A:xa:n ixte:chono:no:tsa ke:nih o:namopahta:yah i:ka tla:tlamantli kokolistli ya wehka:w. Ah, kwalitsi:n pos, pos, neneh, ke:n name:chonilwi:s pos, ne:n, keh ko:koneh tle:n chokotsitsi:n wa:n kilwiah mach ma:pachowah. Pos yeh, nineh, pos, neh, tle:n o:n'chi:waya san [ni]ki:tskilia n i:tsontsi:n wa:n n'ti:tila:na para tlakpak. Wa:n tla: yo:n'ti:tila:n, n *apenas** nikwa:tsitsilowa chokotsi:n wa:n nima:chilia mach panki:sa, wa:n ohkó:n ye kwali moka:wa, keh tla: te:mohteh, neh, pe:wa ke:meh kimohsiwia n i:yakatsol yaka..., keh itlah kiyakatsakwa. Ahá. Wa:n tla: ohkó:n yo:n'chi:wilih a:kmo, a:kmo ohkó:n mochi:wa. Ah. ¿Ihkwa:k se: kone:tl ma:pachowa, eh, moyahyakatsakwa? Ahá, keh moyahyakatsakwa iskia a:mo wili mihyo:tia. Mm. Wa:n itkontowa i:n kone:tl itkon..., eh, nika:n itkonti:tila:nilia i:tich n i:..., i:tich n i:a:w itkontila:na, nineh, n i:tsontsi:n. Wa:n oksé: ke:ni:n itkontowa? Ahá, n'tila:na. Nikwa:tsitsilowa chokotsi:n, *apenas** ni'tsitsilowa i:tsontikon chokotsi:n. ¿Ke:ni:n itkontsitsil.... Eh, [it]kontsitsilowa tsoni:k noso ke:ni:n? Tsoni:k pero kwaltsi:n ni'ma:tla:ne i:ka, n kwa:ltsi:n ni'ma:tla:ni nom..., i:ka noma:wa:n. N'tsi:tskí: n i:tsontikontsi:n keh kwaltsi:n n'tsihtsi:tskia wa:n *apenas** tsoni:k ni'tsitsilowa pero san tlahmah. Ahá. Wa:n oksipa n'ti:tila:na n i:tsontsi:n i:tich n i:a:w. Wa:n oksipa, wa:n nimachilia o:panki:s sa: ohkó:n 'ka:wa. ¿Wa:n tla: kwa:xihxi:pitstik i:n ko:koneh, ¿ke:ni:n se:kchi:wa? Mm. A pos no:n a:mo ni'mati, yeh no:n, neneh, *bueno** kihtowah mach, neneh, ah yeh no:n, neneh, sa: k'mana n istaa:tl [ki]poso:niah wa:n i:k kinkwa:chichi:nah. ¿Ke:nih, ke:nih ikchi:wah? N istaa:tl [ki]poso:niah wa:n *cuando** sa: yama:nki tos neh [ki]kamakiah, ne:n, a:tl wa:n, neh, wa:n keh kitila:niliah i:ka, i:ka. Mm. I:ka ninkamak, Ahá. Mm. Tos no:n, ohkó:n ya panki:sa nima:w. Ye panki:sa i:a:w. *Lo que es** neh kachi nik..., kachi niti:tila:nilia, neneh, n i:tsontsi:n. Ahá. Wa:n neh 'mate ohkó:n, ohkó:n, neh, se:kimpahtia n ko:koneh. Wa:n 'mati *cuando** tla:nah mokokowah, pos neh o:nikitak ohkó:n, neh, tla:nah kimahsi toto:nki. Wa:n, neneh, siki xiwitl neh se:k'te:mowa mach neh, a:mati tle:n i:to:ka:. [...] n a:mat[i] tle:no:n k'to:ka:yo:tiah ne:n kilwia *escapulario**. Wa:n se:k'ma:xakwalowa wa:n, neneh, nik..., se:k'ma:xakalowa i:ka neh a:tl wa:n ihkí:n *apenas** se:kinkwah..., se:kinkwa:tla:lilia ich n i:ntsontikontsi:n. Nochi kinka:wa n toto:nki. Wa:n tla: a:mo, se: kin..., se:ka:na *jitomate**. Se:ka:na *jitomate** wa:n se:k'ma:xa:xakwalowa ihkí:n kwaltsi:n ka:kana:wi. Ka:kana:wi n i:kwitlaxo wa:n, neh, keh ma:yo:tia wa:n ya se:ki:xtlapowa wa:n se:ka:na, ne:n, *jitomate** n tlahtik. Se:kihki:xtilia wa:n se:kiyo:li:xtla:lilia nika:n ihkí:n, i:yo:li:xko se:k'pipichowa n tos, neneh, no:n tla:nah kipiah n toto:nki tlahtik. Pos ya panki:sa n toto:nki, ya kinka:wa n toto:nki. Ah. ahá. *Bueno** ya wehka:w ohkó:n, ohkó:n o:nikitaya. ¿Ke:nih ameh n xiwitl tla: i:to:ka: *escapulario**? Ah, siki xiwtsitsi:n, neh, san chokotsitsi:n yo:li i:xko n tla:li san *a pe...**, keh moso:so:wa wa:n i:xo:chio, i:xo:chio ke:meh neh kohkostik. San chokotsitsi:n i:xo:chio wa:n kohkostik. Mm. ¿Wa:n tle:noh i:ka kimpoxpipichowiliah, nine:n, i..., i:n, tomatl noso ye:n, ye:n *jitomate**? A *jitomate** wa:n no: chi:..., ahá n *jitomate** no:n chi:chi:ltik wa:n neh, Ah no:n chi:chi:ltik. Mm. wa:n san yeh n i:kwitlaxotsi:n n *jitomate** wa:n, neh, se:k..., se:kiyo:li:xpipichowilia wa:n tsokotsi:n *aceitito** tlakah nili *aceite** tle:n i:k se:tlakwalchi:wa. Ahá. Se:kiyo:li:xpipichowilia Kihtowah mach pawitsi n toto:nki. Ohkó:n o:k'chi:wayah simi ya wehka:w. Mm. Ya wehka:w ohkó:n o:k'chi:wayah. Pero n a:xa:n, n a:xa:n pos nochi ya, neh, yi tsikwi:nih ich n *farmacia**. Ahá. ¿Tle:noh oksé: kokolistli itkon..., [it]koni:xmati wa:n ke:nih mopahtiah i:ka n ko:koneh? I:ka n ko:koneh. Ahá. Ohkó:n *cuando** kipiah n toto:nki. Wa:n oksipa *cuando** no:iwki me:l..., no:n kilwiah mach me:lpachowah. Me:lpachowah no:n, neh, *cuando** se:kinto:naltlatia wa:n chi:chih, mach me:lpachoawah. Entós no:n no:iwki kimaka siki kimahsi toto:nki wa:n siki, neh, ihtite:meh. No: *igual** san yehwa:tl n tomatl wa:n, ne:n, tomatl, ne:n, no:n chi:chi:ltik wa:n no:n, wa:n no:iwki n *aceitito**. Wa:n kintla:liah. Wa:n tla:nah a:mo mach yeh n ahse:tehxiwitl . Ahse:tehxiwitl no:iwki ohkó:n kin..., ki:xtla:liliah ne:n *aceite** wa:n, neh, wa:n, ne:n, pero no:n k'wi:ka n *i:leche** n kone:tl no:iwki. Wa:n, kilni..., kinyo:li:xtla:liah. Kimpipichowah wa:n tla: yeh no:n 'koko[wa], neh, ya pahti n kone:tl. Ahá ohkó:n. Wa:n, wa:n katki kihtowah mach e ihkwa:k achtoh *como** a:mo o:k'wiah, *este**, e nochi o:k'wiah n i:n..., n i:nkwe:tsitsi:n nochi i:ka n tilmahtli. Kihtowah ke:meh o:..., o:chihchi:le:..., o:chi:chi:le:wayah i:tich k..., i:ni:n..., n i:n..., i:nkwitlapan ko:noneh. ¿Ke:nih o:kimpahta:yah no:n. Ah, no:n, neh, pos a:mati nehwa:tl o:nikit..., no: nikitak wa:n ok o:nik..., ok o:nikwik i:ka nopilwa:n. Neh, kihtowah o:kintla:lila:yah *talco** pero neh a:mo o:nikwik *talco** Neh o:nikwa:tsaya, ne:n, kilwiah chichiksiwa:pahtli. Wa:n oksiki xiwitl a:mo n'mati tle:n i:to:ka:, neh o:nikakia kilwiah pihpixkilpahxiwitl pero nochi no:n a:xa:n a:kmo mi:xmati. a:kmo kikweh. ¿Ke:nih i:to:ka: n xo:chitl? Kilwia mach pihpixkilpahxiwitl. A:mo ni'mati tle:no:n, neh san o:nikakia wa:n nochi yehwa:tl ne:n o:nikwia no:n, o:nikwiah ke:meh *talco**. Niktikia n xiwitl n chichiksiwa:pahtli wa:n tla:mo yeh no:n name:chonilwih pihpixkilpahxiwitl niktiki wa:n nikilpia i:ka se: *hilohtsi:n** nikilpia wa:n, wa:n ni'wa:wa:tsa kwaltsi:n ni'wa:wa:tsa ich n tlikote:ntli. Kwaltsi:n , kwaltsi:n wa:ki, wa:ki. Wa:n *cuando** kwaltsi:n yo:wa:k ya wili se:k'paya:nia. Tos ya ihkin ya mpaya:nia, ya mpaya:nia pero kwaltsi:n nikwe:chowa, nikwe:chowa, nikwe:chowa moka:wah keh *polvo**. Wa:n tos yehwa ya nikintla:lilia. Ah, nikintla:lilia keh, keh is..., iskia *talco**. Mm. Kwaltsi:n moka:wa *polvo** kwe:chtik, kwelts.., kwe:chtik, kwe:chtik, kwaltsi:n, kwaltsi:n kwe:chtik a:kmo tle:noh keh we:yi. Wa:n yehwa:tl no: nikintla:lila:ya. Kina:miki. Mm. ¿Wa:n ihkwa:k o:..., o:..., o:witsia n i:mpa:pa:lo:w n ko:koneh o:tkonkakia ke:nih kimpatiah? Ah no:n yeh san kime:lpanti:tila:nah, kime:lpanti:tila:nah ohkó:n neh, siki san kime:lpanti:tila:nah wa:n siki i:ka, neh, i:ka *vaso** kin..., mach *ventosa** tle:no:n kinchi:wiliah. *Vasohtsi:n** tle:n chohchokotsi:n san tle:n chohchokotsi:n wa:n yehwa:tl no: kin..., i:k kintila:niliah n i:me:lpa:pa:lo:w. Mm. N *ventosa**. I:ka *alcohol**. Ke:nih iktla:liah, ni:ne:n, n *ventosa**. I:ka *alcohol** kihtitla:liliah n *alcohol n vaso** wa:n, neneh, 'xo:tla:ltiah wa:n kitla:lilihtiwitsih. Kitila:na. Ahá: 'tila:na san neh no: ohkó:n no: mila:k [oh]kó:n, [oh]kó:n o:ne:chpahtihkeh. Ahá. ¿Wa:n tle:ka o:witsia n i:me:lpa:pa:lo:w? No:n *porque**, ne:n, n tle:n ya wehweyi:n *porque**, neneh, kahkokweh itlah itik. O:k'me:meh itlah itik. Ahá. Tos me:lpantila:nah mach witsih n i:mpa:pa:lo:w, i:me:lpa:pa:lo:w. Mm. Wa:n tle:n chokotsist:n ko:koneh chokopintsitsi:n pos yeh, ye:n a:mo kinye:kna:palohtiwitsih san kehke:y[a]ne:s[i] kina:palowah. Kimpachowah nika:n i:me:lpan, wa:n tla:nah ompa ich n i:e:lpa:pa:lo:w. Pos kiwitsi:tiliah. O:kika:wah mahkitsti:tlani ihkí:n san ke:yawili *igual** witsi n i:e:lpa:pa:lo:w. No:n ye:n no:n keh a:mo *kiye:kcuida:rohtiwitsih**. Mm. *O** tle:n ya nih..., tle:n ya mowila:na ye yawi. Me:lpantla:le:ti:h i:k i:ti[ch], i:tich itlah, me:lpantla:le:ti:h. Wa:n tla: chika:wak pos k'witsi:tilia n i:e:lpa:pa:lo:w. Ahá. Pos witsi n i:e:lpa:pa:lo:w. Wili:ka ohkó:n k'pahti:skeh ke:lpanti:tila:nah n tla:mo san, wa:n tla:mo i:ka *ventosa**. Mm. Tle:noh oksé: kokolis itkomomachi:tia, den, den ko:koneh tle:n o:k..., o:..., o:kinkokowa:ya ach..., *hasta** achtoh. ¿*Hasta** achtoh? Pos yehwa:tl n ke:meh no:n tle:n name:chonilwia. Yehwa:tl wa:n no:yowki tle:n neh chokotsitsi:n tla:mo o:kye:kna:palohkeh kilwiah mach mokwe:lo..., mokwe:lowa. Wa:n no:n neh tla: yo:mokwe:loh pos yehwa:tl no:n pe:wa sa: cho:katok wa:n ak..., a:kmo wili se:k'tla:lia tsokotsi:n sa: cho:katok, sa: cho:katok wa:n pos no:n, neh, nikmate, nikmate o:nikitaya kimpahtiah ke:meh, ke:meh 'kimilowah kwaltsi:n, kwaltsi:n tili:nki kima:kimilowah . Wa:n keh i:pan, ne:n, keh ne:, keh, keh ohkó:n keh *cama**. Kinte:kah wa:n ompa yo:li:ktsi:n ihkí:n kinkwiptiweh yo:li:k, yo:li:k, yo:li:k wa:n, iwki ke:meh ihkí:n kinkwi..., kimo:li:niah chochokotsitsi:n. Wa:n, neneh, wa:n ohkó:n keh o:pa ye:xpa k'chi:wiliah, wa:n tla: yehwa:tl tos ya, neneh, ya, ya moye:ktla:lia n kone:tl. Ahá. Wa:n tla: kilwiah ohkó:n no: yehwa:tl no:n, tla: kilwiah mach mokwe:lowah n ko:koneh. Wa:n oksipa oksé: kihtowah mach, neh, tle:n ya wehweyitsitsi:n ya wili *apenas** moma:mana, mach, neneh, mach mokoxo:nia n tla: wihwitsi. Ach tla: o:wits mach mokoxo:nia. Wa:n no:n mach, neneh, no: *igual** pe:wa mokokowa n kone:tl, tla: yo:mokoxo:nih Wa:n ompa no:n, no: *igual** kima:titsi:lowah tili:nki. Wa:n pe:wah kinkwe:kwipah ohkó:n ich n *cama*. Wa:n kintihtiwiah wa:n kintsitsilowah. Wa:n ohkó:n o:pa ye:xpa k'chi:wiliah wa:n tla: yehwa:tl tos ya, ya pahti n kone:tl. Ahá. Wa:n siki no: kimpipichowah i:ka n ahse:tehxiwitl. Wa:n tle:n a:mo, san ohkó:n se:k'tsi:tsitsilowa kima:titsi:lowah tili:nki wa:n [ki]kwe:kwepah, wa:[n] k'tihtiwiah wa:[n] k'tsitsilowah, ye pahte. Ahá. Pos keh no:n o:nikakia. *O** tla:mo, neh, tla: [ki]kokowa n i:ihti. Tla: kone:tl *o** ma:s ye:n tehwa:n, hko:n, neh, ne: se:k..., se:kimi:tia, neh, *tecito** de a:to:chiatl *o tecito** de ipa..., ipaso:tl. Mm. Keh no:n, neh, se:kima:ktia keh *tecito**. Kimpanawia. Ahá. ¿Itlah oksé: kokolistli de..., den kone:tl. Tle:ka n i:k se:k'pahti:s, den kone:tl ne:si san yehwa:tl, san yehwa:tl. ¿Wilis itte:chono:no:tas a:xa:n e, tla:tlamantli kokolistli den tle:n ya wehweyi wa:n ke:nih mopahtiah i:ka tle:n, tle:n o:katka tle:n keh xiwtsitsi:n? Pos a:mati tle: ya wehweyi:n pos *igual** tla:nah keh, ma n'kihto keh nehwa:tl tla: ne:chkokowa noihti pos, no:iwki san yehwa:tl keh ipaso:tl, a:to:chiatl 'poso:ní: n tla:mo o:ne:chna:mik, ne:n, a:to:chiatl nikone *mejor** n tla:mo a:mo ne:chna:miki pos, ip..., *mejor** ipaso:tl. Ipaso:tl tla:mo *mejor** mi:rtos, mi:rtos *o** mi:rtos sansika:n neh poso:ni i:wa:n, ne:n, okotl i:xiwyo. Wa:n mi:rtos, wa:n tlachtoko:nyakaktli nikilwia. Yehwa:tl no:n, [nik]poso:nia wa:n nikone wa:n tla: k'niktok pos yo:ne:chpanawih. Mm. ¿Ke:nih ameh i:n okotl i:xiwyo? Yeh no:n .... N okotl yeh no:n wi:wiyak keh ohkó:n wehweyi okomeh kateh. Wa:n i:xiwyo nankonitah wi:wiyaktsitsi:n ki:ntsitsi:n Keh, okoxa:li *vaya**, ye:n okoxa:li. Ahá. Xa: okoxa:li n i:to:ka: *o** tle:no:n i:to:ka:. Ahá. Ke:mah, mm. Yehwa:tl, neh, yehwa:tl no:n ohkó:n ni'chi:wa pah..., nichi:wa nopah. Ah, no:n para n imihti. Mm, pa se: ihte. ¿Wa:n ihkwa:k akah moxwitia? Akah moxwitia pero, n a:mach xa: ye:n *carbonato** wa:n ne:n ipaso:tl. Mm, yehwa:tl n konih wa:n kikwah n *carbonato**. 'Ki:xtilia. O:katka ohkó:n ya tle:n to:nal simi ohkó:n o:nikitaya. Mm. Pero n a:xa:n *casi** a:kmo kikwih no:no:n san nochi niman ye:n ne:n *pastilla**. *Ándale**. Ahá. Yet..., Aha. Tik..., itki:tstokeh de *que** ke:nih, ke:nih tla:tlamantli kokolistli ohkó:n mila:wak o:..., o:mopahta:yah. Ahá. Eh, ¿tle:no:n oksé: kokolistli tle:n, tle:n ohkó:n ma:s, ma:s ya wehweyitsitsi:n wa:n yeh wilis, wilis mopahti:skeh san i:ka xiwtsitsi:n. Ahá. Pos *depende:rowa** n kokolis, a:mati tle:no:n kokolistli kin..., se:kahsi. Tla:nah ohkó:n *porque** ma:s wehweyi:n no:iwki moxwitiah. Pos ohkó:n yehwa:tl n *carbonato** wa:n ne:n, ipaso:tl. Mm. Yehwa:tl, ne:n, yehwa:tl i:k 'poso:niah wa:[n] k... kikwah, ne:n, 'tla:liah *carbonato** wa:n koneh. Ahá. San keh yehwa:tl *porque** oksiki itlah, itlah pos keh, keh a:mo okachi tle:no:n oksiki keh, tle:n te:mohteh kokolis. Tla:mo te:mohteh pos san keh no:n. Wa:n tle:n keh te:mohtih pos, a:kmo no: kachi nimati. Ahá. Ahá. Ke:mah, mila:wa:k. Tlasohka:matiktsi:n. ¿De ka:nih tehwa:tsi:n wa:n de ka:nih, wa:n tle:noh moto:ka:tsi:n? Mm. Pos de Tenantitlan wa:n Salvadora Soto Pérez. Noto:ka: Angeles Márquez Hernández, impowi San Miguel Tenango. Ke:n a:motsi:n. Mm.