Kihtowa yehwa n tona:nah. A:xa:n yeh max yeh mokokowa. Mokokowa pos, ye:n *cuando** nochi i:xmiki. Nochi, nochi i:xmiki tli:le:wi nochi, nochi. Wa:n tos yeh wa:n san tlasise:ya, tlasise:ya wa:n ya mohka:mikih kia:nah salo:n *o** ne:n tiposkakawatl de, ne:n, tle:n kipia, ne:n, kilwiah *pescadonakatl**, pos yehwatl no:n i:kakaw n tiposkakawatl yehwatl pe:wa kitsili:niah nochi tlatsili:niah i:ka n salo:n wa:n pe:wa san mopi:tsa n ehekatl sisik. Pos momohtiah kihtowah n tla:, tla: i:xchipa:wi tos ok tinimiskeh wa:n tla: a:mo chipa:wi, pos i tipoliwiskeh pos a:mo tikmateh tehwa:n ke:ni:n, ke:ni:n n katki ne:n, ne:n me:tstli ke:ye:n ohkó:n mochi:wa, kihtowah mokokowa. No:n no: kahsi ke:meh se: kokolistli. Ke:me:n tehwa:n nika:n tinemih n tla:ltikpak timokokowah tle:nsá: tikmachi:liah te:chkokowa. Yi nitsahtsi ka:ni:n ne:chkokowa nikniki nimopahti:s wa:n yeh no: ohkó:n kihtowah mokokowa. Tone:wi. Ke:mah ne:n, ne:n, no: nikilna:miki ne:n, o:nikatka nitsohtsokotsi:n, ne:n, te:chilwiah, neneh, ne:n, ne:kah *tiempo** a:mo tle:n o:se:tlamowis[ow]a:ya i:ka n tiposmeh a:mo tle:n o:se:kmatia san tikitah neh pe:wa tlahtlayowa ya, yo:tlane:s oksipa yi nipantlah pe:wa tlahtlayowa pos ke:yeh, ye:n kihtowah ye:ne:n, ye:ne:n, ye:n to:naltsi:n tlayowaya:ntis wa:n, neneh, se:momohtia, se:mokaltsakwa, ne:n. Pe:wa yi tlahtlayowa, ne:n, tlahkah yi pe:wa tlahtlayowa. Wa:n ye:ne:n, n *pollohmeh**, itskwimeh pe:wah tsahtsih, tsahtsih no: mohka:mikeh. Wa:n, ne:n, *como** katki n tipostlatsili:na:nih, yehwa:tl a:kinó:n kimati tlatsili:ni:s. Yowi kilwiah, ne:n, tikiwahkeh ma, ma tlatsili:ni, pe:wa tlatsili:ne , tlanawatihtokeh *que** tle:no:n, tle:no:n mochi:was. *Como** ya tle:n to:nal a:mo o:katka n tiposmeh ke:nih se:monawati:s, pos se:..., tehwa:n se:kimatiah se:kinawatiah i:ka i:n tiposmeh. Tla: a:mo i:ka se: tlatopo:nalis no:n se:kmatok tle:no:n mochi:was. Wa:n pe:wa tlatsili:ne oksiki tle:n kipiah n tiposmeh pe:wah ktsili:niah n tipostli wa:n se: titl tlahtlatsili:ne. Wa:n tehwa:n *como** titsokotsitsi:n timomohtiah te:chilwiah ma timokaltsakwaka:n ma titlatsakwaka:n *porque** tle:no:n no:n mochi:wtok. Wa:n, ne:n, *como**, ne:n, tla:mo oksipa yi tiki:sah ti..., tiahkotlachiah para elwi:kak tikitstokeh ke:ni:n mochi:wtok, ne:n, ne:n to:naltsi:n pe:wa san nochi tli:le:wi, yo nochi pe:wa [o]kachi tlahtlayowa. Ti'matokeh tehwa:n tikitstokeh kwali. Tikitskokeh, pero, ne:n, n a:xa:n *como** ya tikpiah n tiposmeh titlamowisowah, i:ka n tipostli ompa nochi ya kihtowa *que** a:mo kwali se:kitas, ne:n, para tlakpak. Se:tlahkotlachias , a:mo se:ahkotlachias. Se:kitas i:tich, n i:tich n a:tl *porque** tla: se:kita ohkó:n para tlakpak se:tlahtlachi:xtok, neh a:mo kwali, se:i:xpoliwis o*** tle:no:n no:n se:ki:tski:s kokolis. Ma se:kita i:tich n a:tl. Pero ya tle:n to:nal a:mo se:kmatia tle:no:n. Se:k..., neneh, Sa: .... se:kitstok se:kahkoitstok, se:kitstok n ke:ni:n mochi:wtok ne:n, ne:n to:naltsi:n neh tli:le:wtok wa:n ohkó:n se:kitstok. Pos neh de no:n, de, de o:nimoskalteh, o:nikitak se: *viaje** n ke:n o:kwalo:k n to:naltsi:n. O:..., o:katka xa: ke:meh mahtlaktla ke:meh mahtlaktla *hora** o:katka. N te, o:katka pos ohkó:n tikitstokeh tlakwalka:n ke:meh, ke:meh *horita** kah mixtli ohkó:n san we:wehka. Wa:n neh san tlasise:ya san tikitl ke:meh o:tlakose:w. Wa:n mopi:tsa n ehekatl sisik. Wa:n neh tikitah ya ke:meh no:n tlakose:wtiw, ke:meh ya tlayowaya:ntitiw, ke:meh ya tlapoya:wtiw. Neh, a:xa:n tle:no:n pos *pasa:riwtok** tle:no:n mochi:wa. A:xa:n tle:no:n ten..., te:chmaka *o** tle:no:n kimaka ne:n a:xa:n ni:n to:nal. Wa:n ni:n *hora** nika:n tikateh ke:ye:n ihkí:n tlamochi:wa tikitah ye:n to:naltsi:n ya nochi keh ya tli:le:wtiw, wa:n eheka sisik, n ehekatl mopi:tsa. Pos tle:n nikimilwia ne:n nopilwa:n. A:xa:n nimehwa:n xka:nateh se: n, se: ne:n tiposkakawatl wa:n ne:n se: salo:n x'tsihtsili:ni:ka:n wa:n x[i]ahkotsihtsikwi:nika:n xipa:kika:n *porque a:mo** tik..., ma a:mo ma tikmakaka:n, tlaokol n toTe:kotsi:n *porque** yeh mokokohtok yeh to:ne:wtok. tle:no:n kimaka nompa i:tich n elwi:kak, pos a:mo ti'mate n tehwa:n. Tehwa:n nika:n tikateh nika:n ich ni:n tla:ltikpaktl. Ich ni:n tla:li a:mo ti'mateh tle:no:n mochi:was n *horita.** Nimehwa:n xitlatsili:ni:ka:n wa:n x[i]ahkotsihtsikwi:nika:n xipa:kika:n. Wa:n o:pe:wkeh tlatsili:niah i:ka n *campana** pero ihsiwka ma n tlatsili:ni, para monichikowah n tokni:wa:n tle:no:n mono:no:tsaskeh, tle:no:n mochi:was o tle:no:n, tle:no:n *te:chpasa:ros horita**. ka:ni:n ya tikitah kwali tlapoya:wi xa: ke:meh se: chikwe:y *hora** tio:tlak. N ke:n mota ya tlapoya:wi yo:pe:w n tsahtsi ne:n, ne:n kohtikolo:tl n poxkowil n *pajaros** nochi mohka:mikih yi tsahtsih pos, kitah ya n .... Nikimilwia wa:n a:mo xikitaka:n nimehwa:n ninko:koneh nintsokotsitsi:n *porque** nime:chi:xkoko:s ne:n, to:naltsi:n sa:te:pan xa: .... Yo kwali o:chipa:w xa: keh i:tich se: *hora** tio:tlak. Ya tikitah ya tlachipa:wi oksipa n, o:monahnaktihkeh n *pajaritos** n ke:n o:..., o:tsahsiah no: yo:momohta:yah. Wa:n nikimilwia n ko:koneh a:xa:n nimehwa:n xa: xipa:kika:n xiktlahtlani:ka:n Dios ne:n, n toTe:kotsi:n yehwa:tl ma te:chomaka n chika:walis ma tinimika:n. A:mo, a:mo ke:man ohkó:n ma *te:chpasa:ro** ma te:chomohmohti. Pos tehwa:n timomohtiah a:mo ti'matih tle:no:n, tle:no:n mochi:was n tla:, tla: o:kihtoh tla: ok o:chipa:w kwali wa:n tla: a:mo xa: ohkó:n ya tipoliwih pos, nochi se:kmo..., se:kita, nochi n ke:n tlamochi:wa. Ke:mah pos ya tle:n to:nal a:mo o:katka ne:n, ne:n tipostlamowisowa:ni a:mo, a:mo o:se:kmatia tle:no:n, mochi:was. Wa:n a:xa:n *como** nochi yo:te:chtlaokolih ne:n *gobierno** sehse: tipos pos ya timomakah *cuentah** tle:n to:nal tle:no:n mochi:was den, de to:naltsi:n o de me:tstli ox kiowis a:mo kiowis. Nochi se:'momakatok *cuenta** pe[ro] ne:ka:n *tiempo** ke:ni:n se:kimatis a:mo, neneh, a:mo, neneh, a:mo se:kimatia tle:no:n. Wa:n ne:n, wa:n neneh ohkó:n neneh o:tikitayah wa:n, tle:n o:kpiayah tlaihtiwihtokeh n siwa:meh o:kimilwa:yah yehwa:n a:mo ma ki:saka:n, ma i:ka:n kalihtik. Ma i:ka:n kalihtik wa:n ne:n, a:mo ma ti..., a:mo mat..., ma ki:saka:n kia:wak a:mo ma tlachiaka:n pos neh tle:no:n *kipasa:ro:s porque** neh tlaihtiwihtokeh. Wa:n tla: a:mo ne:n kone:tl a:mo kwali ki:sas tle:no:n mokoko:s *o** ke:ni:n no:n a:mo, a:mo yo:lis kanah. Ma:s neneh tlapialtsitsi:n yehwa:tl no:n se:kihtowa max, ne:n, tle:no:n o:kimchi:wilih, ne:n, ke:neh o:kwilowak ne:n totahtsi:n *o** tla:nah ye:n me:ts..., me:tstli yehwa:tl no:n neneh o..., ohkó:n, neneh, nika:n, nika:n *topueblo** yehwa:tl no:n se:kmatok ohkó:n, neneh, mochi:wa. Pos yeh ke:mah nochi kimihtlakowa ne:n tokni:wa:ntsitsi:n tle:n, tla: tlaihtiwiah wa:n tla: kitah pos moyo:li:tiah n ko:kone:tsitsi:n kichpiltsitsi:n pos a:mo, a:mo, kipiah n *aveces** a:mo kipiah inte:ntsi:n kwali, te:nkwahtsitsi:n *o** a:mo kipiah n i:ninipe:l. *O a veces** wi:tseh n ko:kone:tsitsi:n a:mo kipia i:ma: *o** wi:ts, *este**, *o** mila:k ka:mpa kichi:was n *baño** nochi tsakwtok nochi pos yehwa:tl kimihtlakowa n me:tstli. No:n kihtowah ma, ma kpiaka:n *cuidado** n tokni:wa:n ma:s *hasta horita** n topilwa:n tikimpia *o** toxwi:wa:n ma tikino:no:tsaka:n *cuando,** kwalowa n me:tstli mokokowa n tona:nah pos a:mo ma kitaka:n ma, ma , ma kitaka:n i:tich ne:n, a:xa:n kihtowah yo:te:chtla:kolihki n *gobierno**, ne:n, max neh *televisión pero antes** m..., a:mo o:se:kpiaya nió:n, nió:n *por telefono**, nió:n a:mo o:kmatiah tle:no:n no:n, tle:no:n. A:xa:n kihtowah *teléfono** yeh tla..., tlaehekawi:tsalo:ni tlano:no:tsani. Pos wehka wi:ts ich n ehekatl pos, a:mo se:kmati ke:ni:n chihchi:wtok pero a:xa:n tehwa:n ya, te:chne:xtilihkeh max se:kpias *telefono** yeh max *celular** ma:s wehka wili se:monohno:tsa tle:no:n *pasarowa o** tle:no:n mochi:was yi se:kmati:ltihtokeh *pero** ne:kah to:nal xiwitl *tanto** xiwitl yi k[i]pia *año** a:ma:kin o:kmatia tle:no:n mochi:wa. Pos ohkó:n ya n se:momohtia kihtowah n a:xa:n n topilwa:n yi se:kino:no:tsa kihtowah pos. Wa:n ke:n ye:n a:mo mo..., a:mo o:tikmatiah tle:no:n i:k mono:tsaskeh. Pos n tehwa:n o:kitsili:na:yah ye:n *campana** pero ihsiwka n kitsili:niah pero no:n o:omonichikowa:yah n tla:kayo:tl para kim.., kimomatiltiah tle:no:n mochi:wa *o** tle:no:n mochi:was. Max kanah a:kin n o:kikohkokohkeh o:kimakakeh *o** ka:ni:n tle:no:n ohkó:n o:mochi:w kanah o:momimiloh *o** .... ke:ni:n yeh a:mo, yi mono:tsah ye:n ne:n kihtowah pos ye:n ne:n, mochi:was ni:n kwalo:tok n tona:nah n me:tstli, pos yehwa:tl no:n ne.... Kihtowah yehwa no:n ma timo..., ma timonichiko:ka:n sansika:n i:wa:n topilwa:n *o tofamilia** kanah tle:no:n mochi:was, a:kmo tikmateh x tlane:sis *o** a:mo tlane:sis. Tlachipa:was *o** a:mo tlachipa:was pero sansika:n ma tiika:n tle:n, tle:n Dios kimihtalwi:s tla: tlane:si, tlane:si wa:n tla: a:mo pero *sikiera** sansika:n yi timonichikowah. Ke:mah ohkó:n, neneh, ti..., ti'matokeh nika:n i:tich n toa:ltepe:tl. Ohkó:n ne:n ko:koneh tle:n, tle:n yo:lih, ne:n, te:nkwahtsi:n yeh no:n tikihtowah, yeh ne:n o:kwilo:k, ne:n, to:naltsi:n *o, o** me:tstli wa:n te:na:nah a:mo o:kipix *cuidado**, ne:n, a:mo o:mopix i:ka no:n n kone:tl ohkó:n o:ki:s. Wa:n ma:s tlapialtsi:ntli neh tle:no:n kipolowa kanah se: i:kxi n tla:nah, neh, se: i:nakas *o** tle:no:n no:n yehwa:tl no:n ya se:kihtowa ye:n, ne:n, yeh me:tstli n ohkó:n o:kichi:w. Ye:n ne:n o:kwilowak n me:tstli o:..., o:kwilowak ne:n, ne:n to:naltsi:n yehwa:tl no:n se:kihtohtok. Wa:n, ne:n, pos ohkó:n nika:n ohkó:n neh timomakah *cuenta**, ne:n, nika:n pos kwali. Nika:n kwali n se:kita nochi kwaltsi:n tlamota ke:ni:n ne:n mochi:wa, ne:n, me:tstli *o** n totahtsi:n *o** tle:no:n mochi:wtok nika:n nochi kwaltsi:n, ne:n, tlamotaya:n a:mo, neneh, nochi se:k..., se:kitstok ke:ni:n tle:no:n mochi:wtok ilwi:kak. Pos, pos yeh mila:wak ne:n kihtowa yeh nochi kimehtlakowa n, n tona:nah me:tstli ke:n *cuando** mokokowa pos nochi kintlahsiwia ma:s tlapialmeh. Wa:n neh no: se: to:nal ohkó:n *o:ne:chpasa;roh** [o:]nikimpiaya nopitsowa:n pos, o:..., o:kimtla:kati:lteh i:pilwa:n neh o:ne:chmohteh se: n ko:kone:tsi:n pitsokone:tl o:yo:l. O:katka o:ka:n nochi *formado** de ke:meh o:iskia n oki:chtl wa:n siwa:tl. Pos pitsotik mota den ko:kotsi:n wa:n ke:n chihchi:wtok tlamantl. Pos a:mo no: o:yo:l. A:mo o:ka:nki n i:chi:chiwal, pos o:momikileh. Wa:n se: kolelohtsi:n o:moyo:li:teh. Pos a:mo o:kipiaya n i:te:ntsi:n, a:mo kipí: pos ke:ni:n chi:chi:s nió:n tsahtsi a:mo wili. Wa:n oksipa ne:n se: *pollito**, a:mo wili. A:mo ke:man [o:]nikimitaya ohkó:n *pollitos**. Mm, pos ke:n o:wilik o:motlatsopi:lweh. Sa ye:n n i:te:mpi:ltsi:n sa ye:n den tlatlampa ka:mpa kipí: n i:ninipe:l. Wa:n den pani a:mo o:kipiaya n i:te:mpi:l pos sa ye:n i:..., sa ye:n n i:..., n i:ninipe:ltsi:n kiki:xtí: pos. Wa:n ke:ni:n tlakwa:s a:mo wili. O:ne:chtlaokoltih m *pollitohtsi:n** pos. A, pos ke:ni:n tsahtsitikah po ke:ni:n tlakwa:s, a:mo wili. O:..., o:nikpi:tski se: *bolsa** a:mo ka:n o:ki:s n ehekatl, tos ompa o:nikpankalakih m *pollito** n o:nte:nilpeh, ihsiwka n o:ihyo:mik. Pos okachi *lastimah** n tsahtsi wa:n tsahtsi. Tlahyo:wia, a:miki. Tlahyo:wihtok, ke:mah. Kiniki tlakwa:s. Maya:ni. ¿Pos ke:ni:n tlakwa:s? A:mo, a:mo wili tlakwa. Mm. I:kanó:n nikimilwia nopilwa:n simi x'piaka:n *cuidado, cuando** tle:no:n mochi:was, ma mochi:wa a:mo xikitaka:n. *Porque** tehwa:n, tehwa:n ma:s tisiwa:meh ma:s tla:kameh nochi te:ch..., te:chtlahsiwia. Wa:n timotlahsiwiah. Wa:n ye:n tehwa:n na:kin *kisufri:ro:s** mo:stla, wi:ptla ye:n ne:n i:wa:n topilwa:n. Ke:mah se:kitlahsiwia. Wa:n yehwa no:n nikimilwia "Mo kpiaka:n *cuidado** a:mo mo kmowiso:ka:n ma kitaka:n, *mejo[r]**, tla: kinikih kitaskeh i:tich se: n, tiposkakawatl *o** ich se: kaxitl ompa ma kitla:li:ka:n a:tl wa:n ompa ma kitaka:n *pero** ke:meh ohkó:n ma se:kahkoita, a:mo kwali. *A veces** kip..., se:kpolo:s n se: i:xtololo, a:kmo se:i:xahsis, a:kmo se:tlachia. Ma:s se:kitstoskeh kwali se:kipia n se: i:xtololo peh yeh a:kmo se:tlachia. Ke:mah yeh a:mo se:kichi:wa *cuenta** se:kimatok xa: san aha:wil tle:no:n se:kilwiah a:mo se:k..., a:mo se:kitla:lí: *cuidado** peh yeh ke:mah se:kitlahsiwia, ne:n, ne:n to:naltsi:n *o** me:tstsi:ntli yeh se:kitlahsiwia, *porque**, ne:n, tle:nsá: mochi:wtok pos nika:n tikateh ich ni:n tla:ltikpaktl yeh nochi te:ch..., te:chitstok, ne:n, i:k te..., se:tlachi:xtok n to:naltsi:n i:k me:tstli i:ka no:n se:kimatok n to:nal, yowal. Pos yehwa:n nochi no:n no: yo:ltokeh ke:meh tehwa:n tiyo:ltokeh yehwa:n no: yo:ltokeh. Pero a:mo se:kitla:lí: *cuidado** pos ya neh, neneh. Pos ohkó:n se:..., se:mochi:wa tla: tehwa:n, tla: tlapial *o**, *o** tle:no:n ohkó:n, neneh, ohkó:n se:kitlahsiwia . Ke:mah pos yeh mila:wak n te:n..., kihto..., se: ..., yehwa n tla:mo ki..., se:kino:no:tsa. Pos ohkó:n pos n tehwa:n tikihtowah n, n elwi:kak a:mo katki a:kin oksé: *persona solamente** n tona:nah n tlane:xtli, me:tstli wa:n, mm, tote:kotsi:n ye:n to:naltsi:n wa:n yehwa:n pos yehwa:n yo:ltokeh nochi yehwa:n te:chwa:lma:chihchi:wah. Mm, tehwa:n a:mo ti'matih *lo que** tle:n nika:n it..., tikateh ich ni:n tla:ltikpak *porque** yeh yehwa:n nochi te:chwa:lma:tla:liah wa:n yehwa:n te:chwa:lti:tlaneh tla: tiskeh tisiwa:meh, tikich..., tikichpilmeh *o** n se: siwa:pil yeh nochi yehwa:n kimateh ke:ni:n *kwa:lforma:rowah** para tiwitsiki:weh i:tich ni:n tla:li i:tich nika:n, i:wa:n se: tona:nah n te:chtla:kati:lti:s. Pos yehwa:n tona:nawa:n *o** tehwa:n no: yi tite:na:meh yo:tipano:keh pero a:mo ti'matih n tehwa:n. Tehwa:n tikihtowah san, *juego** tle:no:n ti'chi:wah. Pero yeh tle:n mila:k yeh *mero, mero** totahwa:n tlaskalta:nih ye:n to:naltsi:n wa:n me:tstli. Pos yehwa:tl. Ya yehwa:tl n tona:nah, yehwa:tl nochi *te:chwa:lforma:rowa** n tla: *o:te:chwa:lforma:roh** kwali. O:titla:ltikpakne:skeh nika:n ich n tla:ltikpaktl tikwalimeh. Wa:n tla: *o:te:chwa:lforma:roh mal** ohkó:n o:tine:siskiah. Wa:n a:mo nika:n o:tiskiah. [A:]mate xa: niman yo:te:..., [yo:]te:chkwepani yo:te:chwi:kaneh *porque** tle:n wi:tseh kiwa:ltla:liah ohkó:n pos yeh niman kinkwepa, kinwi:ka *porque,** siki tlaxi:kowah wa:n siki a:mo. I:ka no:n siki n tokni:wa:n tikimitah a:mo kipiah inte:ntsi:n, Pero a:mati ke:n Dios o:kinka:wki o:moyo:li:tihkeh. Wa:n kihtowah n tokni:wa:n timono:no:tsah *a veces,** [kih]towa ke:ye:n ohkó:n tlamati. N ke:n nikimilwí: no:n, nopilwa:n a:mo, a:mo se:kipi:na:wi:s ne:ka:n tokni:w ke:ye:n ohkó:n *por que** ye:n tona:nah ohkó:n o:kichi:w. A:mo o:kahxi:tileh nochi ne:n i:te:ntsi:n *o** i:ma:tsi:n a:mo kipia. Pos a:mo kateh *completos** kwalimeh i:ma:tsitsi:n pos yehwa:tl ohkó:n a:mo o:kah..., a:mo *o:kicompleta:roh.** Oka..., o:k..., o:kinkoto:nileh tsokotsi:n pos o:moka:w *mal** ohkó:n ma:..., ma:kotoktik. Ke:mah ohkó:n, ne:ne:n, ohkó:n nika:n ich ni:n toa:ltepe:tl ohkó:n tikmateh, ne:n, ohkó:n mochi:wah ne:n me:tstli n to:naltsi:n, yehwa:tl no:n ohkó:n, ohkó:n mochi:wah *cuando** okwilowah [oh]kó:n se:..., se:..., se:kmatok se:, se:kipias *cuidado**, ne:n, mm, ke:ni:n se:, se:kitla:kachi:was se:kipiali:s, neneh, se: *respeto porque**, ne:n, yehwa:n, ne:n, t..., te:ch..., te:chne:xtiliah *cuando, cuando**, ne:n, tlayowaya:nti *cuando** neh, yo:tlane:s. Pos ya se:kimati yo:tlane:s tle:no:n se:kichi:wa:s *o** ya tlahtlayowa tle:n ke:no:n nochi yehwa:tl te:ch..., te:chmakatok *cuenta** n ke:ni:n, ke:ni:n se:pano:s i:tich ni:n tla:ltikpak. Ke:mah, pos pa neh niktlasohka:mati:lia n tote:kotsi:n to:naltsi:n wa:n totahtsi:n tikilwiah, pos kwalka:n timotlane:xi:tiah. Yo:nime:w, yo:nimo..., yo:nimokitste:w niman yehwa:tsi:n nikmotla:tlawtilia, yo:motlane:xi:teh te:chonmaka n, n tlachialistl wa:n nimi:listl wa:n chika:walistl mo.... Ma timoskali:ka:n wa:n ya tikmonimili:skeh tle:no:n tikchi:waskeh n tochi:walis para timotlamakaskeh wa:n tiya:skeh oksipa ya titikitiskeh para timotikipano:skeh. Yeh no:n niktlasohka:mati nika:n ich nika:nkah to:nal wa:n i:tich nika:nkah *hora**. Ke:mah ohkó:n yo:timono:no:tskeh neh, tlasohka:matiktsi:n oksipa, neneh, neh noto:ka:yo Olivia Posadas Hernández noa:ltepe:tl Omitlán, Tepetzintla Puebla. Pos neh no: nimoto:ka:yo:tia nane:choni:xmatih niVirginia Peréz Reyes wa:n noa:ltepe:k, Omitlán, noMunicipio Tepetzintla, Puebla.