O:niwa:lah tokoma:lehtsi:n n'niki nimitstlahto:lti:s, ¿Ma n tehwa:tl max tiki:xmate n pachkilitl? Ah, ke:mah niki:xmate. ¿Ka:ni:n mochi:wa? Mochi:wa ich n, ich n tipe:tl, n ka:no:n i:mi:lah mochi:wa ompa. ¿Wa:n teh ke:nihki n tikto:ka:yo:tí:? Ah, ohkó:n i:to:ka: pachkilitl. San ohkó:n kilwiah. ¿Mochi:wa max san i:tlapowalo *o** san nochipa? Pos san i:tlapowalo ihb'a:k n mi:lowah wa:n, wa:n tla: yo:tlaki:s i:ka n sintli ya ihb'a:k ya ompa pawitsi no:no:n xiwitl. N tla: ohkó:n mochi:wa i:tich kohb'ohyoh Tla:lpan mochi:wa b'altsi:n wa:n ni:k b'altsi:n we:lik, we:lik ke:meh, i:wa:n ihki ne:n wa:wkilitl n we:lik, ohkó:n. ¿Wa:n ke:nihki moposo:ní:? Pos tikposo:ni:s san tikmanas i:ka ko:mitl tle:no:n tikpí: titlaposo:ní: ye:n i:k tikposo:ni:s. ¿Max moye:kchi:wa *o** san ohkó:n mopantla:sa? San ohkó:n i:k tikb'is wa:n tpahpa:kas wa:n tikposo:ni:s wa:n yeh wili:ka mochi:wa ke:meh san tlahtla:lpantik. Wili:ka siki sokioh. ¿Wa:n tla: tle:n yo:chihchika:h max te:wa:n moposoní:? A:mo sa ye:n tle:n ke:meh sihsilik. ¿N tla: ohkó:n sa ye:n is..., n i:yakasilika? Ompa ya se:kichi:wtok wa:n siki sa: kostik a:kmo i'bsi sa: chikaktik. Ah. Nochi mochi:was ye:n tle:n yakin ihkí:ntsi:n nihnintok sihsilik. [...] b'ali n ayamo yeh poliwis i:wa:n teh. Ke:meh ya we:weh a:kmo ib'sis sa:, sa: keh sa: tlalwatik a:kmo wili xib'a. Neh nikmate n ka:mpa momati mo..., mochi:wa melá:k *hasta** aha:katik. Ah, ke:mah *hasta** keh no: i:wa:n, keh no: *hasta** sihsiltik noso mochi:wa. N tle:n yakin no: yakin yo:ltok pos yeh yakin nihnintok b'altsi:n ok sihsilik. Wa:n tle:n ke:meh ya yi wehwei[x]tok ya se..., kose:wi a:kmo, a:kmo b'ali. ¿N tla: ohkó:n keh tle:n simi n tlapowal mochi:wa? Pos i:tich n noso ne:ni:n octubre, ihb'a:k n ok *todavia** mochi:wa. *Vaya** se:mi:lowa wa:n ya se:tlapixka. Ya yehwa:tl ompa yeh ye mochi:wa no:no:n xiwitl. Neh ohkó:n no:n nitikiti a:xa:n ni:ni:n ich n, ni:ni:n tlapowal. I:wa:n octubre ya katliyeh ya pe:wa pawitsi no:no:n xiwitl. Tiá:s mo:stlah. Tla: ohkó:n ke:meh sehse:xiwtika. Se:xiwtika ke:meh tle:n se:mi:lowa. Wa:n tla:mo mi:lihtik, a:mo mochi:wa. ¿A:mo san ka:n ya wili momati? A:mo momati, a:mo mochi:wa. Wa:n *como** neh b'ohihtik mal ke:nihki yo:lis kilitl. ¿Max no: xo:chiyowa? Xo:chiyowa, kipia i:xo:chio. ¿Ke:nihki n tlamati? N i:xo:chio ista:k. ¿Wa:n tla: yo:xo:chiyowak max ok we:lik ke:n moposo:ní:? A, a:kmo, a:kmo mits..., [ni]mitsilwia a:kmo we:lik a:kmo mob'a *como** yeh sa: chika:wak. a:kmo ib'si n ohkó:n. Tla: ohkó:n ihki nikmati. Wa:n tle:n ke:meh ok, ok sihsiltik yakin nihnintok ke:meh yo:ltok yeh melá:k b'altsi:n ib'si. Tla: ohkó:n, tlasohka:mati yo:tine:chno:no:ts. B'ali, b'ali na:nah. Nehwa:tl noto:ka: niMaría Concepción Robles Fernández. Nocha:n nika:n municipio de Tepetzintla. ¿N tehwa:tsi:n tle:no:n moto:ka:? Ne:chiliah n ke:nihki noto:ka: María Concepción Ibañez Malpica.