Xto:nalteh tokoma:lehtsi:n o:nimitsitako tle:no:n tikchi:wa. Nika:n nimotatakatok ne:chb'ahtok mo:yo:tl. Nikniki xine:ch..., xine:chno:no:tsa n ke:me:n o:tikatka. Nochi nikniki xine:chilwi. Nimitskakis xte:chno:no:tsa nika:n tikateh timits..., timitskakiskeh ke:nihki n o:tinimia. Ke:nihki *como** san o:nitorohpiaya. Wa:n [o:]nikimpiaya ichkameh, ne:n, no:no:n wa:n nib'ahb'owi. Ya n..., ya nimotixilihte:wa b'alka:n wa:n nioh nika:nati:h n b'owitl. Pos ohkó:n o:tiwe:ixkeh. Wa:n tla: yi, i nipantlah. Xi..., xioh, xki..., xkimpiah n **torohmeh**. Ahá. Wa:n ohkó:n ti..., tla: a:..., a:mo tia:s ompakah *patada.** Mits..., mitspatadahwi:skeh tla:mo tinihnimi. Ahá. No:no:n wa:n kipí:. B'alka:n time:was nimitsilia *t[r]es, las cuatro** ya xioh xika:nah n b'owitl. Ahá. *Porque** n ya wehka:h *hasta** ka:mpa no:no:n. N a:xa:n, a:xa:n tikita tiseh, sa: *puro molino** wa:n ne:pa ya achtoh no:no:n kipí: titisis. Neh, neh ya wehka:w *como** milá:k n o:n'matia nitisi. Ohkó:n kintla:liah mehto:ta:neh. Pos tle:ka *como** b'ali nitisi, a:xa:n [tla]ne:si ompakah tlaxkal ompakah tli:..., tle:no:n kinikeh n kalihtik. N ya wehka:w n ke:t n ok tiichpo:chmeh. Ok te:chpa:pa:ktiah melá:k titisih pero wehwei tlaxkal. San ot..., ma n a:xa:n tikita sa: mopa:chowa. Wa:n ihb'a:k keh ohkó:n wehwei. Pos ohkó:n o:tiyo:lkeh ohkó:n o:tik..., o:ti..., titiseh ti..., tla: ke:meh ihkí:n tlahkah pos 'te:tlamakah. X'wi:ka motlaxkal x'pilohtew mokaxwehkol , [x']wi:ka motlapalo:l. Tle:n i:no:n tlapalo:l tib'a tla: tlaposo:ni:l tle:no:n. Se: kipí: [i]ch tikwi:kas tite:tlamakati:h, 'tlamakati:h n tikitini. Yeh yi, i yowalki:stok maya:ni. Pos yo:tiahsik yi kipí: ti..., tikilwi:s. Sa: xtlab'a:ka:n. Ya b'ali. Ohko:no:n o:tiyo:lkeh, ohko:no:n o:..., [o:]tiwe:ixkeh. N a:xa:n [...] tla: a:kmo nitisi. Kanah ok i:k o:pa nipe:was ok, ok niwe:itok ok b'ali nitisis. A:xa:n a:mo. Sa: yo:tiwihwiyokki:skeh. Mm. Wa:n ki:meh tikehtó: x a:kin o:motlahtlan. We:noh n tehwa:n te:chtlahtlaneh. Pero nimitsilihtok san tla:ke:wal. Wa:n *como** ...mo a:mo, a:mo n'mati nitlana:nkilí:, kehtó:, "Xi..., xitlahto *mula**, no: ke:n ki:sa a:mo titlahtó:. San mitstikipano:skeh wa:n yeh a:mo no: tikniki titlahto:s". Ahá. *[Has]ta** ka:mpa o:ne:chtihtilchi:wkeh. Kihtó: tla: n *caballo** yeh, a:mo no: kineki te:chna:nkili:s. Ah, san mitstikipano:skeh a:mo no: ti[kni]ki timote:makas. Yeh ohkó:n *como** a:mo nikimina:nkilí:. Sa: yehwa:tl ¿tle:no:n oksiki tikniki nimits..., nimitsilwi? ¿Wa:n n o:timona:mikteh max o:mochi:h ilwitl, x o:katka tlab'al? O:katka. Pero n a:xka:n kachi nikita n kichi:wah ma n ihb'a:k yeh tlahmah so..., sowilyeh yo:kkaxtlamakakeh ya b'ali. ¿X o:mitstlakoweh n a:kin o:mitsna:mikteh? O:ne:chmakak no..., nokami:xah, nokichke:n, wa:n nob'e: yeh san o:tikehkitkeh. Ahá. *Como** n o:katka [o:]se:tlakami:xawih. Ahá. A:mo. No: ompakah se: mikatl moko:skah ya b'ali. Ahá. ¿Wa:n ihb'a:k o:nime:chilpa:yah tle:no:n o:nime:chtla:lila:yah? Mm, xa:mo e:wtok ma nikita ke:meh ne:kah kostik *laso**. A:xa:n xok tikpixtok. Ah, wa:n 'yahyakaxo:chio:tih ihkí:n. Ahá. Max a:mo, kah ke:n moe:wtok n tla: ok i:k te:chilpi:skeh ke: a:mo b'ali. ¿Wa:n motlawi:kal max o:kitlakowihkeh? Ye:no:no:n oksipa a:mo n'mat[i]. Nikilka:h. Ahá. Yeh a:mo n'mati. ¿Max tle:n o:mitstla:kolihkeh n ihb'a:k tle:no:n kachi o:mitsnawatihkeh tle:no:n o:mitsilwihkeh mote:ma:ki:xtihka:wa:n ? A:mo tle:no:n *como** ya wehka:w kachi nió:n tle:no:n o:katka. N a:xa:n wilí: katki *regalo** kite:makah. Pero n a:xa:n a:mo. Na..., n o:katka a:mo. Ohko:no:n. ¿Wa:n momontah, momona:n [ma]x impa:kilis? A:mo o:nikpix nomontah yo:mik sa: ye:n nomona:n. A:mo o:nikpix nomontah. ¿Tla: ohkó:n o:timoka:wato tiikno:kone:tl i:wa:n motlawi:kal? Ohkó:n, ohko:no:n sa: yeh nomona:n n o:nikahsitok no: i:wa:n o:nimoitak ma:s san keh o:me xiwitl. Ahá. ¿Ke:nihki n o:mitspix yo:tiahsito n i:kalihtik? ¿Ke:nihki pos? Tle:no:n yeh ne:chilwi:s ma xa: no:, timihi:xitah i tle:no:n timochi:wili:skeh tle:no:n tib'a:skeh. Ahá. ¿Wa:n i:tich ni:ni:n toa:ltipe:h tikita xi:xiliwtokeh max tikmate tle:n, tle:n i:to:ka:? Mm, kehtó: a:mo *te:pueblo** ye:n tle:n tocha:n. Ahá. Ye:n tle:n tehwah. Yeh ohkó:n xa:mo tikita n a:xka:n ya kiwe:yaltihtokeh. Ka:n ya katki *vivienda.** Wa:n o:katka yeh san ye:n tle:n tocha:n. Tlakomol, tlatilo:lko, B'ohka..., B'ohkalko. Ahá. Wa:n, ¿tle:n i:to:ka: n tle:n, tipe:sin? Yeh oksipa nikilka:wa. Ahá. ¿Tle:no:n n'tohto:ka:yo:[ti]i:s ye:n n'mati tlakomol, tlatilo:lko, B'ohkalko? Ahá. Ahá. ¿Tle:n tlakpak n cha:nchi:wah, a:mo t'mate tle:n i:to:ka:? Pos yeh nika:n nikehtó: nikilka:w. ¿Wa:n o:tiichkapiaya max ke:man o:tikxi:n ne:n ichkatl? Ke:mah, sawil nitlake:ke:chwih[tok] pos tle:no:n, tle:no:n nikchi:was i:..., tlab'alko:mitl n ohkó:n tiichkapiah. ¿A:mo ke:man o:tiktikilih n i:tohmio? Ah, yeh ke:mah yeh, yeh nitl..., nitlaxi:ma, yeh nitlaxi:ma. ¿O:tiwilia? Ma b'ali. ¿Wa:n tle:n o:tikchi:wila:ya n i:tohmio? Niktsa:wa, nikehkiti. Ni..., tla: yo:nik..., n tla: niktsa:wa pos. *Bueno* ni:n tla: yo:tpa:..., n tla: yo:t'tikeh t'pahpa:kah. N tla: yo:t'pa:keh pos tikmoya:wah. Tika:niliah ka:lox, titlapochi:nah. Ahá. Wa:n tla: yo:titlapochi:nkeh tos xiktsa:wa. Wa:n tla: yo:tiktsa:w, T'tamachi:wa i:ka *onza** ke:xkich *onza** n kipí:. Wa:n tos n tla: ye, ya ahsi n *onza** ke:xkich *onza n kitoka:rowa** n tob'e:. Tos [ti]tlatehte:kah. Wa:n tla: yo:t'tehte:k, t'xiyo:ti:s, xi..., nochi x'tlapohtiw ya nompa ya, tiknemili:s ke:nihki n, ke:nihki tiktili:ni:s ke:nihki n mochi:wta:s n tilmahtl. Ahá. ¿Wa:n ke:n o:tikpa:kaya n tohmitl max i:ka xapoh *o** tle:n i:k o:tikpa:kaya? Ahmo:l. Ahmo:l. Ka..., katki, mm. Ka:[n] t'te:mo:skeh ke:mah katki xiwih.... *O** ma:s san tob'e: b'ali n i:k nikwihwi:tikis. Max. Max san ka:yawili mochi:wa. Keh .... Ah, n mochi:wa ich i:n tla:ltikpak, Yeh a:mo tik.... Xa: kikowah pero neh a:mo nikowa, neh san neh nitlachb'atih. Ti:tila:ntok wehwei. ¿Tla: ohkó:n o:tiwilia n o:titlahkitia? Ah, tle:ch a:mo wilis ma:s a:xa:n tla: yo:nitlatehte:k ke: a:mo ma:s mob'e: nikehkitis. Ahá. ¿Ok tiwilis tikchihchi:was? Ma:x ke xa:mo niwilis tla:tlapohti[a]:s ohkó:n ke..., ¿Wa:n b'owitl ka:n o:tib'ia n tle:n i:k o:tikchihchi:waya Pos tikowah, a:kin wili b'ohxi:ma t'makah ne:ni:n ni:, n ka:mpa tle:n kitstiw n tla: yo:ob'ilowak n tos ya ye:n kichihchi:wa n tle:n yanb'ik. Kichihchi:wa, mm, ne:n n b'ohxi:nk. Mm. ¿Wa:n ohkó:n tla: ki:meh tiknamakas se: b'e:itl ki:meh n ke:xkich n tiknamakas? N mo..., n a:xka:n, a:xka:n, i [a:]xka:n ya patioh. No: o:katka san ok ma:b'i:l *ciento.** A:xka:n ne:chtikiwihtok se: ilamah kil *tres mil**. Ya patioh. Ya ka:n ya patioh *como, como** milá:k *trabajo**. Ahá. ¿N tla: i:k timoka:was tikchihchi:was ke:meh ke:xkich to:nal n tiktlami:s? Neh .... *Ay Dios** yeh i:ka xiwitl. N *hasta** ka:mpa *trabajo, *hasta** ka:mpa, *hasta** ka:mpa. It..., ihkó:n titlake:meh pitsotik. N a:xka:n sa: monamaka nikita okachi b'ale, san ma ne:si n tomi:n. Sa: niman nitlake:mi. ¿Wa:n a:ya:tl no:ihki o:tikchihchi:waya? Nochi, nochi, nochi n'chihchi:wa. ¿Wa:n ye:n tla: tiknamakas ki:meh ke:xkich? O: ma xa:mo no:ihki patioh. Yeh *como cobija como** milá:k a:ya:tl. A:ya:tl milá:k. X'nimilí: yeh toma:wak, mm, motsa:wa pos ka..., kachi tila:wak n ki:sa. Itik yeh itik. ¿Wa:n tle:n i:k o:ninkitsa:wayah tle:n i:to:ka:? Malakatl. Malakab'owitl ¿Ka:n... ¿Ka:ni:n kichihchi:wah *o** ka:n o:tikowaya? Kinamakah ka:ni:n tiknikis nah kikowah , n[ah] a:kin tikowiliah . Yeh oksipa sa: kinamakah. Mm. K... a:kmo kachi nikita ma [...], yo:poliwkeh n tlatsa:waneh. Pit..., sa: yeh n..., n i:siwa:w n Domingo n tle:n *vivienda** katki tikita n to:nali:xkoilamah. Tikita kahkoitstok n malakatl. Yeh tlatsa:wa. ¿Ki:meh ilpikatl a:mo ke:man o:timi:xe:weh tikchihchi:was? A:mo, a:mo. Yeh a:mo. Yeh nikó:. ¿Kami:xahtl n tle:n achtoh? *O** yeh [o:]nikpixka [o]k nike:m[i], n o:katki. ¿Te:n o:t'chihchi:waya? Ye:n ohkó:n nitlake:mi n kam.... N tla: n'niki nike:mis ni:ni:n *o** n'nikis nike:m[is] Niki[m]pixtok na:wi:n ohkó:n nihma:ma:ehtson. Ahá. Yeh nike:mi. Ok niksinchi:wtok. ¿Wa:n tle:no:n kachi ot'matí: ki:meh. Ke:nihki n o:nantlab'a:yah tle:no:n kachi [o:]tikchihchi:waya? Pos n'chihchi:wa tlaoyoh, n'chihchi:wa xihxil, nikchihchi:wa *cemita**, n'chihchi:wa *torta**. Nochi. Eh, ohkó:n titlab'a:skeh. Oksipa, oksipa oksé: tlab'al o:katka. Kilwiah pa:tskal, kilwiah pa:tskal, ne:n, t'b'e:chowah ayohwichtl wa:[n] x'wa:wa:tsa i:ka, i:ka n *aceite**, i:ka *aceite** n o:katka *manteca**. Ki:sa keh *chicharón** ni:k we:lik, simi ke:meh n *chicharrón, como** n ayohwich ya we:lik. A:xka:n octu..., t'pa:tlas i:ka n to:toltitl. Pero we:lik tihihtsaya:na. A:, nik..., [nik]chihchi:was pos kiliah pa:tskal n tla: yo:t'pa:tskak, [o:tik]pa:tlak ohkó:n. Ahá. Ohkó:n. ¿Tle:n oksé: ki:meh *antigua** tlab'al tle:n kachi tikmati? Tle:n nika:n [nimi]tsilihtok ya ye:n *antigua** Mm. Ye:n *antigua** ma n a:xa:n, mm, n a:xa:n kilihtokeh pa:tskal. Pos n a:xa:n tikita kikowah nochi ya *hecho** tlab'al a:kmo, a:kmo kichihchi:wah. Sa: ka:nati:w sa: *chiles en vinagre** ya tlab'ahtok. Mm. Mm. *Como** a:mo te:chne:xtiliah a:mo tiki:xmateh no:no:n tlab'al. *Por eso**, a:mo. Kilwiah mob'a n.... Tipisi:lxihxil n tla:, n tla: mitspa:ktí:, tos ok, ok *wersa** xib'a. Ne:n n'chi:wa. Wili:ka ok nib'a nikehsiki n itli wa:n n'mati ni:k, san nitlantixihxi:pitstik keh ichkatl. Pos n ni:k.... Ka:yama:nia wa:n wili:ka ok nib'a no:n ok kil..., no:, no: tikiliah tipisi:lxihxil. No: o:t'patlak, ¿tle:ka? Wa:n sika:n oksipa oksé: katki xihxil tos, tos, yikitiah i:xo:yama:n *o** tla:mo pitsa:wak itl. Ah, nochi yeh ye:n no:n milá:k ya itl. Wa:n oksiki ma:s itl yeh, tlamohmohtí: chika:hkeh, i:ka n kiliah tipisi:lxihxil. Mm. ¿Wa:n tocha:n max ke:man tle:n ob'ilin o:ahsik tle:n nika:n momatih n b'ohb'ohtlah? A:mo tle:n te:chmohmohti:skeh *hasta** ka:mpa o:..., momati, momatiki:weh b'itlapi:lxi:pitsmeh kib'ah to..., to:toltitl n tla: no: tike:wtok, nochi ka:tleh. Ne:si ke:meh nika:n kateh o:..., tla: kahkateh ob'ilimeh nochi kinmihmiktiah. Mm. ¿Tle:n kachi o:ahsiah? *Como** ya wehka:h ayamo o:katka tlane:xtl, ayamo o:titlachiayah, ke:n a:xka:n n tla: ya tlayowa ya se:tlaxo:tlaltí:. Ne:n n ye wehka:w ok o:nikitak neh. Kinb'ah ichkameh yeh kalaki koyo:tl. Eh, kalaki n koyo:tl tle:n kintokatinimi inkola:lihtik. Se: *viaje** o:nikitak. Kiwila:ntokeh kehtowah kitlati:skeh ma tikihki:saka:n i:ka tomi:n. Ma tite:makaka:n *limosna** para mokowas n b'owitl kiwila:ntinimeh n koyo:tl o:kimiktihkeh, o:kitso:lohkeh. B'ali o:kimachi:tehtinkeh . O:kimiktihkeh ma kintokatinimi n ichkakola:lihtik. Ahá. Wa:n, wa:n tos o:kipihpixkeh. Neh ma:s siki siwa:meh, a:kin b'owitl, a:kin machi:teh, a:kin *a:chah** O:kitso:lohkeh n koyo:tl o:kimiktihkeh. Mm. No:n ohkó:n. O:katka kachi ok tlana:walti, ka:x kita a:kmo. Xa:mo kateh ob'ilimeh i:k nika:n a:ka:walah yeh ke:mah o:kat.... Nika:n kateh. *Como** a:kmo, a:kin kimilpí: ichkameh max b'alowah tla: kin..., kimb'a tle:n, ohkó:n. ¿Wa:n o:tiichkapiaya x ke:man o:..., o:b'ilb'alo:k mochka:h? *Bueno** o:kinikí: kib'a:s wa:n no:ihki *lo mismo** ye:n koyo:tl kehtowa se:. I:chpokah nokni:h "kehtó:, "A:wi, a tla: xkita n koyo:tl i:k 'ki:tskihtok ne:ni:n ichkatl." No:n ke:mah o:niki:stiki:s nikwi:ka machi:teh. N'machi:tehwi:skia n koyo:tl, *hasta** san tsib'i:ni ihkí:n. Ke:n nikilia, "A:mo xcholo!" Wa:n yeh o:pe:h, no: ne:chna:nkilia n koyo:tl, o:motla:li:to san ihkí:n tlahko. Ompa wa:ltsahtsitok wa:n nikilí:, "¡Ma xiwi:ki! Xiwi:ki, ¿a:mo onka:n xtsahtsito. Teh xiwi:ki, wa:n tla:mo tiwi:ts neh onka:n nioh nimitstlahpalo:ti:h nikwi:katok nomachi:teh". O:..., o:cholohtah *hasta** b'ohtlaxixitlatstih n koyo:tl. Ah. ¿A:mo o:tiki:xmowilih n tla: te:n o:mitski:tskih? Mm, no: Neh niki:xmowili:s i:tlab'al titsmo:n . Wa:n tlamb'ohnatswelit ma:ntok te:yo:tik. Neh no: ma niki:xmowili nikwi:katok machi:teh. Nikilia a:xa:n tikitas timotlaxtla:wa[s]. Ahá. No:no:n ohkó:n. ¿Tla: ohkó:n wili:ka o:..., o:ahsiah n ob'limeh? Kachi ya achtoh. Eh. Ne:pa ya achtoh ke:mah. ¿Tle:n oksike keh o:tikimitaya? A san, san yehwa:n o:nikimitak, eh. No:no:n a:mo kachi tle:no:n. Ah, wa:n ompa n ke:n yo:tikatka i:wa:n motlawi:kal max ke:man o:..., o:mitsto:tokak, o:nimob'ala:nihkeh. [O:]tikilna:mikia tia:s. Ma yehwa *burro** ma ye:n tikmati ke:man b'altsi:n tietos. No:no:n yehwa:n wili:ka moma:yo:lpolowah. Wa:n a:mo xkeh..., ke:n. Ah, tietikah b'altsi:n tiko..., mitssantohe:wtok. Mm. A:mo. Mm, kah. Tikxi:kowah ma t'xi:kowili:ka:n tla:mo ma tikita i:k cho:cholowah n ilamatkeh tle:ka .... Yeh xa: wili:ka ohkó:n momakah ke:n sawil moka:ka:wah. A:xka:n ya kimateh, tla: moto:tokah yompakah tomi:n mote:tixiliah . Kitstokeh ne:n no: o:katka ya wehka:h n tla:, tla: mitsto:toka tos, san xioh xte:tlapa:kih , xioh. Te:..., [x]te:b'ahb'owilih. Ahá, a:xka:n a:kmo. ¿Max ke:man o:mitste:ma:tla:nilteh? Pos xa: wili:ka nite:ma:tla:nis man ohkó:n yoweh. To:ntohtiti:weh n wehka. Ma tle:no:n tib'a:s. Wili:ka ohkó:n tite:ma:tla:ni tla: .... [O:]'te:b'ahb'owilih o:..., o:tite:tlamakato i:ka te:tlaxkal. Ya kipí: no:ihki ya titikitok. Tiwa:le:wa oksipa tiehko tikmana monixko:n, tikwa:li:ka mob'oh. Ohkó:n wili:ka ohkó:n tite:ma:tla:nis. Ahá. N a:xa:n nikita a:kmo kachi *trabajo**. Keh ya kintla:ke:wah ya ompa te:tixiliah. Ma n o:katka ye xitlame:mehtinime keh *tiburro**, mm. ¿Tle:no:n kachi o:tikchi:waya no:n o:tite:ma:tla:nia? Nite:t..., n tsokotsi:n nite:tlapa:kia, a:xka:n i:ne:n ni:n se: *maestro** katki, ne:n, kilihtokeh Porfirio. Ne:n San Baltazar o:n'matia nik..., niktlapa:kia, neh. O:kipiaya a:xka:n yeh o:..., o:..., o:montito S..., ne:, ni:n, San Baltazar. Ma tla: kipí: n i:siwa:w ohkó:n nikintlapa:kí:. Ohkó:n i:k o:nitlab'ah ye:n ne:ni:n se: *ma...**, se: *maestra** o:..., o:kintlamakaya *alumnos**. Pos ni:n no: ohkó:n nochi nimokalakí: nik..., niktlapa:kí: ne:n, ni:n, *maestra**, n tle:n *sobra** tlab'al. *Por eso** a:mo katki tle:no:n i:k nikintikipano:s nopilwa:n *como** no: yi tikah ye:i. Pos ne:chtla:kolí: ne:n tle:n kika:wah n *alumnos**. No: kil no: kib'ah nakatl. Kehto:s ne:ni:n *maestra**, ni:ni:n x'wi:ka nika:n yo:moka:h. Neh a:kmo nib'a:s. Pos ohkó:n wili:ka ohkó:n tikintikipano:s tikinwe:yalti:s. Wa:n ma:s timosinka:was tito:lohtias tle:no:n kib'a:s n ichpokatl. No:n ohkó:n wili:ka ma:s tinintokeh tikehyo:wiah wili:ka t'matis tle:no:n t'chi:was. Ahá. A:mo wili nitla:i nió:n tle:no:n. Ma n tla: tle:n b'ali tikiteh. Sa: kahkob'tok tla:la:chah *o** tli:xtiki ohkó:n. Ma tehwa:n a:mo tiwilih. A:mo o:te:chi:xpitla:neh n totah. Yeh, san nitisi ke:mah, ompakah tlaxkal. ¿A:mo ke:man o:timomachtih titla:i? Ah. A:mo ke:man. ¿Tla: ohkó:n a:xka:n a:mo tiwili? A:mo. San nitlachtoka. No: n'xo:xopilohtikah i:ka salo:n. Pero kanah nitla:i san nimotlachtokí: ¿Wa:n mota:tah ke:xkich xiwitl n o:.., n o:ninki? O:..., ma no: ke:mach a:mo o:wehka:h nikehtowa xa: o:...., ma:s san keh se: *noventa** ¿Tle:n i:to:ka: mota:tah katka? Pablo Téllez. No:no:n n te:tahtsi:n katka, ok o:niki:xmat. O:..., ma tikita o:mosi:na:ya ki..., nochipa n kipí: *i:cuchillo** i:..., kike:spawihtok. Wehka:h n ok o:ninki pero sa: tinkoltik. Ohko:no:wi:n wa:n b'ali tikiti. B'ali ah, tikiti tla:xtok. Tle:n tla: yo:tla:xkeh, tlato:ka: Ah, b'ali tikiti. ¿Tla: ohkó:n ihb'a:k o:poliw a:mo t'mati ke:meh ke:xkich xiwitl n o:kahxi:tih? A:mo n'mati. San nikehtó: xa: ohko:no:n ke:meh nikehtó:, ma wili:ka ni:k o:nink. Xa: kachi, xa: ke:meh se: *ciento**. A:mati de no:n, a:mati. Nikilna:miki simi ya te:tahtsi:n ok o:nimia. Yeh. O:ma:n , mm, b'ali, ah, nompa no:n, pa no:n tla:tlamantin 'mati n o:mono:no:tsay[a] yi:[n]. Kimati, kimati to:to:nak, kimati *castilla** ka..., kimati *inglés. Ahá. Yeh nochi o:tlahtowa:ya kimati *inglés**. N teh a:mo t'mati ke:n ki:sa wa:n yeh kil kimati, *como** nowia:n o:nimí:. Ahá. Yowi 'chib'e:itili:ti:h nimiti:h san tle:no:n i:k nimi. Yeh tlakah nochi kisa:lohtok. ¿Wa:n yehwa:tl a:mo ke:man o:mitsno:no:ts tle:no:n ye:n o:kichi:waya tle:n o:ki:xmat? I:..., wa:n a:mo *como** ma timoye:kno:no:ts[aka:n] *como** san i:k motlankichweh. ¿A:mo ke:man i:wa:n o:timono:no:tsaya? A:mo. Yeh ye mokokowa pos ya n'tla:tlawtí: nikilí:, "Niwa:lah notah. Tib'a:s tlaxkal, [ma] titlab'a:ka:n. Ma:s san se:, san o:me xib'a:ka:n. Nikime:wa, nikimtlapa:kí: nikin..., nik..., nikintlatikiwi:ltí: ompakah tlaxkal, ompakah ato:l, ompakah *caldo**. Ohkó:n nikintlamakatok. N tle:n yehwa:tl motah katka, ¿a:mo ke:man o:mitsno:no:ts i:n tle:n nika:n ich n toa:ltipe:h ke:nihki o:mochi:waya? Wi:xa:mo tikilka:wah n tla:nah kanah t'mati san tose:l te:chno:no:tsas. N tla: milá:k te:chno:no:tsas ma timiakeh. Ya *mil...,** timiakeh ma tle:n .... Okachi *hasta** kanah te:chno:no:tas ihkí:n te:chb'intla:li:s. man timiakeh . Ahá, no: timiakeh. ¿Wa:n teh a:mo ke:man o:tikyo:la:n 'tlahto:lti:s? A:mo, a:mo, tik..., a:xa:n tla:nah o:nikmatí: xa:mo o:nikilka:h. ¿Wa:n tle:n nika:n te:chyawaliwtokeh n totipe:wa:n max tikmati n tle:n, tle:n into:ka: sehse:meh ke:meh ohkó:n te:chtlahkoya:wihtokeh? Wili:ka n'matis ne:n, nipa n tlab'itlapan. I:b'itlapan ne:kah n B'a:xo:chitl. Chib'na:wmasa:tl. Wa:n ne:kah B'a:xo:chitl. Wa:n ne:kah Tipei:x. Wa:n ne:kah B'oha:tlawko. Ew. Wa:n tle:n oksipa ihkí:n wa:lahtok Tiwtla:lpan. Oksipa ne:pa yahtok Tipé:sinko. Ahá. Wa:n oksipa ne:pa yahtok. Tos ye:n no:no:n Tipehxititlan no:n ya tocha:n. Yeh Tipehxititlan. Ahá. ¿Wa:n tle:n sehse: tipe:tl ma:x tikmate tle:no:n? tle:no:n kipia siki nikaki ompa kalakeh, tle:n i:to:ka: no:n tipe:tl n ka:n tlakoyoktik *o** tle:no:n kipï: A pos ne:ni:n, nn, ma neh, neh nohki o:nikitak, ne:kah, ne:kah n tipe:tl. Oh, ah, sika:n ne:kah tipe:tl wa:n, wa:n ne:kah wa:ltlaniwi:k. Ompakah se: *cuadro** ohkó:n. Wa:n ihki:ni:n i:xá:k . Nimolwí: mal ke:n, mal ke:n nitlaksatok. Ihkí:n n'machi:lí: keh o:nimoxola:h. Ma tla: ihkí:n nikita tlachi:xtok. Pos kanah yo:niki:xpoloh ma yeh neh, ne:kah i:..., i:to:ka:, Tipe:i:x wa:ltlaniwi:k no: o:nikitak no:n ya Tipe:i:x. Ahá. Ahá. ¿Tle:n oksé: tiki:xmati ki.., ompa kalakeh o..., ompa tle:no:n kichi:wah? Pos ne:ni:n ne:kah, ne:kah n tipe:tl, o:..., *hasta** ye:xka:n katki, *hasta** neh o:niyahka. Neh ye:n sawil o:tiyahkeh i:wa:n o:niah se: *tocomadre**, neh. Pero n katki n tipe:tl, we:i n tipe:tl. *Hasta** ka:n te:l ohkó:n, tos o:niah. Neh sawil ninihni:nimi ohkó:n i:wa:n nostb'iwa:n. Neh ompakah ne:ni:n itsb'inpala:n wa:litstok , ohkó:n, ohkó:n. Wa:n ne:n ompakah *brasero,** ompakah ne:n tipa:ch. Oompakah ne:n *i:ncandileros.** Ompakah *cera** [as]t[a] ihihkí:n kohkostik pero tohtoma:wak. Ompakah *refino.** Wa:n tos o:nima:nihnintah *como** tlawa:ki. Tos nikilwí: na..., san nikilwí: n titl nikilí:. Man tla: xne:chwa:nti motipa:ch wa:n i:wa:n *morefino** n'yeko:s. *Poco** kehto:s, kehto:s xika:na. Yeh nehwa:tl n o:nika:n. Ko:n. Nikilí: tlasohka:mate. Wa:n oksipa nika:na xa:loh nikilí:, "Ka:n ma n'yeko: mo..., motipa:ch. Neh. Tlasohke:watsitsi:ntin nimehwa:n nime:chwa:ntihkeh wa:n neh o:niwa:lah n'niki nikoni:s. Ohkó:n ompa, ompakah pala:ntok n itsb'inpala:n. Mm. ¿Wa:n no:no:n teh xt'mati ke:n ki:sasniki n ohkó:n o:kitla:li:toh o:..., no: o:tikitak? Xa:mo ya ye:n timehso:tlah no:no:n san ompa te:na:walwihtokeh *por eso** ompa pala:ntok n itsb'intl. T'machi:lia a:mo timaya:na, pos mitstlamakatok n tla:li. No:n ompa titlana:miktok o:mitste:ilwilihkeh ni:k ti'b'alaní:. Wa:n i:tich no:n, no:n ke:n tipe:meh ke:me:n te:chyawalohtokeh max, max tle:n tipe:tl te:cha:tli:ltihtok. N tle:n, mm, nik..., tikilwiah n tle:n ka:n o:nikoni:k tipa:ch. A:mo, tle:n tocha:n ehkotok n a:tl ka:ni:no:n wa:lahtok. Yeh Pi:lakw. Pi:lakw. Y ya ye:n tikoni:tokeh. Mm. ¿Wa:n ke:nihki n o:kimatkeh ni:k wilis te:cha:tli:ltihtos nochipa n to:nal? Xa: o:n..., se:, titit..., tikakeh ni:k ohkó:n kehtowah pi:lah. Pero san tehwa:n nah niman ya ohkó:n titlahtowah. ¿A:kin o:nime:chne:xtileh keh o:ninkimatkeh ni:k kixi:kohtos te:cha:tli:ltihtos? Wi:n yehwa:n *como** tla:kameh pos yehwa:n kimomakah *cuenta** wili:ka mota ni:k, te:ch..., te:chwa:nti:s n a:tl n tipe:tl. A:mo a:kin te:chne:xtili:s yehwa:n kimateh n tla:kameh. ¿Wa:n ke:nihki n o:kehko:ltihkeh n a:tl *hasta** tocha:n? A pos o:..., o:pe:wkeh tlape:wah i:ka n tla:..., n tla:kayo:tl. O:mochi:h *faena hasta** neh no: o:nite:tlamakatinimia. *P[or] eso** k..., o:pe:wkeh no: ma 'tlaxtla:waka:n, pos yo:nipe:h nib'ala:ni. Tos nikimilwí:. "Ahá. A:xka:n nankinikih tomi:n". Wa:n ihb'a:k o:titikitkeh *hasta** neh no: o:nimowitsto:k. Niktlamakati:h nowe:wetsi:n ne:chtihtilchi:wte:wa , kehtó: a:mo niman n'tlamaka. Kehtó:, "Man titsi:nihkak tla: *burra.** A:mo tikehto:s 'tlamakas motsb'in". milá:k *tiburra**, neh". Pos milá:k sa: ihki nime:wa b'alka:n. Nimotlamí: no: niktlamakati:h. Sa: nik..., niksinchi:wa sa:, ompa sa: yeh no:n n motlamia nipantlahyoh, wa:n yeh san a:mo o:nikalmasa:lo:lteh. N tos yi i:n tla: ya tiyoweh. Siki i:k ne: wa:lahtokeh tli:xtiktiwi:tseh. Wa:n siki tli:xtila:ntiwi:tseh ne:pa nipa. Niahsi ma:s, ma ma:s nikintlahto:ltia n tla:kameh, "¿Ma nimotla:kaikni:h?" . Nikimahsi. "A:mati. A:mo t'matih wa:n yeh wehka nipa n tia:s. Ah, timowihwitsto:ka [timo]mahma:tsi:tskí:. Ki:xtope:wtokeh i:ka b'omaxal ne:n i:witsyo. Pos a:mo, a:mo wili nochi yoweh. Neh no: te:wa:n o:nitlana:mik i:ka no:n o:ne:chyo:ltlatihkeh kehtowah ma 'tlaxtla:waka:n a:tl. Nikilí: namehwa:n nanb'itlaxmeh , namehwa:n nankoyo:meh. Nanwa:lahtokeh México. Entó:s tle:n tehwa:n o:titikitkeh, a:xka:n ma n'tlaxtla:wa n a:tl Neh [o:]niki:xb'a:wi:to i:ka notso:tsokol. Ke:n a:mo m'pia ni:ni:n notsontikon. A:, no:n ke:mah yo:timoyo:le:wkeh a:kmo t'tlaxtla:waskeh *porque** .... Wa:n tehwa:n o:titikitkeh, keh o:t'tla:nkeh. Tehwa:n a:makin te:chtlaxtla:wihtok. Wa:n tla: tikehtowah sa: tia:tli:skeh sa: tokali:x. Ma yowi na:..., i:n tikitini i:ka *faena**. Pos a:mo o:tlaxtlá:..., a:makin kintlaxtla:wihtok. Ahá Wa:n ya ye:n o:kalak n *toPRI** n a:xka:n, ne:ni:n, Placido yeh milá:k yo:pe:h n kintlaxtla:wí: Wa:n oksiki:n. Mm, nió:n *por eso** o:kinikiah. *Por eso** yo:'tlaxtla:wkeh wehka nikilwí:. Ka:n tla: [oh]kó:n, tla: ohkó:n niknikih ma n'tlaxtla:w.... Tos xne:chkopili:ka:n n tomi:n wa:n neh nia:tlakwiti:h mahtiki:lo:ya:n Ka:n ti..., timitstlaxtla:wi:skeh, timitstomi:wí:. Wa:n *como** simi *lio** o:tipe:wkeh ya. Yo:yo:lki n *PANista** ya yeh yo:te:chpale:wih. Ahá. Neh nikihtó: no: te:wa:n o:nitlahyo:wih. Nika:n nioh nimowits..., niwihwitsto:kati:h ni:.... Ne:n nikilwihtok, ne:n, nowe:wetsi:n nikilí: n, "Te:wa:n o:titikitkeh." O:..., ma:s iskia xa: xne:chtihtilchi:waka:n pero tehwa:n o:titikitkeh. Ne:chtihtilchi:wte:wah. Pos ma nioh ma nite:tlamakah. Ahá. No:n sa: ihki tia:skeh ma n ti..., tia:mike[h] . Mm. ¿Wa:n x o:wehka:h n o:kehko:ltihkeh nompa ya kalihtik? Pos yo:..., yo:..., yo:pe:h san ok kimantinemih yo..., ne:n n *tubo** n kahkalah. Sa:te:pan kehtowah kachi ya *mejor** a:xka:n xkita sa: tocha:n tia:tleh. Ahá. No: o:pe:hkeh san ok ohohtli. Pero i:k te:chahwah ma:s t'tsab'ili:ti:weh n toa:w N tla: a:kin ompakah i:kal, mitsahwa keh ke:nihki n pe:wa tsahtsahtsi. Mm. Wa:n sa:te:pan sa: tocha:n. Pos sa: te:wa:n tla:mo t'tsab'iliah. ¿Wa:n ma:x ke:man no:, no: o:momachta:yah o:b'i:kayah? Xa: pa a:mati tikita n a:xa:n kateh b'i:kaneh. Kateh b'i:kaneh mal kanah poliwih. ¿Wa:n no:n ke:n ki:sasniki yeh b'i:kah? Xa: wili:ka b'i:kas *como** ya ohkó:n wa:lahtok. Kimateh b'i:kah, wili:ka b'i:kas. Ma *hasta** no: ne:chkaktok o:nib'i:kaya, o:te:chwi:katinimia n *cura.** *Ticanta:rowah** para mochi:wa se: *fiesta**. *Por eso** n o:tikatkah *ticatequistas** noih[ki]. ¿Tiwili? I:tich ma niwili, niwili. Ma:s yeh tih.... Tikita tite:chpa..., te:chpatlatiweh. A:xka:n a:kmo tib'i:li:skeh ke:me:n ko:koneh b'altsi:n b'i:kah. Mm. ¿Katle:yeh ke:meh no:no:n nochi ke:meh tle:n yeh kachi o:mits..., o:mitsyo:lpa:kta:ya? Wi:n mal ma kanah *niestudiante** tla: *hasta** n'mati tle:no:n *canto** n ni:k no:no:n ya mitsne:xtilihtokeh tle:no:n *canto**. Kipí: x'sa:lo ich motsontikon. Xke:wa. Sa:te:pan ya mitsili:skeh xb'i:ka pos ya kipí: tib'i:kas. Ahá. ¿Ax no: namiakeh no: o:nankatkah? Siki yo:mihmikkeh wa:n, Siki ok kateh ok katki Margarita wa:n tikita Raquel, ah. Yo:polih ka:n ok neh Tomi:nkah. Yeh a:mo wili n b'i:ka i:wa:n oksé: siwa:tl katka no: ohkón a:mo wili n b'i:ka. Tle: tiwilih ye:n o:tiya:yah. ¿Wa:n nika:n ka:n wa:lahtok n a:tli max, max ke:man a:kin ompa o:tlakoyokkalak *cristiano**? Ma no:, no:, no: tikalakis. Neh se: *viaje** nin..., ni..., nin..., niyahtok ohkó:n. Ompa wa:lkichki:stok wehxo:lo:tl. San nimoyo:lwia a:mo nia:tli:s ma ompakah wehxo:lo:tl. Ihkí:n i:tich n *tubo.** Ahá. N ohkó:n. ¿Tla: ohkó:n, a:mo ke:man ompa o:tikoni:k a:tl? A:mo, o:nimomohteh. ¿Xnochipa n i:k ompa o:tipanowa:ya? Wa:n nochipa nompa o:niya:ya. Ompa o:kipo..., ki..., ompa o:ka:ntoyah tla:li i:ka *empeñado siempre** ompa nioh. O:tia:yah. I:ka tlahko Rocete *como** [om]pa kipiah intla:l. Ma *siempre** ompa o:niya:ya. Ah. ¿Tle:no:n oksiki o:tikilna:mikia xine:chilwi. Pos tle:no:n nikehto:s keh nikehto:s tle:no:n okachi ok poliwi ya b'ali timono:no:tskeh. A:xa:n ya tiwa:lchika:wtiwi:ts kachi yi tikpia xiwitl. ¿Tle:no:n o:tikwa:litaya tiwa:lpano:tiwi:tseh? N'niki nikakis. Tle:no:n ma xa: san nimi:xtlawi:tikis san. Tle:n ni..., nika:ntiki:sa titl no:no:n [...] Tinintokeh yeh sa: tinihnib'iltikeh. Ahá. A:mo ke:man o:tiki:s tite:ma:tla:ni i:k wehka. ¿Ma tle:no:n n'chi:wati:h? Hmm, wa:n tle:n kimahmateh xa: yoweh man .... Neh a:mo ke:man ka:n o:niki:s. Wa:n tle:n ni:ni:n ne: yakin no: o:nipe:h nikita. ¿Wa:ltlapano:ltihtiwi:tseh i:ka totahtsi:n. ¿Ke:nihki mochi:wa no:no:n? Eh, no:n oksipa a:mo n'mati. A:mo n'mati. ¿Nikita siki tlasiliah ke:n ihki n kichi:wah? A, po no:n no: kipiah *comunión** wili:ka ohkó:n. Pero pos keh kite:mowah Dios pos, tla: kilna:miki pos yo:tlasileh *porque** i.... Ohkó:n *costumbre** pos, kilna:mikih Dios wa:n tle:n a:mo .... Neh [o:]nikitak se: siwa:tl. A nioh ma ma:s kinikeh ma timi:xihb'ilo:ka:n yeh, a:mo, a:mo wili san, san ma:sowa san ihkí:n. Wilis no:no:n kipolowa *comunión** a:mo ke:man ki.... No:no:n tla: tikpias *comunión** .... Tehwa:n o:timochi:hkeh, o:t'chi:wkeh *comunión** o:kipiaya i:kne:wa:n *cura**, neh, ohkó:n ye:n te:chmachtiah. Oksipa no: o:timochi:hkeh no: *timadrinas** oksipa ya tehwa:n [o:]tikinchi:wila:yah n ichpokameh. No: o:tikintlaokola:ya inkich[k]e:n n o:katka *como** nochi tokichke:n. Pos oksipa ya tehwa:n titlamachtiah. Tla: ohkó:n teh o:tite:ma:ki:xta:ya i:ka no:n ilwitl. Ahá. *Por eso** ohkó:n. Yi kitah tehwa:n i t'chi:wah. Tos oksipa kehtowah namehwa:n ka:n oksipa ya *nanmadrinas** [ma] mochi:waka:n. Ma:s nanko:koneh ya, yi tiwe:ihtsi:n. Tos oksipa x'machti mo..., moichpokaikni:h. Ahá. Pe:wah no: yi tlatsili:ntikah tikehtowah a:xka:n, a:xka:n ya pe:was n *doctrina**. Ahá. Ohkó:n, no:no:n ohkó:n. ¿Wa:n tle:no:n kachi kimine:xtiliah n teo:pan ohkó:n pe:wah yoweh? *Pues** teo:tlahto:l, ma mi:xehb'ilo:ka:n pos ohkó:n wa:n, wa:n no:n tle:n tikita kineh..., n tle:n a:kmo kinekih para ni:ni:m. Tehwa:n o:tikitakeh se: *tocomadre** a:mo o:kipa:ktih ki:meh ni:ni:n. Tikita tlayekohtok *mayordomía** ma yeh. Ma yeh tla: kita *santo** san ihkí:n. Sa a:mo, a:mo kitas. Ahá. Wa:n tos yeh nikilí:, "*Tocomadre**, ¿mal ke:n yeh mitsmohtí: i:n n i:ne:ska:yo?" Kehtowa, "Ne:n, n i:ne:ska:yo katki ilb'i:kak. N tle:n nika:n no:n a:mo *por fuerza** tla: *hasta** ka:mpa tit..., tikpo:wtos moxa:yak time:xihb'elohtos". Nikilwí:, "Ma n ohko:no:n". Mm, milá:k oksé: *cuenta** t'mati. Ohkó:n. Wa:n tla: ohko:no:no:n tle:n kisiliah n totahtsi:n tikita tikcha:mpixtos se: xiwitl. ¿Ke:nihki mochi:wa? Pos a:xa:n no:n ye:n xkehto keh .... Ye:no:no:n *por eso** n tla: kilna:mikeh tikita n a:xka:n a:kmo kinekih *mayordomohtiskeh** yeh tikita. N tla: i:kone:h mach *hasta** tlawiyo:ntok n tlatsotsontokeh wa:n n tla: no:no:n tikit[a]..., keh ok kinekih, a:kmo kinekih. ¿Wa:n teh ke:n tikita [a]x b'altsi:n o:mowa:lchi:wta:ya okachi ya achtoh? B'altsi:n. Ah, b'altsi:n wa:lah..., no: o:wa:lahtí:.... Tle:no:n [ma] tikihto:ka:n ya ihki *tlaporowehtitik** sa: katkitl. Xa: wili:ka n tle:n tlana:nkiliah wili:ka no: sa: ihki. Ma:s sa: tlahtlahmahtsi:n xa: ohkó:n wa:..., wa:lahtok. No:ihki tikita a:xa:n a:kmo kinekih. a:kmo nochi kinikeh kichi:waskeh. Ahá. A:mo kinekih tli..., ke:meh se: siwa:tl n kehtohtokeh O:tlahtlanawatih pero ma:s ohkó:n, ma:s o:tlanawatih pero, n a:kin o:kisilih kipí: sa: ihki. yo:kite:b'i:lihkeh. Ahá. Wa:n no:n ohkó:n mochi:wa tle:no:n, tle:no:n kachi kichi:wah, tle:no:n kite:wa:ntiah max kintla:liah yo:lpa:kineh ¿Ke:nihki? N tle:n kipí: yo:lpa:kineh pos wili:ka ohkó:n. Wa:n tle:n a:mo tos yeh, yeh kimatitl. Kitstok tle:no:n wa:lah[tok], tle:no:n kichi:was. N tle:n i:..., i:tlapowalyo kipí: n tle:n kimpa:ktí: kitla:liah n pa:kinih. Ahá. ¿Wa:n tle:n no:n kimpí: no:n yo:lpa:kineh, ke:meh tle:n yehwa:tl totahtsi:n, tona:ntsi:n, tle:n yeh? Xa:mo ye:n ne:ni:n, n agosto tona:ntsi:n. Agosto wa:n wa:lahtok *sacramento.** Wa:n i:wa:n panowa *corazón** de Jesús wa:n *señor** San Antonio. Yehwa yi ye:n kipiah. Ahá. A:xka:n, ah, wa:n tikita *virgen** de Guadalupe no:ihki no: kimpí:. ¿Tla: ohkó:n *santohtsitsi:n** a:mo nochi ki..., kitla:liah? A:mo *parejo*. A:mo, ke:meh tikita ne:ni:n motla:liah *apóstoles**. N *semana santa** no:ihki no: kipí:. Ahá. Kipí:, kilia n a:mo, pos kichi:wiliah i:misahtsi:n tio:pani. Wa:n no:n tle:n tikilwihtok kachi we:i.titok *como** o:pa n panó:. Wi:n tla: ihki, sa: ihki ma yeh n ohkó:n *tocostumbre** ohkó:n wa:lahtok. Ni: nochi ohkó:n se: kihyo:wí:, kipí: sa: ihki t'matok ni:k ohko:no:n. Titlakamatsab'tok man tehwa:n o:te:chchi:waya se: we:weh te:ch..., te:chpihpi:na:wtí:. Pos milá:k o:ti'tlahtlankeh t'nikih, t'nikih wili:ka ma mochi:wa para ma mokamatsab'. *Burrohtik** n te:chpe:waltí: tsahtsitok kehtó:. [A:]mo tipi:na:wineh wa:n yeh max keh, nn, ke:man *o:mayordo:mohtik** a:kin o:te:chi:xahwaya. O:..., o:komakayah, o:kil..., kite:ilwia kil tla:mo o:kinik.: Ah, ni:k *burro** ihb'a:k o:kahsito kehtowah. "No: ke:n om..., ompa te:wa:n powi n *campo santo**. Ihb'a:k san a:mo kiniki 'te:b'i:li:s, kilia ihb'a:k o:kahsito kil ompa ahkitswitstok, oksipa yeh ya mi:k. No:n *mocastiga:rowah** tle:n ohko:no:n. Ahá. *Mocastiga:rowah.** Ohkó:n. B'altsi:n nikaki motlahto:l yo:tine:chno:no:ts. *Por eso** n name:chilihtok, ma nib'e noxih nikita ne: nikahahsis. Ke:mah tlasohka:mate. Ah, te:..., te:chtlapohpolwi:ka:n a:mo tle:no:n nika:n *o:titlahtole:rohtikeh**. Nehwa:tl noto:ka: niMaría Concepción Robles Fernández. Nocha:n nika:n municipio Tepetzintla. ¿Tehwa:tl tle:n moto:ka:? Ma tikita nimitsilwihtok. Pascuala Téllez Allende. ¿Wa:n teh?