kwe4nda2 ndu3chi4 nũ14ũ3ri4 ya1 kwe4nda2 yo1o4
tã3 ya3nĩ2 tã3 sa1a3 a3se4 ka'3ndyo4 ti4 ka1a3 tĩ3 ndi4 che4e13nĩ42ri4 tã3 ti4 ka1a3 ndi4 mã'14ñũ3 i3chi4 ka4ndu'3u4ri4 tã3 ba143 kwi4i4, nỹã32 ka'3ndyo4ri4 kwi14i3
ya1 kã4 nda4tũ'4ũ4nã2 tã3 i3kã4 ya'1a3 tu1nĩ4ĩ2 nda'4yu1ri4, i3kã4 ka4chi2 tu1nĩ4ĩ2 ndi4
kã'4ã2ri4 jĩ'4ĩ4nã2 nda'4yu1ri4 kwã'1ã1ri4, ya3nĩ2 tã3 nde4e2 ka4chi2 ti4 ka1a3, ya3nĩ2 ka4chi2 ti4 ka1a3 ndi4 nã4 nda3ka'3mbyo4 ñũ'3ũ2 chi1
nã4 nda3ka'3mbyo4 ñũ'3ũ2 tã3 ndu3kwe4 yu1u4 tã3 ndu3kwe4 i3tũ4 nda3te4 yu'3u4rũ4 tã3 i3kã4 chi3ke24 ya1 ko4ndo3
yu1u4 yu'3u4 i3tũ4 tã3 ka3xa'4ndyo4 i3tũ4 ka1a3 nũ14ũ3 [...]
i3kã4 twe3e4 yu'3u4 ti4 ka1a3 nã4 ku3u2ri4 chi2 ka4chi2 tu1nĩ4ĩ2 nda'4yu1ri4, ã4 sa3kã4 ba3 kã'4ã2ri4 ba'1a3 nã4tu2 sa3kã4 ndi4
ya1, ya1 kwa4a2 a3se4 ndi4 a3sa3 be4ya3, i3kã4 ja143 nda13ka'3mĩ3nã2 ñũ'3ũ2 nda13ka3ya2nã1 yu1u4 ba4li4 tã13ã4nã2 nũ14ũ3 ñũ'3ũ2 kã4 xi4xya1 nda143 mĩ3ĩ4 ñũ'3ũ2 kwa'4a1 ti4 ba43
ja143 ndu13ku4nã2 i3tũ4 ka4nĩ24 tã3 tã4ã24nã2 yu1..., o4ra2 kwã'1ã1 i3tũ4 kã4 nda4ndi1ka1ri4 yu'3u4ri4 tã3 tã4ã24nã2 yu1u4
tã3 nĩ3 ba143 kwi4i4 ku3nĩ2nã1 ku3u2ri4 tu3ku3 tã3 tu3ku3 yu1u4 kwã'1ã1 ndi4 a1su3 nda4ndi1ka1..., ki1bi4 ndu13ko'4o4 ywa'3a42 ndi4 kwã'1ã1 tã3 kwã'1ã1 yu1u4 sa3kã4, i3kã4 ka4chi2,
i3kã4 ndi4, tã3 sa1a3 kwe3e4 ku3ndyo4 tã42 ndi4 ba143 kwi4i4 ndu3mã1nĩ1ri4 tã3 ku3ndyo24 nde4e2 kwa4a2 ya1 kã4 ndi4 ti4 ji4to'3nĩ3 sa3kã4 ku4u4 ba3ri4 ya3nĩ2 tã3 ndi4, tã3 sa1a3 ko3o3
i3kã4 bi3tĩ3 ya3nĩ2, a4su3 ka4chi2 ya3ndyo24 ta1 tu1nĩ4ĩ2 kã'4ã2ra1 ndi4 nã4tu2 nde4e2 ba42 nĩ1nda3ka'3mbyo4 ñũ'3ũ2 tã3 xa'13mbyo4 yu1u4 tã3 nĩ1te3e4 yu'3u4 ti4 ko1o4 ka1a3 tã3
nã4 ya3..., nda3ka3nde4 ya3ndyo24 ta1 ndi3ki4ñũ3 ta1 kã4 ku4u4 ta1 ko3to3ra2 yo3o3 ku4u4, yo3o3 kwa4a2 ta4ku1 tã3 yo3o3 kwa4a2 nĩ1xi'1i1
ã4 sa3kã4 kã'4ã2 ta1 nĩ1ya'1a3 mĩ3tỹũ'4ũ4, ta1 ko4ndo3 *jefe** ya'1a3 mĩ3tỹũ'4ũ4 ya1 kã4 ba42ndi4 ta1 ko4ndo3 ndi3ki4ñũ3 ku4u4 ta1 ke'1e4 ka3nde4 tĩ3
tã3 sa1a3 ka3chyo24 ka3nde4 ta1 kã4, yu'1u1 ndi4 nã4tu2 kã4 tã3 nda'1yu1yu1 ka3nã2ra1 ta1 i4yo2 jyo'4o4 ka1a3 ti4 ba3 ku4u4 ta1 kã4
ya3ndyo24 ta1 ndi3ki4ñũ3, i3kã4, yo'4o4 ki3xỹũ4 tã3 ku3nĩ2ndu1 ã4, ã4 ta4ku1 ã4 nĩ1xi'1i1 ndi4 ba143 kwi4i4 ku3nĩ2ndu1 yo3o3 ba42 ta4ku1 yo3o3 ba42 nĩ1xi'1i1 ndi4
a1su3 ya1 ye'4e1 sa3kã4 kwa4a2 tã3 ba143 kwi4i4 ku3nĩ2ndu1 ka4chi2 ta1 i4xa3 lu3u3 so'3o3
i3kã4 ka4chi2, ka4chi2 ya3nĩ2ra1 ta1 i4xa3 lu3u3 ndi4 ya3nĩ2, ñã1 la3tũ4nĩ42 ye'4e1 i4ta4 ka1a3 ndi4
yo3o3 ku4u4 ta1 ku3ka3mã2 ndi3kỹã'3ã2 ndi4 ta1 nĩ1ku3ka3mã2 ndi3kỹã'3ã2 ndi4 ya1 ka1a3 ndi4, ya1 ka1a3 ndi4 ya1 ka1a3 ba42 ko3nda2a2 ya'4bi3 ba42 ka1a3, ko14o3 ku3xa3 tã3 ko14o3 i3kã4 ndi4
ku3xe4 tã3 ndu3i4ta4 yo4o4 tã3, ku3xe4 tã3 ndu3i4te4 sa3kã4 ba3 ka4a4 jỹã'4ã2 ya1 ko4ndo3 ya1 ye'4e1 i4ta4nĩ42 ka1a3
tã3 [...] ya1 ye'4e1 ta4xa2nĩ42 nda4ye'3e2nĩ42 ka1a3 ndi4 nã4 ndi13kye'3e42 ka1a3 ndi4 ya1 ka1a3 ndi4 ku3xa3 yo4o4 jỹã'4ã2 ndi4 ko14o3 ĩ3ĩ3 ki1bi4 ba42 nda3ndo3o3 i4ta4 yo4o4 ndi4 nã1 ku3xa3 sa3kã4 ku4u4 be4
nĩ3 ko14o3 nã1 si'4i2 ku3nĩ2 bi4 ndwe14e4 jỹã'4ã2 ndi4 ĩ3ĩ3 sa3kã4 ta1 ko3ndwe4 jỹã'4ã2 ka1a3, ndi4 yu'1u1 ndi4 nã4 ki3xa2a2 ya3ndyo24 ta1 ndi3ki'4ndi4
kẽ'1ẽ1 jĩ'4ĩ4ra2 tã3 nã4tu2 nĩ1jã'1ã1 ta1 kã4 nĩ1ke3ta3ra2, nĩ1ki'1bi3ra2 yu'3u4 tã3 nĩ1ke3ta3ra2 ka'3a4, ka'3a4 nĩ1ki'1bi3ra2 tã3, tã3 nĩ1ke3ta3ra2 yu'3u4
tã3, tã3 chi3nde3e3ra2 ti1ku4xi4 tã3 ku3nĩ2 nã4tu2 yo3o3 ku4u4 ta4ku1 ndi4 a1chi1 ndi4, ndi4 nã4 ki3xa2a2ra1 sa3kã4 ndi4 kẽ'1ẽ1 jĩ'4ĩ4ra3, ja143 kã'4ã2nã1 jĩ'4ĩ4 ta1 ñã1ã4 nĩ1ki3xa2a2 ba3 ta1 ñã1ã4
ja143nĩ1ki'1bi3 ta1 ñã1ã4, nĩ1ki'1bi3ra2 yu'3u4 nĩ1ke3ta3ra2 ka'3a4, ka'3a4 nĩ1ki'1bi3ra2 nĩ1ke3ta3ra2,"ya3ndyo24 ta1 ndi3ki4ñũ3 bi3tĩ3 ndi4 ti1ku4xi4 tã3 chi3ndyo3õ4ri4 yu'3u4 tã3 ku3nĩ2 nã4tu2 ndi3xa3
ja143 nĩ1ju3ndu'4u4 ti4 ñã1ã4 ta13ta4ri4 nĩ1ko'3nĩ3ri4 ti1ku4xi4, ti4 nĩ1xi'1i1 ba3 ku4u4 ti4 ñã1ã4 tã3 ba143 tu4u4 nã4 nĩ1xi'1i1ri4
ku13ka3mã2 ba3 ta1 ja4 lu3u3 nĩ1ke3ta3ra2 ndi13kĩ'3ĩ3ra2 ya1 ko4ndo3 la3tũ4nĩ42 ye'4e1 i4ta4 ñã1ã4, ya1 ko4ndo3 yo1o4 ñã1ã4, ndi13kĩ'3ĩ3 ba3 ta1 ko4ndo3 ta1 che4e13,
ya1 ko4ndo3, ya1 ko4ndo3 ñũ'3ũ2 ñã1ã4 nĩ1ta3ba4nẽ3, ndu3chi4 nũ14ũ3 ti4 ñã1ã4 ndi13kĩ'3ĩ3nã2 kwã'1ã1nã1
i1xa43 ndi13kĩ'3ĩ3nẽ2 tĩ3, ndi13kĩ'3ĩ3re2 kwã'1ã1ra1 ndi4 ya1 kã4 ndi4 ya1 ye'4e1nĩ42 ku4u4 be2 kã4
a1chi1 nã1 kã4 ba3 ku4u4nã2, nã1 yu4bi24 ku4u4 nã1 kã4 ki1bi4 ju13nã'3ã2nã1 tã3 nĩ1ndo1o3nã2 tã3 kwã'1ã1nã1 ndi13kwi3so3nẽ2 kã4 tã3, tã3 ke13e3nã2 kwã'1ã1nã1
nĩ1ndi3kwi3so3nẽ2 kã4 tã3 ndi13kĩ'3ĩ3nã2 i3chi4 kwã'1ã1nã1 tĩ3 kwã'1ã1nã1 nĩ1ku3kwa'1a4 kwã'1ã1nã1 tã3 ka4chi2 ba3 ta1 i4xa3 lu3u3 ñã1ã4 ndi4, ya3nĩ2 ndi4,
tã3 nda4a2 ba42 ka3nã3 ta1kwi42 kwe'3e4 ya3nĩ2 ndi4 i4chi1yu1 ta1kwi42 tã3 nĩ1ku3kwa'1a4 ba1xyo4 tã3 yu'1u1 ndi4 i4chi1nĩ42 ta1kwi42, ndi4 ko14nde3e4 i3nĩ2yu1 sa3kã4
nã4tu2 xa'4a13 i3nỹũ24 nda3nã3mã3 yo4o4 tã3 sa3kã4 ndi4 kã4, ndi3kỹã'3ã2 ñã1ã4 tã3 ndi3kỹã'3ã42 yo'4o4 tã3 sa3kã4 ndi4, sa3kã4 ta3xi2 ta1kwi42 kõ'3õ4
ba1..., ba'1a3 ba3, kwa14a2 ji4nĩ2 ka3chi2 ndi4 ya1 i4chi1 ta1kwi42 ba42 kã4 ji14nĩ2 a3sa2 ka3nã3 ta1kwi42 ba42 ka4chi2ra1 so'3o3
i3kã4 nĩ1..., i3tũ4 nĩ1nda3ta4nã2 yu'3u4 nĩ1ka3nĩ3ra2 nũ14ũ3 ñũ'3ũ4 kã4 tã3
nũ14ũ3 ñũ'3ũ4 mĩ4ĩ4 i14nĩ3 te'4e4 ñã1ã4 ndi4 ñã1ã4 ka13nĩ3ra2 i3tũ4 tã3 ja143 nĩ1..., ñã1ã4 nda13nde3e3 ta1kwi42 tã3 ñã1ã4 nĩ1xi'3i3 ta1 ko4ndo3 ta1 i4xa3 lu3u3 kã4
ta1kwi42 tĩ3 ja143 nĩ1xi'3i3ra2ra4, i3kã4 nĩ1xa'1a3 i3nĩ2ra1 ndi4 nda13nã1mẽ32 kã4 kwẽ'1ẽ1
ndi13kĩ'3ĩ3 ta1 che4e13 kã4 ya1 ko4ndo3 ya1 yo1o4 kã4 ndi13kĩ'3ĩ3ra2 kwe4nda2 ñũ'3ũ2 ja143 kwã'1ã1nã1, i3kã4 kwã'1ã1nã1 sa3kã4 nĩ1xa1a1nã1
nda13a3nã2 kwã'1ã1nã1 nĩ1nũ3 ko4ndo3 *gloria** ndi4, ka4chi2 yo4o4 ndi4 ja1 ndyo4si2 ku4u4 nã1 kã4 tã3 su14u3 ndyo4si2 ku4u4 nã1 kã4, nã1 kã4 ndi4
nã1 ndi3kũ2 ku4u4 nã1 kã4 ki1bi4 jo13ndwa2 ndi4 nã1 yu4bi24 tã42 yo4o4 ka1a3 ku4u4 nã1 kã4 tã3 nĩ1ndo1o3nã2 ku4u4nã2 ndyo4si2 ka4chi2 yo4o4
tã3 nã1 kã4 ku4u4nã2 ko4ndo3 nã1 ye'4e1 ndwe14e4 xi4ka3 tĩ3 ndi4 nã1 kã4 ku4u4 nã1 nda4ye'3e2 ki1bi4 ju13nã'3ã2 nã1 kã4 kwã'1ã1nã1 nda13a3nã2 *gloria**
tã3 nĩ1xa1a1nã1 kã4 ja3chỹũ4ũ4nã2 nĩ1ka3nẽ2 ko4ndo3 ñũ'1ũ3, ñũ'1ũ3 ndi4 bi1xĩ1nĩ42 nda4ndi2i4 ñũ'3ũ4 ndi4 bi1xĩ3nĩ42
ya1 ko4ndo3 ndu3bi4 ndi13kỹã'3ã2 ja3chw̃ã4ã2 kwe4nda2 ndu3bi4 tĩ3, ñũ1ũ42 ndi4 o4ra2 ndi13kĩ'3ĩ3 ta1 ko4ndo3 yo1o4 ndi4
bi1xĩ3 ndi4 swa14a2 ko3nde4..., nĩ'3nĩ4 sa4ka2 ya1 kwe4nda2 ñũ3ũ42 tã3 ya1 ndu3bi4 ba42 nĩ'3nĩ4 ndi4 swa14a2 ko3nde3e4 i3nỹũ24 ndi4 nda1 kwa1nũ3ũ3 ta1tĩ4 ndwe14e4
nda4ndi2i4 ñũ'1ũ3 ndi4 bi1xĩ3nĩ42 tã3 ñũ3ũ42 ndi4 ka13nã3 yo1o4 tã3 i3kã4 nĩ'3nĩ4 ndi4 nda1 kwa1nũ3ũ3 ta1tĩ4 nũ14ũ3nã2 nde4e4nã2 ki4xĩ1nã1
tã3 i3kã4 ka4chi2ra1 ndi4 bi3tĩ3 ndi4 ya3nĩ2 ndi4 ba143 ka4nã3 chi3ñũ3 ndi4 yu'1u1 ndi4 ja4chỹũ4ũ2 rã4 yu'1u1 ndi4 ya1 ndu4tã'3ã2 jĩ'4ĩ2 ba42 tã3
ya1 i4chi1yu1 ta1kwi42 tã3 nda13nã1mẽ32 tã3 ndi4 ndi3kỹã'3ã42 yo'4o4 tã3 nã4 ndi3kỹã'3ã2 ñã1ã4 a1chi1 ndi4 ba143 ndu4tã'3õ24 jỹã'4ã2 ndi4 ya1 yo'4o4 ba42 ndu4tã'3õ24 jĩ'4ĩ4
ya1 kã4 ba42 ba1xyo4 tã3 bi3tĩ3 ndi4 nã1 ba1xi3 ja3chi4ñũ3 kwe4e4 yo'4o4 ndi4 nã1mã3 tyem4pu2 ndi4 nã1 ja3chỹũ4ũ4 ku4u4 yo4o4 ko14o3 ĩ3ĩ3 ki1bi4 ba42 nda3ndi3ko4 ka1 yo4o4 ko14o3 ĩ3ĩ3 ki1bi4 ba42 ku3u2 yo4o4 ndi4
yo4o4 ndi4 nã1, yo'4o1 ndi4 ta1 ku3to'3nĩ3 sa1a3 ka'4nw̃ã2 yu14bi4 ku4u4 yo'4o1, sa3kã4 yu'1u1 ndi4 ta1 ku3nỹã2 ya1 i4ta4 ku4u4 yu'1u1 ka4chi2 ta1 ko4ndo3 ta1 i4xa3 lu3u3 so'3o3
i3kã4 nda13nã1mẽ32 kã4 ndi13kĩ'3ĩ3 ta1 ko4ndo3 ta1 che4e13 ya1 ko4ndo3 ñũ'1ũ3 kã4 tã3 ndi13kĩ'3ĩ3 ta1 ja4 lu3u3 ya1 ko4ndo3 yo1o4 kã4
nda1 sa3kã4 ndu13ba'1a3 ya1 yu4bi24 ndi4 o4ra2 ndi13kĩ'3ĩ3 ta1 kã4ya2 ndi4
ndu3bi4 ndi4 nĩ'3nĩ4 tã42 ba'1a3 ndu3bi4 tã3 ñũ3ũ42 ndi4 bi1xĩ3 ya1 kã4 ba42 nĩ1ji3ndwa1a32 nĩ'4ĩ4 yo4o4 ba1xyo4 nda1 a3mã3 ka1 tyem4pu2 tĩ3 ba1xya32 jĩ'4ĩ4 yo4o4
ya1 ko4ndo3 ya1 nĩ'4ĩ4, ta1 chi4ñũ3, ndi4 nã1 kã4 ndi4 nã1 nda'4bi2 ku4u4nã2 ki1bi4 nĩ1ndo1o3nã2 tã3 nĩ1ta1xi4nã3.
Tã3 ya1 kã4 ba42 ndi4 ko4ndo3 *trabajo** nĩ'1ĩ4 nã1 kã4 nĩ1i3xa3 yu3ba4 yo4o4 ta1 ka'4nũ3 ta1 i4yo2 nĩ'4ĩ4 *cuenta** jĩ'4ĩ4 yo4o4, ta1 kã4 ku4u4 ta1 ta13xi3ra2 ta1 kã4 tã3 ba1xi3ra3.
Tã3 ya1 kã4 ba42 nĩ1ndo1o3 nã1 kã4 jĩ'4ĩ4 Jesús mĩ4ĩ4 ba42 ndo1o3nã2 *gloria** ya1 ko4ndo3 ndi3bi4 nĩ1nũ3 a1chi1 ndi4
Jesús ku4u4 ta1 ndo13ko3o4ra2 nã1 kã4 ku4u4nã2 nã1 ba'1a3 tã3 nã1 kã4 ku4u4 nã1 ji13ndo1o3 ja3chỹũ4ũ4
tã3 nã1 kã4 ku4u4 nã1 kã'4ã4 yo4o4 nda1 ki1bi4 ka4a4 bi3tĩ3 xi4ka3 yo4o4 jỹã'4ã2, i4yo2 ya1 ko4ndo3 ndu3bi4 tã3 i4yo2 ya1 ko4ndo3 ñũ3ũ42 a1chi1 ndi4
nã1 kã4 ku4u4 nã1 ta13xi3 nã'3ã2nẽ1 ndi4 sa3kã4 ko3o3 jỹã'4ã2 ya1 ko4ndo3 tu1nĩ4nĩ2nĩ'4ĩ4 yo4o4 ba1xyo4, ya1 kã4 ba42 ba1xi3 ndo3swa43,
tã3 nĩ1ndwa1a32 kã4 ndi4 nĩ3 ĩ3ĩ3 nã1 i4yo2 nĩ1ndo1o3 ñũ'3ũ4 yu14bi4 ndi4 ji14nĩ2nã1 sa1a3 nã3nỹã42 ji14nĩ2nã1 sa1a3 kã'1ã1nã1 jỹã'4ã2,
i3kã4 ka4chi2nã1 ndi4, nã1 yu4bi24 ndi4 nã1 ko4ndo3 ki3ti4 ndi4 ki3ti4 ku4u4 ti4 i4yo2 a1chi1 xa3ku4 nã1 yu4bi24 i4yo2 tã3 ki3ti4 ti4 kã4 ti4 i4yo2 tũ'1ũ3 ku4u4 ti4 kã4 ndi4 yu14bi4 nã3ã4 ba43,
ka4chi2 ndi3ka'3a3 so'3o3 ndi4 ndi3ka'3a3 ko4ndo3 ta1 chi4ñũ3
tã3 bi3tĩ3 ndi4 nĩ1tu1u3 ya1 ko4ndo3 ñũ'1ũ3 ka1a3 tã3 nĩ1twa1a32 ko4ndo3 yo1o4 tã3 ndi4 sa1a3 ba42 ku3nã3nỹã42 ka1a3 bi3tĩ3 ndi4 ndu13ta3ka2ndo4 tã42 i4yo2 ndo'4o1 nĩ1ki3xa2a2 ndi4
ndi4 i3nda14 ya3ndyo24 ta1 Lo3rẽ4su2 ndi4 ko14o3 ta1 kã4 nĩ4ki3xa2a2, ndi4 nã1 kã4 ndi4, sa1a3 ñã1, ko3o3 jỹã'4ã2.
Tã42 i4yo2ndo4 nĩ1ki3xa2a2 nda4kwa'1a32 *cuenta** nũ14ũ3ndo4 bi3tĩ3 ba42 ndi4 sa1a3 ku3nã3nỹã42 nĩ1ki3xa2a2 ka1a3 ya1 ko4ndo3 ñũ'1ũ3 ka1a3 tã3
ñũ'1ũ3 ka4chyo24 jỹã'4ã2 ndi4 ji14ndyo24 sa1a3 nde4e2 ku4u4 ki1bya42 ndi4 ye'4e1 twa2 tã3 ba143 ndi4 ji14ndyo24 sa1a3 nã3nỹã43, ya1 ki1bya42 ku4nĩ2 ku3ndyo4
ye'4e1 twa2 ndwe14e4 tã3 ji14ndyo24 sa1a3 nã3nỹã42 ka4..., ka4chi2 ta1 ko4ndo3 ta1 chi4ñũ3
yo'4o1 ta1 chi4ñũ3 ndi4 kwi14i3 kã'1ã1ndu1 ndi4 ji14nĩ2ndu1 sa1a3 nã3nỹã42 ndi4 ji14nĩ2ndu1 sa1a3, ye'4e1 ba3 nw̃ã14ã2 tã3 ndi4 ji14ndyo24 sa1a3 nã3nỹã43.
Ndi4 ya3ndyo24 ta1 Lo3rẽ4su2 ndi4 ji4nĩ2 ba3 ta1 kã4 ka4chi2, ka4chi2 i3nga2ra1 nda13kwĩ3ĩ3ra3.
An4 ba143 nã4 kũ'1ũ1 chi3ñũ3 tã3 sa3kã4 ndi4 ki3xi3 ta1 Lo3rẽ4su2, i3kã4 ti'13bi4nã2 chi3ñũ3 kwã'1ã1, i3kã4,
kwã'1ã1 *jefe**, ka4chi2nã1 jĩ'4ĩ4, ka4chi2 *jefe** jĩ'4ĩ4 Lo3rẽ4su2 ndi4,"Lo3rẽ4su2 ¿ã4 i4ndu'3ũ4?"."I4ndu'3u4 ba2".
Kũ'1ũ4 be'3e3 chi4ñũ3 ndi4 ka4nã3 ta1 chi4ñũ3 yo'4o1 ndi4 ko14o3 nde4e2 a3sa3 bi4ra2 jỹũ'4ũ4 ndi4 i4yo2 tu1nĩ4nĩ2 i4yo2 jĩ'4ĩ4ra2 tã3, tã3 i3nda14 yo'4o1 ku4u4 ta1 ku4mã1nỹã43.
nda14 yo'4o1 ku4u4 ta1, ya1 kã4 ba42 ndi4, nde4e4nĩ42 ba3ndu2 ndi4
i3nda14 yo'4o1 ku4u4 ta1 sa3kã4 ndi4 ki3xa3a4 ko3o3 *junta** ndi4 *junta** i4yo2 *junta** ka'4nũ3 i4yo2 tã3 ndi4 ta1 kũ'1ũ1 kũ4ũ4 sa3kã4 ndi4 kã4
ku3ndyo24 nã4chu3 ba42, ku3ndyo24 nde4e2 ba42 kã'1ã1ra1 jyo'4o4 ka4chi2ri4 so'3o3
i3kã4, ja143 nĩ1ke3e3, nda13ndi3ko4 *efe** kwã'1ã1ra1 i3kã4 ki13xa2a2ra1 be'3e3 chi4ñũ3
ja143 nda13kwa'1a3ra2 *cuenta** nũ14ũ3 ta1 chi4ñũ3 ndi4, ta1 chi4ñũ3 bi3tĩ3 sa3kã4 ki3xi3 ya3ndyo24 ta1 Lo3rẽ4su2 ndi4 nda13kwĩ3ĩ3 ba3ra2 ndi4 ki3xi3ra3. Ba'1a3 nã4tu2 sa3kã4.
Ni1xa1a1 ba3 ta1 ñã1ã4 ndi4 su14u3 ta1 nĩ4xa1a1 mĩ3ĩ4 ku4u4 ta1 kã4 ndi4 *machu** ba3 yo4so24 ta1 ñã1ã4 nĩ1xa1a1ra1
ka4chi2, ka4chi2ra1 ndi4 nde4e4 sa4ka2nã1 ndi4,"*comisario** nde4e2 ba42 ku4nỹũ24 ndi4 nĩ1ti'3bỹũ4 *efe** xã'1ã1ra1 ka4nã3ra2yu1 tã3
ba1xi32 ndi4 nde4e4nĩ42 ba3ndo4 rã4 kwa'1a4nĩ42ndo4 nde4e4 *junta** i4yo2 i4xa3ndo4 tã3 ndi4 i3nda14 yu'1u1 tu3 ku4mã1nỹã42 tã3 nde4e2 ba42 ku4nĩ2 ku3nĩ2ndo4 ya1 kã4 ndi4, ya1 kã4 ti'13bi4ndo4 chi3ñũ3 tã3 ya1 kã4 ba1xi32 ndi4
nũ4mĩ24nĩ42 ba1xi32 ndi4 *machu** yo4so242, kwi14i3 ki3xi3 xa'1a42 a1chi1 ndi4 *machu** yo4so242 tã3 ndi4 *machu** ndi4 nda4sa3nã3nĩ42ri4 tã3 ba143 xa'4a13ri4 kwe3e2ri4
ya1 kã4 ndi4 nda143 ka4a4 mbo3la3 tya42 kã4 i4ndwa'3a42 ja1ta4 *machu** ndi4, *machu** kã4 ndi4 ya3kwĩ4 ko4ndo3 *machu** yo4swa242 kwẽ'1ẽ1
Lo3rẽ4su2 ndi4 ka'4nũ3 ko3o3 i3nỹũ24 nã4 ka3chi2 jỹũ'4ũ4 ndi4 ya1 kwa4a2 nda4ye'3e2 nũ14ũ3 nĩ1ka3nã3 yo'4o4 ba3 tã3 ya1 yo'4o4 ba42 ku4nĩ2 ku3nĩ2ndu1 sa1a3 nã3nĩ4 ndi4
ji14nĩ2ndu1 sa1a3 nã3nỹã42, ã4 ya1 ka1a3 ba3 ku4nĩ2 ku3nĩ2ndo4 ndi4, ya1 kwa4a2 ji4to'3nĩ3 ndu3bi4 yo'4o4 ndi4
ya1 ji4to'3nĩ3 ñũ3ũ42 ndi4 *luna**, *luna** nã3nỹã42 kã4 tã3 ya1 ji4to'3nĩ3 ndu3bi4 ndi4 *sol** ku3nã3nỹã42 kã4, *sol, sol** ka4chi2ra1 so'3o3
ja143 nda13ba3 *machu** ja1nã1ra1 ndi4 kwã'1ã1nĩ42ri4 ndi4 nde3e4nĩ42 kwã'1ã1 *machu**, ã4 ji13nĩ3 so'1o3ndo4 sa1a3 kã'4ã2ra1
nĩ14kwi3i3 ku3nĩ2ndu1 nde4e2 kã'4ã2ra1 kwã'1ã1nĩ42 ba3 ta1 yo'4o4 sa1a3 a3sõ4 nỹũ'1ũ4 ta1 kã4 ndi4 *machu** yo4so24 ta1 kã4 kwã'1ã1 ba1xi3ra3, ka4chi2nã1
ja143 kwã'1ã1, tã3 bi3tĩ3 ndi4 sa1a3 ko3o3 tã3 ki3xi3ra2 ndi4 ja1 nĩ1ki3xi3ra2 tã3 bi3tĩ3 ndi4, bi3tĩ3 ndi4 *mayó** ti'3bi4ndo4 kũ'1ũ1 nã4 kũ'1ũ1ra1 tã3 ki3xi3ra2 sa3kã4 ndi4, ki3xi3 ba3ra2 sa3kã4, ka4chi2,
i3kã4 nĩ1ti'3bi4nã2 mã3yo42, mã3yo42 ndi4 ti1kũ'4ũ4 ko4ndo3 mã3yo42 ndi4, ja143 kwẽ'1ẽ1 sa3kã4, kwe4e2 sa3kã4 kwe4e2 sa3kã4 kwẽ'1ẽ1 kã4 nĩ1xe1e1
i4ndu'3u4 Lo3rẽ4su2 be'3e3ra3, ka4chi2ra1 ndi4 ¿ã4 i4ndu'3ũ4 ya3nĩ2 Lo3rẽ4su2? I4ndu'3u4 ba2.
*Manu**, ba1xi32 nũ14ũ4 ndi4 xe'1e1 tu2 ka4ta4 sa4ka2 tu3 tã3 ya1 kã4 ba42 nda13kã'3ã42 yo'4o1 ndi4 ĩ'3ĩ3lũ4 xe'1e1yu1 ndi4 nĩ3 mĩ3ĩ42 tã3 ba143 kwi4i4 ĩ'3ĩ2 xe'1e1yu1 ndi4
ya1 kã4 ba42 ndi4 a3sa3lw̃ã42 ba'1a3 ỹũ'3ũ4 xe'1e1yu1, ja143 nĩ1chi3ka2 [...]. Nda1 mã14ã3 ka1lu3 kũ'1ũ1 nda'3õ4 ndi4 mã14ã3 ba42 ka4ta4 ka4chya2 ti1kũ'4ũ4 kã4 so'3o3 jĩ'4ĩ4 Lo3rẽ4su2
I3kã4,"nda1 mã14ã3 mã14ã3 ka1 kũ'1ũ1 nda'3õ4 ya3nĩ2 nda1 mã14ã3 mã14ã3 ka1 [kũ'1ũ1 nda'3õ4] ndi4..."."Ndi4 ta1 *maña** ku4u4 yo'4o1 ya3nĩ2 Rufinũ,nã4chu3 ba42 ndi4
kã'4ã2 tũ4 nda1 mã14ã3 mã14ã3 tu3 tã3, tã3 ko14o3 twa2 i4yo2 xe'1e1 tũ4"."U'4ũ3 ba3 ti1ki4xi2 ndi4kũ2 kã'4ã4 xe'1e1yu1 ndi4 ba143 kwi4i4 kũ'1ũ1 nda'3a42 ki3nde2e2ri4 ndi4 ..."
I3kã4 nda1 mã14ã3 ka1 kũ'1ũ1 nda'3õ4 sa4ka3ka3 nda'3õ4 ki3ndo2õ4ri4, nda1 mã14ã3 ka1 si14ki'1bya32 nde'3e42 tã3 nda13ko'3mã4 ba3ra2 yu'3u4 te'1e4ra2 tã3
ke13ta3ra2 kwã'1ã1ra1 ndi4 [...] nỹã32 kw̃ã'1ã1 ñã1ã4 ba143 kwi4i4 ndi4 nda'4yu1lwa2 ñã1ã4 ti'13nũ3 te'1e4 nde'3e42 tã3 kwẽ'1ẽ1
jỹã'4ã2 ñw̃ã4ã2 sa3kã4 jỹã'4ã2 ñw̃ã4ã2 sa3kã4 ya1a1 sa3kã4 xe1e1, i3kã4 tĩ3 nĩ1xe1e1 nũ14ũ3nã2 mĩ4ĩ4 nde4e4nã3, i3kã4,
ka4chi2, ka4chi2 nã1 nde4e4 *junta** ndi4,"bi3tĩ3 *comisario** ndi4 ja1 i3kã4 ba1xi3 mã3yo42 jĩ'4ĩ4 Lo3rẽ4su2 ndi4 nda'4yu1nĩ42ra1 ba1xi3ra3.
An4 i3kã4 ba1xi3ra3. I3kã4 ba1xi3ra3. Na4 ki3xa2a2ra1, nã4 ki3xa2a2ra1 ndi4 nã1 ñã1ã4 ya'1a3ra2 a1chi1 ndi4 kwi14i3 kwe3e2ra1 ndi4 nda1 ñã1ã4 ya'1a3ra3, ka4chi2ra1
ba'1a3 nã4tu2 sa3kã4, i3kã4 nĩ1ki3xa2a2 mã3yo42,"mã3yo42, ta1 chi4ñũ3, ja1 yo'4o4 ki13xa2a2 Lo3rẽ4su2 jĩ'4ĩ2".
An4 sa3kã4 ba3, yo'4o4 ỹã'1õ4 jĩ'4ĩ4ra2 nã4 ki3xi3ra3, i3kã4 ki13xa2a2ra1, i3kã4 ka4chi2ra1 ndi4
"yo'4o1 Lo3rẽ4su2 ndi4 kw̃ã3ã42, ka'4nũ3 ko3o3 i3nỹũ24 nã4 ka3chi2 jỹũ'4ũ4 ndi4 sa1a3 nã3nỹã42 kwa4a2 ye'4e1 nũ14ũ3 nĩ1ki3xa2a2 yo'4o4 ndi4, ki13xỹũ4 mĩ3tỹũ'4ũ4 nĩ1kã'1õ4 jĩ'4ĩ4ndu2 tã3
nĩ14kwi3i3 ku3nĩ2ndu1 sa1a3 nã3nỹã42 ya1 kwa4a2 yo'4o4 ndi4, nde4e4nĩ42 ba3ndu2 rã4 tã3 ndi4 kwa14a2 ba'1a3ndu2 ĩ4ĩ4ndu2 sa3kã4 ndi4
ya1kã3, yo'4o1 ku4u4 ta1 ji4nĩ2 yo'4o1 ku4u4 ta1 nda4ta'3bi4 sa1a3 ko3o3, yo'4o1 ndi4 ta1 ji3ndo1o3 ja3chỹũ4ũ4 ku4u4 yo'4o1ndi4 ta1 nda3a3 kũ'1ũ1 nĩ1nũ3 ku4u4 yo'4o1 nã4tu2 sa3kã4 ba'1a3 ji1nỹũ4 ka4chi2 ta1 chi4ñũ3 jĩ'4ĩ4ra3.
ya1 kã4 ba42 nĩ1ndo1o3 Lo3rẽ4su2, Lo3rẽ4su2 ndi4 ku3nĩ4jo2 ku4u4 ta1 kã4 ya1 kã4 ba42 ndi4 xa143, ya1kã3,
ã4 ya1 kã4 ku4nĩ2ndo4 *comisario**, a4su3 ka4chi2 jĩ'4ĩ4ndo4 ndi4 *luna, luna sol, sol** ka4chi2 jĩ'4ĩ4ndo4, ¿ã4 ji13nĩ3 so'1o3ndo4?
ba143 nĩ4ji3nĩ3 so'1o3ndu3. *Luna, luna**, *sol, sol**, ya1 ka1a3 ku4u4 ki1bya43.
An3 ba'1a3 ndi4 ji13nĩ3 so'1o3ndu3, i3kã4 ndu13ku3ndu'4u4 *comisario** ndi4 ka'4yu4ra2 ki1bya42 ndi4 sa3kã4, ji13nĩ2ndo4 ndi4 so'3o3 nã3nỹã42 tĩ3,
ya1 ko4ndo3 ya1 nĩ1tu1u3 ka1a3 ndi4 ya1 ye'4e1 ñũ3ũ42 tã3 ya1 ye'4e1 ndu3bi4 ndi4, ya1 ko4ndo3 ndu3bi4 ndi4 so'3o3 nã3nỹã43, ¿ã4 ji13nĩ3 so'1o3ndo4 sa1a3 i4ywa2?
Ji13nĩ3 so'1o3 ba3ndu2 *comisario**, ta1 ka1a3 ku4u4 ta1 ki3xi3 ndo1o3ra2 ja3chỹũ4ũ4ra2 ndi4 ta1 ka1a3 ku4u4 ta1 kũ'1ũ1
ka1a3 ndi4 ta1 ku3..., tyem4pu2 ndi4 ta1 ka1a3 ndi4 ta1 ku3to'3nĩ3 sa1a3 ka'4nw̃ã2 yu14bi4 nũ14ũ3 ku4u4 ta1 ka1a3 ndi4 ya14tĩ3 ku3ndu'4u4 ta1 ka1a3, ndu'1u1 ndi4 kwa14a2 ba'1a3ndu2 ndi4 ko14o3 nã1 yu4bi24 ko3to3 nũ14ũ3ndu3.
Ka4chi2 nã1 kwã'1ã1 *junta** so'3o3. ya1 kã4 ba42 ndi4 ba'1a3 ndi4 ji13nĩ2ndu1 ndi4 sa3kã4 nã3nỹã43, bi3tĩ3 ndi4 ya1 ka1a3 ko3ndo3 ki1bya42 ndo1o3 ka4chi2, ka4chi2 nã1 kwã'1ã1 *junta** jĩ'4ĩ4 *comisario**
ya1 kã4 ba42 nĩ1ndo1o3 ñã1, ñã1 ko4ndo3 ki1bi4 ya1 ko4ndo3 ñũ'1ũ3 ka1a3 ki1bi4 yo1o4 ka1a3 nĩ1ndwa1a32 jyo'4o4 [...] bi3tĩ3 ba1xya32 ndi4
nĩ1ndo1o3 ta1 ku3nĩ4jo2 i4ndu'3u4ra2 nũ14ũ3 yo1o4 ndi4 ta1 ka1a3 ku4u4 ta1 ndu13ku4 ki1bi4 ya1 ko4ndo3 yo1o4, ya1 ka1a3 ba42 ta13xi3 nã'3ã2 ndo3so4nã2 ba1xya3, ka1a3 ndya'13a3.
Martín Severiano Germán.
*Cincuenta y ocho**.
Yoloxóchitl.
All values that are allowed for Transcriber Turn.mode attribute
spontaneous
planned
All values that are allowed for Transcriber Turn.fidelity attribute
high
medium
low
All values that are allowed for Transcriber Section.type attribute
report
nontrans
filler
All values that are allowed for Transcriber Turn.channel attribute
telephone
studio