Xto:nalteh ichpo:chtl. Ximose:wi. O:nimitssihsimatiko oksipa. B'ali ximose:wi. Neh nikniki ni..., nimitstlahto:lti:s ma, ne:n, tla: a:kin o:poliw mal ke:nihki mochi:wa, tle:no:n nikchi:was. Tla: a:kin poliwi pos tikte:mo:s se: *mo..., *mopasado pos hora sí mocompadre.** Pos yehwa:tl wilis tikilwi:s ni:k, neh, o:..., o:poliwkeh. Pos ya, ya wili kinte:mó: n te:tlapachowa:neh. Pos ya ye:n kinte:mó: na:wi:n kin..., [ki]mahxi:tia. Tla: yo:kinte:moh pos, tlane:si b'alka:n pos tikin..., tikintlamakas. Tikin..., tikintlamakas, tikin..., [tikin]makas kimakah inkafé:h, *i:mpan.** Wa:n tlab'ah wa:n ki:ste:wah. A:xka:n nipantlah kintlamakati:weh. Neh, wa:n tikintla:lili:s intlaxkal. Neh, keh na:wi, ma:b'i:l tle:n tihtila:hkeh ohko:no:n tikma:manas n tlaxkal. Tihtilá:k tlaxkal tikimakas yehwa:tl n i:k tikintlamakas. A:xka:n tla:mo o:kitlameh pos tike:was. Oksipa n teo:tlaktika ye:n tikin..., tikintlamakas. Oksipa ye:n sa: ti'wi:kilti:s. Ahá. Ahá, a:xka:n ompa. Pos n ke:n tlane:si pos pe:wa n tlatsili:ni. Pos yi ye:n te:to:kanih ye yoweh pe..., te:tlapachowa:nih. Ahá. Yi yoweh. Pos mokaki ni:k o:poliwkeh. Tlatsili:ntikah. ¿Wa:n no:n a:kin tlatsili:ní:? Pos n tlatsili:ní: ki..., katki se: kabesende:roh Keh yehwa:tl *tlamanda:rowa** i:tich ne:ni:n *panteón**. Ah. Yehwa:tl n ne:n tlatsili:nia. No:no:n simi i:k moka:wa ohkó:n tlatsili:nia. Ah. Ka:n tla: yohkó:n tite:tlamakas. Pos tikita n x'tla:li, t'manas moe:tsi:n. Tle:no:n no:n tikte:b'alti:s, monixtamal. Pos ya, tle:n te:itanih tikintlamakas keh, kiwi:kah ni:n tlab'al pos ya yeh oksipa tin..., keh *hora sí** n a:kin tikte:mo:s n a:kin, kite:b'i:lihtos se: *mocomadre**, yehwa:tl kite:b'i:lihtos n tlab'al. Si..., siki kiwi:kah *sopa**, siki kiwi:kah itli, tle:n ya wili kiwi:kah *aceite**, tomatl. Pos nochi ye:n mitsma:kti:s, *mocomadre** yehwa:tl oksipa mochihchi:wa nochi. Para n i:k tite:tlamakas tle:n yoweh. *Hora sí** te:itati:weh. Tikintlamakas i:ka. A:xa:n tla: yo..., yo:kichi:h *dos dias,** Ya, ya yowih keh..., tla: tichi:wilia *i:misa**, Pos tikwi:ka n teo:pan. Ya kiwi:kah. Wa:n sa: i:k ompa yoweh. A:kmo, a:kmo chikoki:sah, sa: i:k ompa kiwi:kah n kokoxki. Kin..., 'ka:wati:weh chikoki:sah n siwa:meh. Oksipa tikinwi:kas n kalihtik. *Hora sí**, a:mo teh tikiwi:kas mo..., *mocompadre** kimiwi:kas *o mocomadre** Neh, n i:k pano:skeh oksipa tikintlamakas. Pero ohkó:n san tle:n ya wili *sopa, arroz**, itli, *papas** n i:k tite:tlamakatos. ¿A:mo katki tle:n keh tlab'al simi mochihchi:wa san tle:n toTahtsi:n Dios ne:chtla:kolí:? Pos n a:xa:n nikita ya b'ali kib'ah nakatl *porque** n achtoh a:mo o:kib'a:yah nakatl. N achtoh a:mo o:kib'a:yah nakatl san nochi ohkó:n o:te:tlamakayah. Pos teh tla: t'pia pos wilis tikowas, wilis tikte:wa:nti:s. ¿Wa:n ke:neh yeh a:mo o:kib'a:yah nakatl max? Kehtowah a:mo b'ali *porque** no:no:n toyawehka:wtahwa:n o:katka, toko:ko:lwa:n. Kehtowah no:no:n tla: tib'ahtok nakatl no:no:n kil neh san tipa:ktok *porque** tle:ka tib'a nakatl Ti..., *porque** yeh yo:poliwkeh. Pos n o:nikakia ohkó:n. Ah. Pos n a:xa:n nikita wili:ka ya mopatlatok ya kib'ah nakatl. Ya mowa:lpatlatin to:nalmeh. Ke:mah a:xka:n no: ihb'a:k ki..., kitla..., 'tlachiko:metiliah *o** n o:katka chiko:me to:nal kichi:wah. Pos kite:mowah, *bueno** kichi:wah *rosario** m..., mo:stlah, mo:stlah. Wa:n kite:wa:ntiah kahfé:n, *galleta, o pan.** Sehse: teo:tlak kichi:wilihtokeh *rosario**. A:xka:n kitlachiko:metiliah. Kichihchi:wah ihtikoko:k , kichihchi:wah nakatamal. Likih..., kixi:xilowah tli:x..., kitli:xto:ntiliah n kokoxki. Kima:ka:wah. Ki..., *hora sí** ya a:kmo, a:kmo ompa yetos kima:ka:wah. Kika:wili:ti:weh n *i:cruz.** Kite:mowah se: *padrino** n i:ka n *cruz**. Sa: ye:n kika:wati:h A:xka:n tla: yo:kika:wato pos ya tik.... Mitspachohki:xti:s tiktla:kachi:was, tikchihchi:was mo:li. Tiktlamakas, tiktla:kachi:was, tib'a:nti:s *i:cerveza**, n siwa:tl *i:refresco.** Wa:n no:no:n max nikintla:kachi:was ok nikintla:kachi:was n te:to:ka:nih, ¿Ke:nihki nikchi:was? Pos a:mo. Pos yehwa:tl a:kmo tikintla:kachi:was *como** xkita yo:kichi:h *siete dias**. Yeh tikin...,tikintla:kech..., tiktla:kachi:was, mm, *bueno** kimimakah ye:n na..., n ihtikoko:k wa:n nakatamal wa:n ne:ni:n n xokok..., xokoato:l. Kimiwa:ntiah tle:n te:to:ka:nih. Kinka:wiliti:weh n incha:n. Ahá. Ahá. Kinka:ka:wili:ti:weh n iminchahcha:n Tle:n ok kinikeh yoweh, pos yoweh kipatlah n tlitli. Ah. Ahá. Wa:n tle:n a:mo pos sahkó:n. Kitla:kachi:wah n *padrino** Ahá. Tle:n i:ka n *cruz**. Ah. Wa:n no:n a:mo motlaxtla:wiah? Pos a:mo. San nochi ohkó:n. San ohkó:n. Nochi ohkó:n a:mo ke:man motlaxtla:wiah. ¿Wa:n tla: a:kin ya kichihchi:wa n i:..., [i:]tipa:n, nikita siki ya tipa:ntl kin..., kinto:kah n kokoxkeh? Pos ma:s i tipa:ntl o:..., ya eski, pero de *por sí** tikte:mo:s a:kin te..., te:tlapachowah. Pos sa: kitlapowah. Ah. Kits..., kiwi:kah yehwa:n. Ahá. A:xka:n ya ki..., ya i:ka *carro** n o:katka, tikita kiwi:kas nochi ohkó:n ki..., kipilohtiweh, kichpanowah. Mm. Pos nompa yehwa:n ki..., kitla:sah, kipantla:sah. Ah. Ahá. *Porque** a:mo ke:meh, a:mo ke:meh xka:..., tite:tlaxtla:wi:s, san ohkó:n. ¿Wa:n tisineh yeh a:kino:n kinte:mó:? Pos ye:n teh tikinte:mo:s. Porque ye:n tehwa:tl *como** te:n, tla: te:n moná:k ohkó:n o:mochi:h yeh te:n tikinte:mó:. Ah. Ahá. Pero no:no:n a:mo ke:meh a:xka:n timotla:tlawti:s *hasta** ka:mpa, *como** i:ka poliwi:listl ihsiwka tikimahsis. Ahá. A:mo ke:meh tla: tikchi:was se: *fiesta**, t'chi:was ilwitl yeh tik..., [ti]te:tla:kachi:w..., [tik]tla:kachi:was i:ka *refresco**. Ahá. Ni:ni:n san ihsiwka *como** x'tla:li i:ka poliwi:listl. I:tich tla:kol. Ahá. Ah. B'altsi:n *como** a:mo tikmateh san ohkó:n tinimih. A:mo nikmate ke:nihki mochi:wa no:nka:nkah. Tla: ke:man, ke:n o:nimochi:h no: nikimpia no..., notahwa:n *como** a:mo nikmate a:mo niktlahtlani. ke:nihki mochi:was *o** ke:n ki:sasniki no:nka:nkah tlahto:l A:xa:n ya nimitstlahto:la:n yo:tine:chno:no:ts. Mo:stla, wi:ptla ma:s a:mo se:kinekis kehto:s ohkó:n timokahka:hte:wta:skeh. A:mo keh nochipa n tia:skeh nochipa n to:nal. Pos a:mo. Ohkó:n tipohpoliwta:skeh. Pos ohkó:n o:kitla:leh Dios n timopatlata:skeh. Tla: kitla:na..., kitla:la:ni Dios nochti:n. Tiyetoskeh pos a:mo tlaxi:ko:s ni:ni:n *pueblo**. A:mo. Pos ohkó:n se:mopatlatih. Tla: ohko:no:n yo:timono:no:tskeh. Tlasohka:mateh timonohno:tsah mo:stla, wi:ptla. Ke:mah. *Igual** tlasohka:mate tine:chitako. 'Ne:chtlahpalo:ko. Katki tle:no:n n i:k se:mo..., [se:]mono:no:tsa no: niwa:lahtiwits n tla:mo max kanah sawil nimits..., nimitsihitaki:h. Ke:mah, ke:man tikpias *tiempo** oksé: *mano** n tiwi:ts. Nikitas. Ke:mania:n nii:panti oksipa nimokopaki:h. Se:mono:no:tsas. Ke:mah. Tlasohka:mateh. Ah. B'ali. Nehwa:tl noto:ka: niMaría Concepción Robles Fernández. Nocha:n nika:n municipio de Tepetzintla Nehwa:tl noto:ka: niCandelaria Ponce Aldama. Nika:n nicha:nchi:wa de municipio de Tepetzintla.