Tehwa:tsi:n ti... [e]kintsi:n tiknekih xite:chno:no:tsa ke:ni:w kichi:wah se: kali nika:n San Miguel Tenango *o** ke:ni:w kichi:wayah ne: achtoh. Achtoh nika:n i:n kalimeh o:katkah a:mo ke:meh a:xa:n. Achtoh n kalimeh o:kinchi:wayah simi tlámanten. O:kinchi:wayah i:ka kalikximeh o:kintikiah i:n, i:n pomeh neh, o:kpihpinayah tle:n okachi chika:wak. Wa:n tle:n okachi chika:wak siki pomeh i:to:ka:, eh, tiposa:wa:tl. No:n tiposa:wa:tl wehka:wah tlailiwis. Wehka:wah tlailiwis i:n, i:n kalikximeh. Wa:n nihki o:kte:mowa:yah ke: ktikiskeh ihkwa:k i:n, ihkwa:k i:n me:tstli ma i chika:wak. *Porque** tla: a:mo me:tstli a:mo chika:wak, niman okwilowa *o** niman pala:ni n, n kalikxitl. O:ktikiah no:n, no:n kalikxitl wa:n o:kinxihxi:mayah *porque** kihtowah tla: i:k..., tla:, tla: [i]kka:wah i:wa:n, i:wa:n i:kakawyo, ahá, i:wa:n i:kakawyo tla: kka:wah i:wa:n i:tlaxi:pe:walo, a:mo wehka:wa. Niman okwilowa. I:ka no:n o:kinxihxi:mayah nochi o:kki:xtila:yah ni:n, n intlaxi:pe:walo. Wa:n no:ihki o:kinte:mowa:yah n tlapano:kyo:meh. O:kinte:mowa:yah nehki n, i:n, i:n tlapano:kyo:meh o:kinte:mowa:yah n kwilo:meh, o:kinte:mowa:yah nochi n, n tle:n yaweh tlatsi:ntlan tla..., n tlapichten de tlatlampa, para, para ikchihchi:waskeh nochi no:n ka:mpa iktsihtsiko:skeh i:n, i:n powitl tle:n iktla:li:skeh. Achtoh o:ktla:la:yah i:ka pomimil. Pomimil o:kte:mowa:yah o:kxihxi:mayah i:ka *acha** tipitsi:n. Noso o:k..., o:ktikiyah ohkó:n mimiltik tle:n mihmilastik. O:ktla:la:yah ohkó:n wa:n o:kpihpipichowa:yah. Tla: simi kanah tlakohkoyoktik o:kchihchi:wayah para iktsi:ntsakwah o:kchihchi:wayah o:ktla:lila:yah sokitl. Sokitl o:kchihchi:wayah wa:n o:ktla:lila:yah sokitl, para a:mo ma kalaki n ehekatl. Wa:n ya ihkwa:k yo:kmanayah n kalikximeh nochi i:n, i:n pomeh tlapano:kyo:meh n kwilo:meh nochi i:n, n tle:n ikwi:ka pani n. Ya iktla:liliah o:kpantsakwayah i:ka sakatl. Ahá. N sakatl nochi no:n o:ktikiyah, o:ktikiyah wa:n o:ktlaolo:chchihchi:wayah o:ktlaolo:chilpa:yah. Wa:n o:ktlatiwa:yah ohkó:n wa:n ikka:wah ma keh, ma kwitlawi wehka:wtsi:n ke:meh se: chikwe:y to:nal wa:n ompa nochi o:k..., o:..., o:k..., o:knichikowa:yah wa:n pe:wa iknipanowah. Iknipanowah kwaltsi:n, iknipanohtiweh nochi ne:kah, ne:kah, eh, sakatl, sakatl kwaltsi:n ni:k o:kwa:ltlahtla:la:yah kwaltsi:n ne:kah sakatl, wa:n ohkó:n tlahtik o:moka:waya kwaltsi:n. Wa:n o:kilpihta:yah nochi, nochi o:kilpihta:yah i:ka pomikatl. A:mo o:kilpa:yah ke:meh a:xa:n n katki *o** a:xa:n katki *alambre** katki nochi no:n, achtoh nochi i:ka pomikatl o:k..., o:kihilpa:yah nochi n *hasta** ka:mpa *o** nn, nn, *hasta** ka:mpa, nn, kwilo:tl o:mopatilowa:ya. A:mo o:katka tle:n i:ka kilpi:skeh *o** tle:n i:ka ktla:lili:skeh iktsiko:skeh i:ka, i:ka nochi, i:ka, eh, i:ka pomikatl o:ktla:la:yah. Nochi wa:n kwaltsi:n o:..., o:katkah kwaltsitsi:n no:nkeh kalmeh. Neke..., o:wehka:wayah tlailiwis wa:n a:mo, wa:n a:mo, a:mo o:katka tlatoto:nia tlahtik. A:mo tlatoto:nia kwaltsi:n tla..., tlae:kawilah. Wa:n kwaltsi:n okachi keh se:kmachi:la:ya, okachi se:mose:wia tlahtik kwaltsi:n. Sa:te:pan de no:n yo:mopatlak oktlamantli. Yo:k..., yo:ktakeh oksiki n tokni:wa:n tle:n, tle:n, *este**, yo:pe:w ikki:xtiah *tabla** pero ya oktlamantli wa:n oksiki kinto:ka:yo:tiah, ne:ne:n, mach *cuartones** tlam..., tle:n tlatlampa yaweh, tle:n ka:mpa tlaksatiweh. Kinko:koto:nah, kinti:tikih nochi n na:wka:n, na:wka:n kinti:tikih. Nochi ma tto:ka:n i:yakapan na:wka:n den mochi:wa ke:meh para se: *cuadro** mochi:wa. Nochi kinti:tikih wa:n tle:n kinmanah achtoh tle:n o:katkah ke:meh kalikximeh, nochi, nochi kimanah. A:xa:n ya m pohtsitsi:n tle:n kintikih, nochi kimanah kimih..., kinkoyo:niah no:ihki, ne:n, ne:n, nn, tlayekapan ka:mpa kintikih ke:meh para monipano:skeh kwaltsi:n. Kinkoyo:niah wa:n ompa kiwa:lmanah. Kiwa:lmanah wa:n tlakpak no:ihki kiwa:lmanah, kiwa:ltlahtla:lilia kwaltsi:n kiwa:lti:tikih no:ihki kinmihtikoyo:niah. Wa:n kimal..., kiwa:lmanah. Wa:n nihki ka:mpa n kalte:ntli no:iwki ikchihchi:wah kwaltsi:n ke:nih para, para n kalte:ntli ma moka:wa ye:k kwaltsi:n kwa:l..., kwa:lxihxi:mah kwa:ltsin kwa:lxi:tlatsowah. Wa:n kwaltsi:n kwa:lyehye:ktla:liah para ma moka:wa kwali. Ya ahkowi:k kintla:liliah i:n, n *cintas**, *cintas o** n kwilo:meh. N yehwa:n, san yehwa:n no:iwki wa:n kintla:liliah nochi. Sa:te:pan yo:ki:s i:n, i:n *cartón**, i:n cartón wa:n pos ya ktla:liliah. Iktla:liliah ya ke:nih *medida** ik..., iktamachi:wah nochi ke:nih n tle:n *tanto** wi:ts i:n *cartón** noso tla: ktla:lili:skeh *teja**, no:iwki san ikti:tikih. Iktiki, *bueno** k..., iktsikowah i:ka *clavo**, iktsikowah, tle:n *tanto** wehka ikta:tamachi:wah nochi no:n para kitah tle:n *tanto**, para ihkwa:k iktla:li:skeh i:n, i:n *teja** a:mo ma i simi wehka, *o** simi sansika:n nitichiwtok. No: keh ma i ke:meh, ke:meh moniki ktla:lilihta:skeh. No:iwki nochi no:n ikchihchi:wah wa:n iktla:liliah, eh, inxotlapich tlatlampa tle:n i:to:ka: *tarima**. Nochi no:n kwaltsi:n kwa:ltlahtla:liliah kwaltsi:n kwa:l..., kwa:ltla:liah nochi i:ka pomeh ki:xtlapaltla:tla:liliah para tlatlampa para i:pan ikpipicho:skeh i:n, n *tabla** para a:mo tlaksaskeh i:tich i:n tla:li ke:meh iski tla:lsise:ya. Wa:n ahkowi:k ya ktla:liliah n tlapantli. I:n tlapantli no:ihki ohkó:n den *cuartones** tle:n kwi:ka, ikwi:ka *cuartones** i:n tlakpak, ka:mpa tlaksata:s nochi i:n *tijeras** nochi i:n, eh, ka:mpa motsihtsikohta:s nochi no:n. *Porque** kwi:ka se: mach i:to:ka: *solera**, wa:n tlakpaktsi:n oksé: i:to:ka: *sobresolera** ka:mpa tlaksatiweh. Se: tlakpak tle:n okachi oksiki pomeh i:to:ka: mach *tijeras**. Ahá. N tlakpak tle:n mokwa:patilohtiweh, nochi ompa [i:]k tlahkoya:n ktla:liliah tlahkoya:n se:, se: pohtsi:n ke:meh kalikxitl o:iskia *nada más que** to:ktok i:tich *mismo**, tlakpak se:, se: i:to:ka:, em, eh, kiliah mach, *este, zapata o** ke:nih. Ihkó:n, *bueno** [oh]kó:n itki:xmatih *zapata** ktla:liliah ikkohkoyo:niah wa:n ompa iktla:liliah siki keh kalikxitsitsi:n para ya ompa, ompa ya ke:meh se: powitl wiyak, tle:n i:to:ka: no:ihki kiliah mach *caballete** pani. Ya, ya kwi:ka ka:mpa tlaksatiw nochi n *tijera, cinta** tle:n ya kahkokwi wehkapan. Wa:n nochi no:n ya kchihchi:wah ikye:ktla:liah para kwaltsi:n ya moka:wa wa:n mota ya okachi oktlámantli, ya mota, ya, ya okachi a:mo keh achtoh, o:katka o:se:k..., o:se:ktaya den sakameh *bueno** den sak..., sakakalmeh. A:xa:n ya yo:kpatlakeh de no:n, de no:n kali de o:kpatlakeh de, de *cartón**. Sa:te:pan yo:kte:mohkeh no:ihki yo:kpan..., para kpantsakwaskeh. Yo:..., yo:kki:xtihkeh n koyo:meh no:n tiposkal, n tipos.... *Bueno**, n *tiposcartón o** tipos, tipostli tle:n i:ka wili se:kpantsakwa. Ya oksipa ya wili i:ka ikye:ktla:liah. Wa:n ya de nochi no:n yo:mopatlatah yo:ahsik *hasta** n to:nal, a:xa:n ke:no:n *casi** mochi:wah, pero a:kmo okachi mi:k. A:xa:n n tokni:wa:n yo:pe:wkeh tla:, ikyo:lwiah para okachi a:kmo sikwiskeh, para okachi, okachi iski chika:wak, okachi iski kwali *porque** m powitl nochi tle:n o:kkwiah, ahsi to:nal, eh, pala:ni. Noso ahsi to:nal nochi yo okwilowa. Wa:n de yo:okwilowak wa:n yo:pala:n, *pues** a:kmo, a:kmo *sirve**, a:kmo, a:kmo chika:wak. Witsi. I:ka no:n n tokni:wa:n yo:kyo:lwihkeh *mejor**, kitah ke:meh noksiki *lados** ya ka:mpa koyo:kalmeh *o** koyo:pan ya ik..., ik..., ik..., ikkowah, ya oksiki k..., tle:n o:kki:xtihkeh i:n, i:n *tabique**, noso *block**. Yehwa tle:n a:xa:n okachi i:k ikchihchi:wah n tokni:wa:n n inkalwa:n. Ahá. Ikchihchi:wah *desde** tlatsi:ntlan, ikchi:wah iktla:liah se:, se:, tla: n se: k..., n iknipanowah titl, ke:meh ikwi:pa:nah titl. Tlatlampa i:to:ka: *cimiento**. Ikwi:pa:nah nochi n titl. Wa:n ompa n ikchi:wah ke:meh *cuadro,** *más bien** ikchi:wah *cuadro**. Nochi kwip...., ikwi:pa:nah ikye:ktla:liah no:n, wa:n ompa *cada** tlahtlate:nko iktla:liliah siki ke:meh achtoh tle:n o:katka kalikximeh, a:xa:n i:ka, i:ka *material** i:to:ka: *castillos**. Ahá. kwa:la:liah wa:n no:iwki ka:mpa ikpe:walti:skeh, ka:mpa ikpe:walti:skeh iktla:li:skeh m *block** noso n *tabique**, iktla:liliah se:, no:ihki siki típostli para ik..., iktla:liliah *cemento** wa:n, wa:n, wa:n *arena** wa:n *o** xa:li wa:n, [ik]tla:liah n *cemento** n xa:li wa:n titl. Tíkwe:chtli para ikma:nilowah sansika:n, wa:n iktla:liliah para ma chika:wi, wa:n ompa ya ikpe:waltiah. Wa:n n tlakpak nochi ya ompa ikpe:waltiah n, n *block o n tabique** ikpipichowah. Tla: iktla:liliah, *este, ventana** ka:mpa na:ltlachiaskeh *o** iktla:liliah tle:noh, itlah tle:n ke:nih iktlasohtlah ikchihchi:waskeh ya ikchi:wah no:n. Wa:n no:ihki ya kwa:lsinkitsah wa:n mochika:wah i:tich i:n, i:tich i:n *castillos o** n *esquina o** ne:n tlahtlate:nko ka:mpa mo..., motsikohtiw. Ompa ka:mpa kwa:lchika:wah ompa no:ihki iktla:liliah n cem..., i:n *cemento** wa:n xa:li wa:n titl. Ikma:nilowah wa:n kihtiakiliah, kihtitla:liliah para okachi chika:wi, para okachi chika:wi wa:n, i:ka no:n okachi ya, ya okachi panki:stik ikpanki:xtiah tlakpak. Ya no:ihki oksipa iktla:liliah oksé: i:to:ka: mach *cadena**, tla: kihki:stok kanah para kalte:nko. *O** ki:stok ke:meh para ikpias kali:xtli. Wa:n ompa ya iktla:liliah ohkó:n wa:n ya sa:te:pan. Iktla:liliah n, iktla:liliah ke:meh o:iskia ke:meh ikpantsakwah motaskia ikpantsakwah i:ka, i:ka, i:ka powitl, i:ka *tabla**. I:k, i:k ki:x..., i:k ki:xma:tla:nih i:ka, i:ka siki pomeh i:to:ka: *puntales** para tlakpak ikso:wiliah n, kati n típostli tle:n i:to:ka: *varilla** wa:n ompa kihilpiah. Wa:n ompa kte:n..., tlate:n i:tlate:nko iktla:liliah pohtsitsi:n, para ke:meh, mm, para a:mo xiti:nis ne:kah tle:n iktla:li:skeh n *cemento**, n xa:li wa:n titl. Para *con eso** keh chika:wi no:n ikto:ka:yo:tiah no:ihki *losa**. Tos nochi no:n kwa:lchihchi:wa kwaltsi:n o:ktakeh nochi no:n, *porque** i:tich n koyo:pan ka:mpa wehwei ya a:ltipe:meh nochi ikpiah no:n. Wa:n nochi no:n simi kwaltsi:n para n tokni:wa:n a:mo sikwih n tokni:wa:n a:mo. Ma:s to:na okachi a:mo, a:mo *igual** to:na wa:n a:mo, wa:n a:mo simi, eh, to:naltlatlah okachi kwaltsi:n, ki..., kitstiweh nochi no:n ke:nih okachi cha:nchi:waskeh kwaltsi:n wa:n tlahtik iktla:liliah ne:kah. *Pues** nihki n titl n xa:li wa:n *cemento** para kwaltsi:n moka:wa, n iktla:liah i:to:ka: *piso** ka:mpa para tlaksaskeh okachi kwaltsi:n ya mota keh koyo:pan. Mm. Kwaltsi:n. Nika:n no: tikitanih tehwa:n ne: tio:pan i:ka:n se:, mahyá: pepechiwtok tet pero a:mo i:ka *cemento**, a:mo tikomati to:n i:ka kipepechohkeh, żsokit? Ah, ya wehka:w, ya wehka:w o:..., o:kchi:wayah no:iwki kalmeh, ah, o:kchi:wayah, o:kpipichowa:yah titl. Pero a:mo o:kpipichowa:yah i:ka, i:ka *cemento**. Kwa:ko:n, a:mo kwa..., xa: ke:mah yo:katka pero o:katka wehka wa:n simi itik para ikme:me:skeh. Eh, si..., simi itik para kwi:kaskeh wa:n ihkwa:k ayamo o:katka, eh, *carretera** iyamo o:katka *carro** para kwi:kaskeh i:ka, o:kpipichowa:yah nochi i:ka tínixtli. I:ka tínixtli wa:n xa:li. Wa:n xa:li o:kma:nilowa:yah, mm, pero n tinixtli tle:n o:kchi:wayah, o:kchi:wayah i:..., i:k nika:n o:kpiayah ka:mpa o:kikwxita:yah *porque** n tinixtli ikchi:wah de nochi titl. Ahá. Ikchi:wah de nochi titl wa:n o:kchihchi:wayah nochi no:n, wa:n tle:n ya wehka:w o:kchihchi:wayah no:n, no:n tinixtli, okachi o:katka chika:wak. Okachi o:katka chika:wak. *Cuando** o:kma:nilowa:yah i:wa:n xa:li o:chika:wia *casi** ke:meh o:k..., ke:meh o:iskia iktla:liliah n *cemento**. I:ka no:n mi:kka:n ohkó:n o:kchihchi:wkeh. O:kchihchi:wkeh tipa:meh, o:kchihchi:wkeh ohkó:n n simi de ya wehka:w, ohkó:n o:kchi:wayah nochi n, ni:ne:n, n tínixtli a:mo o:kkowayah ke:meh a:xa:n kwa:li:kah i:ka a:matl pi:ktok, *sino que**, o:kwa:li:kayah nochi i:ka titl noso ka:mpa o:kchihchi:wayah, *pues** nochi titl ikwsik. Wa:n o:kma:nilowa:yah i:ka n a:tl wa:n yo:kpa:tlayah, wa:n ya kchihchi:wah no:n wa:n yo:ki:saya simi, simi, *este**, tsiktik. Ahá. Simi tsiktik wa:n i:ka no:n yo:tlapipichowa:yah wa:n o:kitayah simi kwali. Simi kwaltsi:n. Xite:chilwi moto:ka:y wa:n ni..., moxola:l Neh noto:ka: Jaime Hernández Juárez wa:n incha:nchi:wa nika:n San Miguel Tenango noa:ltipe:w. Wa:n inlo..., okachi incha:nchi:wa ka:mpa ka:n cha:nchan:..., incha:nchi:wa nika:n, Koxtla:waka:n, tle:n no:ihki powi nika:n a:ltipe:tl San Miguel Tenango. Kwali, neh noto:ka:y Ceferino Salgado Castańeda, wa:n niwa:le:wa ne: Cuetzalan, Puebla.